Pangani Dawunilodi:

• Manotsi

1. 1. Ndinadzuka m’mawa n’kukonzekera.

   Ndinapemphera ndithu ponyamuka.

   Ndikuletsedwatu kulalikira.

   Ndalimba mtima, sindiopa.

   (KOLASI)

   Sindingasiyedi ntchito yolalikira, ndithu

   Yehova ’li ndi ine, ndioperenji?

   Yehova ’li ndi ine, ndioperenji?

2. 2. Ndikuganizira za munthu wina

   Amene anasonyeza chidwi.

   Ndingamve bwino titakumananso.

   Ndikufunitsitsa kumuthandiza.

   (KOLASI)

   Sindingasiyedi ntchito yolalikira, ndithu

   Yehova ’li ndi ine, ndioperenji?

   Yehova ’li ndi ine, ndioperenji?

   (VESI LOKOMETSERA)

   Ngatitu moto mumtima mwangamu

   Sindikwanitsa kungokhala.

   Ndilankhulabe za Yehova.

   Sindingasiye kuuzako ena.

   Ndilimbitse chikhulupiriro.

   Mulimonsemo ndipirira.

   Ndidzamverabe Yehova yekha.

   Iye adzandipulumutsa.

3. 3. Ndigone tsopano poti kwada,

   Ndimuthokozensotu Yehova.

   Zotigwera mawa sitidziwa,

   Mulungu adzatipulumutsa.

   (KOLASI)

   Sindingasiyedi ntchito yolalikira, ndithu

   Yehova ’li ndi ine, ndioperenji?

   Yehova ’li ndi ine, ndioperenji?