മകളും കുടും​ബ​വും തങ്ങളെ സന്ദർശി​ക്കാൻ വന്നത്‌ ഡോണും മാർഗ്രറ്റും * വളരെ ആസ്വദി​ച്ചു. നേരത്തെ പാചക​ക്കാ​രി​യാ​യി ജോലി ചെയ്‌തി​രുന്ന മാർഗ്രറ്റ്‌ പേരക്കു​ട്ടി​കൾക്ക് ഇഷ്ടപ്പെട്ട ഭക്ഷണമായ മക്രോ​ണി​യും ചീസും ഉണ്ടാക്കി.

എല്ലാവ​രെ​യും ഇരുത്തി​യ​ശേഷം മാർഗ്രറ്റ്‌ ഭക്ഷണം കൊണ്ടു​വെച്ചു. അവർ മൂടി തുറന്ന​പ്പോൾ അമ്പരന്നു​പോ​യി. പാത്ര​ത്തിൽ സോസ്‌ മാത്രമേ ഉണ്ടായി​രു​ന്നു​ള്ളൂ. അതിലെ പ്രധാ​ന​ചേ​രു​വ​യായ മക്രോണി * ഇടാൻ മാർഗ്രറ്റ്‌ മറന്നു​പോ​യി​രു​ന്നു.

ഏതു പ്രായ​ത്തി​ലു​ള്ള​വ​രോ എത്ര അനുഭ​വ​പ​രി​ച​യ​മു​ള്ള​വ​രോ ആണെങ്കി​ലും നമു​ക്കെ​ല്ലാം പിഴവു​കൾ സംഭവി​ക്കാ​റുണ്ട്. ചിന്തി​ക്കാ​തെ പറഞ്ഞ വാക്കോ ചെയ്യാൻ വിട്ടു​പോയ ഒരു കാര്യ​മോ അല്ലെങ്കിൽ അസമയത്തു ചെയ്‌ത ഒരു നല്ല കാര്യ​മോ ഒക്കെയാ​യി​രി​ക്കാം അത്‌. ആകട്ടെ, എന്തു​കൊ​ണ്ടാണ്‌ പിഴവു​കൾ സംഭവി​ക്കു​ന്നത്‌? നമുക്ക് അവയെ എങ്ങനെ കൈകാ​ര്യം ചെയ്യാം? അവ ഒഴിവാ​ക്കാ​നാ​കു​മോ? പിഴവു​ക​ളെ​ക്കു​റി​ച്ചുള്ള ശരിയായ വീക്ഷണ​മു​ണ്ടാ​യി​രി​ക്കു​ന്നത്‌ ഈ ചോദ്യ​ങ്ങൾക്ക് ഉത്തരം കണ്ടെത്താൻ സഹായി​ക്കും.

നമ്മൾ ഒരു കാര്യം ഭംഗി​യാ​യി ചെയ്‌തിട്ട് അതെപ്പറ്റി ആരെങ്കി​ലും നല്ലതു പറയു​ക​യോ അതിനാ​യി നന്ദി പറയു​ക​യോ ചെയ്‌താൽ നമ്മൾ അത്‌ അർഹി​ക്കു​ന്ന​താ​ണെന്നു കരുതി സസന്തോ​ഷം സ്വീക​രി​ക്കും. എന്നാൽ നമ്മൾ ഒരു പിഴവാണ്‌ വരുത്തു​ന്ന​തെ​ങ്കിൽ, അത്‌ അറിയാ​തെ ചെയ്‌ത​തോ മറ്റുള്ള​വ​രു​ടെ ശ്രദ്ധയിൽപ്പെ​ടാ​ത്ത​തോ ആണെങ്കി​ലും, അതിന്‍റെ ഉത്തരവാ​ദി​ത്വ​വും നമ്മൾ ഏറ്റെടു​ക്കേ​ണ്ട​തല്ലേ? അങ്ങനെ ചെയ്യു​ന്ന​തിന്‌ താഴ്‌മ ആവശ്യ​മാണ്‌.

