Imigani 3:1-35
3 Mwananje, ntiwibagire itegeko ryanje+, kandi umutima wawe wubahirize amabwirizwa yanje+,
2 kuko uzokwongerwa ubwinshi bw’imisi n’imyaka y’ubuzima+ be n’amahoro+.
3 Ubuntu bwuzuye urukundo be n’ukuri ubwavyo ntibigucarukane+. Bibohere mw’izosi ryawe+. Vyandike ku gisate c’umutima wawe+,
4 ubone kuronka ubutoni n’ugutahura kwimbitse kwiza mu maso y’Imana n’ay’umuntu yakuwe mw’ivu+.
5 Wizigire Yehova n’umutima wawe+ wose kandi ntiwishimikize ubwenge bwawe bwite+.
6 Mu nzira zawe zose umwibuke+, na we azogorora iminyuro yawe+.
7 Ntube inkerebutsi mu maso yawe bwite+. Tinya Yehova, uce kure ikibi+.
8 Nibibere umukondo wawe umuti+, bibere n’amagufa yawe ukuruhurirwa+.
9 Tera iteka Yehova ukoresheje ibintu vyawe vy’agaciro+ be n’umushuzo w’umwimbu wawe wose+.
10 Maze ibigega vyawe vy’ibiribwa bizokwuzura umurengera+, ibikono vyawe uganiramwo na vyo bisesekare umuvinyu mushasha+.
11 Indero ya Yehova ntuyite mwananje+, kandi ntuzinukwe igikangiro ciwe+,
12 kuko uwo Yehova akunda amukangira+, nk’uko se akangira umwana amuhimbara+.
13 Hahiriwe umuntu yaronse ubukerebutsi+, n’umuntu aronka ugutahura+,
14 kuko kubwunguka ari vyiza kuruta kwunguka ifeza, kandi kubwimbura ni vyiza kuruta kwimbura inzahabu+.
15 Ni ubw’agaciro kuruta amabuye y’agaciro yitwa korali+, mbere n’ibindi bintu vyawe vyose bihimbaye ntivyonganishwa na bwo.
16 Ubwinshi bw’imisi buri mu kuryo kwabwo+; mu kubamfu kwabwo hari ubutunzi n’ubuninahazwa+.
17 Inzira zabwo ni inzira zuzuye ubwiza, kandi amabarabara yabwo yose ni amahoro+.
18 Ni igiti c’ubuzima+ ku babucakira, kandi ababugumya+ ni abo kwitwa abahirwe+.
19 Yehova mu bukerebutsi bwiwe yarashimangiye umushinge w’isi+. Yarashinze amajuru araguma, akoresheje ugutahura+.
20 Biciye ku bumenyi bwiwe, inyenga z’amazi zaratanijwe+, kandi ibirere vy’ibicu biguma bitibagura imvura ihwahutse+.
21 Mwananje, ntibije kure y’amaso yawe+. Zigama ubukerebutsi ngirakamaro n’ubushobozi bwo kwiyumvira+,
22 na vyo bizokubera ubuzima+, bikubere n’igikundiro mw’izosi+.
23 Aho ni ho uzogenda mu mutekano+ mu nzira yawe, mbere n’ikirenge cawe ntikizotsitara ku kintu na kimwe+.
24 Niwaryama, nta bwoba uzokwumva+; kandi uzokwiryamira koko, agatiro kawe kabe akaryoshe+.
25 Ntuzokwirirwa uratinya ikintu giteye ubwoba kiza giturumbuka+, canke ikirura kije ku babisha, kuko kiriko kiraza+.
26 Kuko Yehova ubwiwe mu vy’ukuri azokubera umwizero+, kandi ntazobura kurinda ikirenge cawe ngo ntigifatwe+.
27 Ntureke kugirira iciza abagikwiriye+ kandi ukuboko kwawe kuri n’ububasha bwo kugikora+.
28 Ntubwire mugenzawe ngo: “Genda, uze ugaruke, ejo nzoguha,” kandi ufise ikintu+.
29 Nturementanirize mugenzawe ikibi na kimwe+, mu gihe yumva yibereyeho atekanye kumwe nawe+.
30 Ntutongane n’umuntu ata mpamvu+, nimba ata nabi yakugiriye+.
31 Ntiwumvire agashari umuntu w’ubukazi+, canke ngo uhitemwo n’imwe mu nzira ziwe+.
32 Kuko umunyamayeri+ ari ikintu giteye ishishi kuri Yehova+, mugabo kugirana ubugenzi somambike na We ni ivy’abagororotse+.
33 Umuvumo wa Yehova uri ku nzu y’umubisha+, ariko ahantu abagororotsi baba arahahezagira+.
34 Abashinyaguzi+ ubwiwe azobatwengera mw’ijigo+; ariko abatekereza azobagirira ubutoni+.
35 Iteka ni ryo inkerebutsi zizokwigabira+, ariko ibijuju bishira hejuru agatetereza+.
