Zaburi 9:1-20
Ku muyobozi, kuri Muti-labeni. Agahibongozo ka Dawidi.
א [ʼAlefu]
9 Nzoguhaya, Yehova we, n’umutima wanje wose+;Nzomenyesha ibikorwa vy’agatangaza vyawe vyose+.
2 Nzonezerwa nongere nigine muri wewe+,Nzohibongoreza izina ryawe, ewe Musumbavyose+!
ב [Beti]
3 Abansi banje nibasubira inyuma+,Bazotsitara, bayogere bave imbere yawe+.
4 Kuko washikije urubanza rwanje n’imburano zanje+;Wicaye ku ntebe y’ubwami, uca imanza mu bugororotsi+.
ג [Gimelu]
5 Wahambariye amahanga+, waranduye umubisha+.Izina ryabo warihanaguye gushika igihe kitagira urugero, mbere ibihe bidahera+.
6 Wa mwansi we, ukugirwa umusaka kwawe kwarangutse rwose+,Mbere n’ibisagara waranduye+.No kuvugwa ntibazokwongera kuvugwa+.
ה [Heʼ]
7 Nayo Yehova, azovyagira gushika igihe kitagira urugero+,Ashimangire intebe yiwe y’ubwami ku bw’urubanza+.
8 Kandi ubwiwe azocira urubanza ubutaka bwimbuka, mu bugororotsi+;Azosomera urubanza imiryango y’amahanga mu kugororoka+.
ו [Vau]
9 Yehova azocika ahantu hakirurutse hatagira inkomanzi kuri uwo wese ajanjaguwe+,Ahantu hakirurutse hatagira inkomanzi mu bihe vy’amarushwa+.
10 Abazi izina ryawe bazokwizigira+,Kuko utazogenda uhevye abakurondera, Yehova we+!
ז [Zayini]
11 Nimuhibongoreze Yehova, umwe aba i Siyoni+;Nimuyage mu bisata vy’abantu ibikorwa vyiwe+.
12 Kuko, niyarondera amaraso yasheshwe+ abo ntazobura kubibuka+;Ntashobora kwibagira amaborogo y’abarushwa+.
ח [Heti]
13 Ngirira ubutoni, Yehova we; raba amarushwa yanje ntezwa n’abanyanka+,Wewe unduza ukankura mu marembo y’urupfu+,
14 Kugira ngo menyeshe ibikorwa vyawe vyose bibereye gushemezwa+Mu marembo+ y’umukobwa wa Siyoni+,Kugira nezererwe ubukiriro bwawe+.
ט [Teti]
15 Amahanga yarokeye mu cobo yimvye+;Urusenga+ yanyegeje, ni rwo ikirenge cayo cafatiwemwo+.
16 Yehova amenyekanira ku rubanza yashikije+.Umubisha afashwe n’igikorwa c’amaboko yiwe+.Higayoni*. Sela.
י [Yodi]
17 Ababisha+ bazosubira mu kuzimu+,Mbere n’amahanga yose yibagira Imana+.
18 Kuko umworo atazokwama yibagirwa+,Eka n’icizigiro c’abatekereza ntikizokwigera gihona+.
כ [Kafu]
19 Haguruka, Yehova we! Umuntu buntu ntabe ari we yiganza mu nkomezi+.Amahanga nacirwe urubanza mu maso yawe+.
20 Nubashiremwo ubwoba, Yehova we+,Kugira amahanga amenye ko ata kindi ari atari abantu buntu+. Sela.
Utujambo tw'epfo
^ “Higayoni” ni ijambo ry’igiheburayo rijanye n’ivy’umuziki ritazwi insobanuro.