നമ്മൾ നമ്മളെ​ക്കു​റിച്ച് അതിരു​ക​ടന്ന് ചിന്തി​ക്കു​ന്ന​വ​രാ​ണെ​ങ്കിൽ ചെയ്‌ത തെറ്റിനെ നിസ്സാ​രീ​ക​രി​ക്കാ​നോ നിഷേ​ധി​ക്കാ​നോ അല്ലെങ്കിൽ മറ്റാരു​ടെ​യെ​ങ്കി​ലും മേൽ കെട്ടി​വെ​ക്കാ​നോ ശ്രമി​ച്ചേ​ക്കാം. അത്തരം പ്രവൃ​ത്തി​കൾക്കു മിക്ക​പ്പോ​ഴും മോശ​മായ ഫലങ്ങളാ​യി​രി​ക്കും ഉണ്ടാകുക. പ്രശ്‌നം പരിഹ​രി​ക്കാൻ സാധ്യ​ത​യി​ല്ലെന്നു മാത്രമല്ല മറ്റുള്ള​വ​രോ​ടു ചെയ്യുന്ന അന്യാ​യ​വു​മാ​യി​രി​ക്കും അത്‌. ഒരുപക്ഷേ മറ്റൊ​രാ​ളു​ടെ മേൽ കുറ്റം കെട്ടി​വെ​ക്കു​ന്ന​തിൽ ഇപ്പോൾ വിജയി​ച്ചാൽപോ​ലും “നമ്മൾ ഓരോ​രു​ത്ത​രും ദൈവ​ത്തോ​ടു കണക്കു ബോധി​പ്പി​ക്കേ​ണ്ടി​വ​രും” എന്ന കാര്യം ഓർക്കണം.​—റോമർ 14:12.

നമുക്ക് പിഴവുകൾ പറ്റുമെന്നു ദൈവത്തിന്‌ അറിയാം. ദൈവം “കരുണാ​മ​യ​നും അനുക​മ്പ​യു​ള്ള​വ​നും” ആണെന്നും ‘എപ്പോ​ഴും കുറ്റം കണ്ടുപി​ടി​ക്കാൻ നോക്കു​ന്നി​ല്ലെ​ന്നും, എന്നെന്നും നീരസം വെച്ചു​കൊ​ണ്ടി​രി​ക്കു​ന്നി​ല്ലെ​ന്നും’ ആണ്‌ സങ്കീർത്ത​ന​പ്പു​സ്‌ത​ക​ത്തിൽ ദൈവ​ത്തെ​ക്കു​റിച്ച് പറഞ്ഞി​രി​ക്കു​ന്നത്‌. മനുഷ്യർ അപൂർണ​രാ​യ​തു​കൊണ്ട് ജന്മനാ ദൗർബ​ല്യ​ങ്ങൾ ഉള്ളവരാ​ണെന്ന് ദൈവ​ത്തിന്‌ അറിയാം. “നാം പൊടി​യെന്നു ദൈവം ഓർക്കു​ന്നു.”​—സങ്കീർത്തനം 103:8, 9, 14.

കൂടാതെ, കരുണാ​മ​യ​നായ പിതാ​വെന്ന നിലയിൽ താൻ വീക്ഷി​ക്കു​ന്ന​തു​പോ​ലെ തന്‍റെ മക്കൾ അവരുടെ സ്വന്തം പിഴവു​കളെ കാണണ​മെന്നു ദൈവം ആഗ്രഹി​ക്കു​ന്നു. (സങ്കീർത്തനം 130:3) മാത്രമല്ല നമ്മു​ടെ​യും മറ്റുള്ള​വ​രു​ടെ​യും പിഴവു​കൾ മെച്ചമാ​യി കൈകാ​ര്യം ചെയ്യാ​നുള്ള അനേകം മാർഗ​നിർദേ​ശങ്ങൾ ദൈവം സ്‌നേ​ഹ​പു​ര​സ്സരം നൽകു​ക​യും ചെയ്യുന്നു.

