VYOBA VYARIYADUKIJE?
Ubushobozi insazi ifise bwo kugira agatebetebe
Nimba umaze kugerageza gukubita insazi, ngira wariboneye ko bitoroshe. Ukuntu inyaruka buravyo bituma kuyifata bitoroha.
Abahinga barabonye ko hariho ubwoko bw’insazi zishobora kugira agatebetebe nka kurya kw’indege z’indwano, ariko zozo zikabigira mu kanya isase. Porofeseri Michael Dickinson avuga ko zikivuka “zishobora kuguruka nk’izakanongoreye. Bimeze nko gufata uruyoya ukarushira kw’ivola y’indege y’indwano rugaca rumenya ico rukora.”
Abashakashatsi barakameye insazi ziriko ziragira agatebetebe, basanga zikubita amababa incuro 200 kw’isegonda. Ariko zikubise amababa rimwe gusa, biba bihagije kugira zibe zakase.
None bisaba umwanya ungana iki kugira zibe zagurutse? Abashakashatsi basanze ugereranije n’ukuntu umuntu anyarutsa gukubita urugohe, insazi zinyarutsa kuguruka incuro 50 kuruta. Umwe Dickinson twavuga asigura ati: “Insazi iragira igiharuro gikomeye, ku buryo mu kanya isase iba yamaze kubona aho akaga kazananye n’iyo yohungira.”
Ukuntu ubwonko bungana ide bw’insazi bushobora gukora ibintu nk’ivyo, ni ikintu n’ubu abahinga bataratahura.
Mu kanya isase, insazi iba ikase kugira ihunge
None uvyibazako iki? Ubushobozi insazi ifise bwo kugira agatebetebe coba ari ikintu ciyadukije? Canke hariho uwagikoze?
Raba kandi
IBITABU N’UDUTABU
Vyoba vyararemwe?
Ivyo wemera ku bijanye n’ukuntu ubuzima bwatanguye kubaho biri n’ico bivuze koko.
BE MASO!
Amasunwa y’amababa y’inyoni zigurukira hejuru cane
Kuba abahinga mu vy’indege bariganye ibaba ry’inyoni vyatumye indege ziziganya amalitiro imiliyoni 7.600 y’igitoro mu mwaka umwe gusa.
BE MASO!
Udutsi nsozabwenge tw’ijisho ry’inzige
Inzige zibigenza gute kugira ntizisekane igihe ziriko ziraguruka ari ikigwi?