Zaburi 132:1-18
Ni indirimbo y’abariko baraduga.
132 Ewe Yehova, niwibuke Dawidihamwe n’amagorwa yiwe yose+.
2 Niwibuke indahiro yarahiye Yehova,indagano yaraganiye Umunyabubasha wa Yakobo+ ati:
3 «Sinzokwinjira mw’ihema ryanje, mu nzu yanje+.
Emwe sinzoryama ku buriri bwanje, ku gitanda canje.
4 Sinzokundira amaso yanje gusinziracanke ngo nemere gutora agatiro,
5 ntararonkera Yehova ikibanza,ahantu heza* Umunyabubasha wa Yakobo yoba+.»
6 Ivyayo* twavyumviye i Efurata+,maze tuyisanga mu karere k’amashamba+.
7 Nimuze twinjire ahantu aba*+,twuname imbere y’intebe y’ibirenge vyiwe+.
8 Haguruka Yehova, uze ahantu uruhukira+,wewe n’Isandugu y’inkomezi zawe+.
9 Ese abaherezi bawe bokwambikwa ubugororotsi,intahemuka zawe na zo zikavuza akaruru k’umunezero!
10 Girira neza umusavyi wawe Dawidi,ntute uwo warobanuje amavuta+.
11 Yehova yararahiye Dawidi,kandi ntazogenda yivuguruje.
Yavuze ati: «Nzoshira ku ntebe yawe y’ubwamiuwo mu ruvyaro rwawe*+.
12 Abana bawe nibagumya isezerano ryanjen’ivyibutswa vyanje ndabigisha+,abana babo na bo nyenebazokwicara ku ntebe yawe y’ubwami ibihe vyose+.»
13 Kuko Yehova yatoye Siyoni+,ni ho yashimye kuba+.
14 Yavuze ati: «Aha ni ho nzoruhukira ibihe vyose.Ni ho nzoba+, kuko ari ho nashimye.
15 Nzohezagira iki gisagara kibemwo ibifungurwa vyinshi,ntume abakene baho bahaga umukate+.
16 Abaherezi baho nzobambika ubukiriro+,kandi intahemuka zaho zizovuza akaruru k’umunezero+.
17 Aho ni ho nzokwongerereza inguvu* Dawidi.
Narateguriye itara uwo narobanuje amavuta+.
18 Abansi biwe nzobambika ibimaramare,ariko urugori rwo ku mutwe wiwe ruzoguma rwakaka+.»
Utujambo tw'epfo
^ Canke «ihema rihambaye.»
^ Bishobora kuba ari ivyerekeye isandugu y’isezerano.
^ Canke «mw’ihema ryiwe rihambaye.»
^ Mu giheburayo havuga ngo «icamwa c’inda yawe.»
^ Mu giheburayo havuga ngo «nzokuza ihembe.»