മിക്ക​പ്പോ​ഴും തെറ്റുകൾ സംഭവി​ച്ചു​ക​ഴി​യു​മ്പോൾ തങ്ങൾ പറഞ്ഞതോ ചെയ്‌ത​തോ ആയ കാര്യ​ങ്ങ​ളു​ടെ കുറ്റം മറ്റാരു​ടെ​യെ​ങ്കി​ലും മേൽ ആരോ​പി​ക്കാ​നോ അതിനെ ന്യായീ​ക​രി​ക്കാ​നോ ആയി ആളുകൾ വളരെ​യ​ധി​കം സമയവും ഊർജ്ജ​വും ചെലവ​ഴി​ക്കു​ന്നു. അതിനു പകരം നിങ്ങളു​ടെ വാക്കുകൾ ആരെ​യെ​ങ്കി​ലും മുറി​പ്പെ​ടു​ത്തി​യി​ട്ടു​ണ്ടെ​ങ്കിൽ ഒന്ന് ക്ഷമ ചോദി​ക്കാ​നോ തെറ്റു തിരു​ത്താ​നോ നിങ്ങളു​ടെ സുഹൃ​ദ്‌ബന്ധം പുനഃ​സ്ഥാ​പി​ക്കാ​നോ എന്തു​കൊണ്ട് ശ്രമി​ച്ചു​കൂ​ടാ? നിങ്ങൾ തെറ്റായ എന്തെങ്കി​ലും ചെയ്യു​ക​യോ, നിങ്ങൾക്കു​ത​ന്നെ​യോ മറ്റൊ​രാൾക്കോ അസൗക​ര്യ​മു​ണ്ടാ​ക്കു​ക​യോ ഹാനി​വ​രു​ത്തു​ക​യോ ചെയ്‌തി​ട്ടു​ണ്ടോ? അത്തരം സാഹച​ര്യ​ങ്ങ​ളിൽ നിങ്ങ​ളോ​ടു​തന്നെ ദേഷ്യം തോന്നു​ക​യോ മറ്റുള്ള​വരെ കുറ്റ​പ്പെ​ടു​ത്തു​ക​യോ ചെയ്യു​ന്ന​തി​നു പകരം പ്രശ്‌നം നേരെ​യാ​ക്കാൻ നിങ്ങളാലാകുന്നത്‌ ചെയ്യുന്നത്‌ നല്ലതാ​യി​രി​ക്കി​ല്ലേ? അതിനു പകരം പിഴവി​ന്‍റെ കാരണം മറ്റെന്തോ ആണെന്നു വരുത്തി​ത്തീർക്കാൻ ശ്രമി​ക്കു​ന്നത്‌ സംഘർഷാ​വസ്ഥ നീളു​ന്ന​തി​നും പ്രശ്‌നങ്ങൾ സങ്കീർണ​മാ​കു​ന്ന​തി​നും  മാത്രമേ ഉപകരി​ക്കു​ക​യു​ള്ളൂ. അതു​കൊണ്ട് പിഴവു​ക​ളിൽനിന്ന് പഠിക്കുക, അവ നേരെ​യാ​ക്കുക, മുന്നോ​ട്ടു പോകുക.

മറ്റാ​രെ​ങ്കി​ലും പിഴവ്‌ വരുത്തു​ന്നെ​ങ്കിൽ അത്‌ തനിക്ക് ഒട്ടും ഇഷ്ടപ്പെ​ട്ടി​ല്ലെന്ന രീതി​യിൽ പ്രതി​ക​രി​ക്കാൻ നമുക്കു വളരെ എളുപ്പ​മാണ്‌. അത്തരം സാഹച​ര്യ​ങ്ങ​ളിൽ “മറ്റുള്ളവർ നിങ്ങൾക്കു ചെയ്‌തു​ത​ര​ണ​മെന്നു നിങ്ങൾ ആഗ്രഹി​ക്കു​ന്ന​തെ​ല്ലാം അവർക്കും ചെയ്‌തു​കൊ​ടു​ക്കണം” എന്ന യേശു​വി​ന്‍റെ ബുദ്ധി​യു​പ​ദേശം പിൻപ​റ്റു​ന്നത്‌ എത്ര നന്നായി​രി​ക്കും! (മത്തായി 7:12) നിങ്ങൾ ഒരു പിഴവ്‌ വരുത്തു​ന്നെ​ങ്കിൽ, അത്‌ നിസ്സാ​ര​മാ​ണെ​ങ്കിൽക്കൂ​ടി, മറ്റുള്ളവർ നിങ്ങ​ളോട്‌ അനുക​മ്പ​യോ​ടെ ഇടപെ​ട​ണ​മെ​ന്നും, അല്ലെങ്കിൽ ഒരുപക്ഷേ കണ്ടി​ല്ലെന്നു വെക്കണ​മെ​ന്നും ആയിരി​ക്കും നിങ്ങൾ ആഗ്രഹി​ക്കുക. അങ്ങനെ​യെ​ങ്കിൽ മറ്റുള്ള​വ​രോ​ടും ഇതു​പോ​ലെ ദയ കാണി​ക്കാൻ ശ്രമി​ക്കു​ന്നത്‌ ഉചിത​മാ​യി​രി​ക്കി​ല്ലേ?​—എഫെസ്യർ 4:32.

പിഴവു​കൾ മിക്ക​പ്പോ​ഴും “തെറ്റായ കണക്കു​കൂ​ട്ട​ലു​കൾ, പരിമി​ത​മായ ജ്ഞാനം, അശ്രദ്ധ” എന്നിവ​യിൽനി​ന്നാണ്‌ ഉളവാ​കു​ന്ന​തെന്ന് ഒരു നിഘണ്ടു പറയുന്നു. പലരും മേൽപ്പ​റ​ഞ്ഞി​രി​ക്കുന്ന ഒന്നോ അതില​ധി​ക​മോ സ്വഭാ​വ​സ​വി​ശേ​ഷ​തകൾ മിക്ക​പ്പോ​ഴും പ്രകട​മാ​ക്കു​ന്നുണ്ട് എന്നതാണ്‌ വസ്‌തുത. എന്നിരു​ന്നാ​ലും തിരു​വെ​ഴു​ത്തു​ക​ളി​ലെ ചില അടിസ്ഥാ​ന​ത​ത്ത്വ​ങ്ങൾ മനസ്സി​ലാ​ക്കു​ന്നെ​ങ്കിൽ പിഴവു​കൾ കുറയ്‌ക്കാ​നാ​കും.

സുഭാ​ഷി​ത​ങ്ങൾ 18:13-ൽ അത്തര​മൊ​രു തത്ത്വം നമുക്കു കാണാ​നാ​കും. അവിടെ ഇങ്ങനെ വായി​ക്കു​ന്നു: “വസ്‌തു​ത​ക​ളെ​ല്ലാം കേൾക്കും​മു​മ്പേ മറുപടി പറയു​ന്നതു വിഡ്‌ഢി​ത്തം; അതു മനുഷ്യന്‌ അപമാ​ന​കരം.” അതെ, കാര്യ​ത്തി​ന്‍റെ എല്ലാ വശങ്ങ​ളെ​ക്കു​റി​ച്ചും കേൾക്കാൻ സമയ​മെ​ടു​ക്കു​ക​യും അതി​നോട്‌ എങ്ങനെ പ്രതി​ക​രി​ക്ക​ണ​മെന്നു ചിന്തി​ക്കു​ക​യും ചെയ്യു​ന്നത്‌ വീണ്ടു​വി​ചാ​ര​മി​ല്ലാ​തെ സംസാ​രി​ക്കു​ന്ന​തിൽനി​ന്നും എടുത്തു​ചാ​ടി പ്രവർത്തി​ക്കു​ന്ന​തിൽനി​ന്നും നിങ്ങളെ തീർച്ച​യാ​യും തടയും. തെറ്റായ തീരു​മാ​നങ്ങൾ എടുത്ത്‌ കുഴപ്പ​ങ്ങ​ളിൽ ചെന്ന് ചാടാ​തി​രി​ക്കേ​ണ്ട​തിന്‌ കാര്യ​ങ്ങൾക്ക് അടുത്ത ശ്രദ്ധ നൽകി വിശക​ലനം ചെയ്യേ​ണ്ടത്‌ ആവശ്യ​മാണ്‌.

“എല്ലാവ​രു​മാ​യി സമാധാ​ന​ത്തി​ലാ​യി​രി​ക്കാൻ നിങ്ങളു​ടെ കഴിവി​ന്‍റെ പരമാ​വധി ശ്രമി​ക്കുക” എന്നതാണ്‌ മറ്റൊരു ബൈബിൾത​ത്ത്വം. (റോമർ 12:18) സമാധാ​ന​ത്തി​ന്‍റെ​യും സഹകര​ണ​ത്തി​ന്‍റെ​യും ഒരു ആത്മാവ്‌ ഉളവാ​ക്കാൻ നിങ്ങളാ​ലാ​കു​ന്നത്‌ ചെയ്യുക. മറ്റുള്ള​വ​രോ​ടൊ​പ്പം ജോലി​ചെ​യ്യുന്ന സന്ദർഭ​ങ്ങ​ളിൽ പരിഗ​ണ​ന​യോ​ടെ​യും ആദര​വോ​ടെ​യും ഇടപെ​ടുക. അവരെ അഭിന​ന്ദി​ക്കാ​നും പ്രോ​ത്സാ​ഹി​പ്പി​ക്കാ​നും ശ്രമി​ക്കുക. അത്തര​മൊ​രു അന്തരീ​ക്ഷ​ത്തിൽ, ചിന്താ​ശൂ​ന്യ​മായ വാക്കു​ക​ളും പ്രവൃ​ത്തി​ക​ളും ക്ഷമിക്കാ​നോ വിട്ടു​ക​ള​യാ​നോ എളുപ്പ​മാണ്‌. മാത്രമല്ല, ഗുരു​ത​ര​മായ തെറ്റു​കൾപോ​ലും രമ്യമാ​യി പരിഹ​രി​ക്കാൻ സാധി​ക്കും.

തെറ്റു​ക​ളിൽനിന്ന് എന്തെങ്കി​ലും പാഠം പഠിക്കാൻ ശ്രമി​ക്കു​ന്ന​താണ്‌ അടുത്ത പടി. നിങ്ങൾ പറഞ്ഞതോ ചെയ്‌ത​തോ ആയ കാര്യ​ങ്ങൾക്ക് ഒഴിക​ഴി​വു കണ്ടെത്താൻ ശ്രമി​ക്കു​ന്ന​തി​നു പകരം നല്ല ഗുണങ്ങൾ വളർത്തി​യെ​ടു​ക്കു​ന്ന​തി​നുള്ള ഒരു അവസര​മാ​യി അതിനെ കാണുക. കൂടുതൽ ക്ഷമ, ദയ, ആത്മനി​യ​ന്ത്രണം എന്നീ ഗുണങ്ങൾ നിങ്ങൾ കാണി​ക്കേ​ണ്ട​തു​ണ്ടാ​യി​രു​ന്നോ? സൗമ്യത, സമാധാ​നം, സ്‌നേഹം എന്നിവയെ സംബന്ധി​ച്ചോ? (ഗലാത്യർ 5:22, 23) കുറഞ്ഞ​പക്ഷം അടുത്ത പ്രാവ​ശ്യം ഈ തെറ്റു സംഭവി​ക്കാ​തി​രി​ക്കാൻ എന്തു ചെയ്യണ​മെന്നു നിങ്ങൾക്കു പഠിക്കാ​നാ​കും. നിങ്ങൾക്കു സംഭവി​ച്ച​തി​നെ​ക്കു​റിച്ച് അമിത​മാ​യി വിഷമി​ക്ക​രുത്‌, അതേസ​മയം തെറ്റിന്‍റെ ഉത്തരവാ​ദി​ത്വം ഏറ്റെടു​ക്കുക. ഇനി, സമ്മർദം ലഘൂക​രി​ക്കാൻ നർമ​ബോ​ധ​ത്തിന്‌ കഴിയും.

പിഴവു​ക​ളെ​ക്കു​റിച്ച് ശരിയായ വീക്ഷണ​മു​ണ്ടാ​യി​രി​ക്കു​ന്നത്‌, തെറ്റുകൾ സംഭവി​ക്കു​മ്പോൾ അവ മെച്ചമാ​യി കൈകാ​ര്യം ചെയ്യാൻ നമ്മളെ സഹായി​ക്കും. നമ്മൾ നമ്മളോ​ടു​ത​ന്നെ​യും മറ്റുള്ള​വ​രോ​ടും സമാധാ​ന​ത്തി​ലാ​യി​രി​ക്കും. തെറ്റു​ക​ളിൽനിന്ന് പാഠം പഠിക്കു​ന്നെ​ങ്കിൽ നമ്മൾ ജ്ഞാനി​ക​ളാ​കു​ക​യും എല്ലാവർക്കും പ്രിയ​ങ്ക​ര​രാ​യി​ത്തീ​രു​ക​യും ചെയ്യും. നമ്മുടെ മനസ്സ് ഇടിഞ്ഞു​പോ​കു​ക​യോ നമ്മളെ​ക്കു​റി​ച്ചു​തന്നെ മോശ​മാ​യി ചിന്തി​ക്കു​ക​യോ ഇല്ല. ഇനി മറ്റുള്ള​വ​രും തങ്ങളുടെ പിഴവു​കൾക്ക് മാറ്റം വരുത്താൻ പരി​ശ്ര​മി​ച്ചു​കൊ​ണ്ടി​രി​ക്കു​ക​യാണ്‌ എന്ന സംഗതി ഓർക്കു​ന്നത്‌ അവരു​മാ​യി നമ്മളെ കൂടുതൽ അടുപ്പി​ക്കും. ഏറ്റവും പ്രധാ​ന​മാ​യി ദൈവ​സ്‌നേ​ഹ​വും ഉദാര​മാ​യി ക്ഷമിക്കാ​നുള്ള ദൈവ​ത്തി​ന്‍റെ മനസ്സൊ​രു​ക്ക​വും അനുക​രി​ക്കാൻ നമ്മൾ പഠിക്കും.​—കൊ​ലോ​സ്യർ 3:13.

തുടക്ക​ത്തിൽ നമ്മൾ കണ്ട മാർഗ്രറ്റിന്‌ സംഭവിച്ച പിഴവ്‌ ആ കുടും​ബ​ത്തി​ന്‍റെ സന്തോഷം കളഞ്ഞു​കു​ളി​ച്ചോ? ഒരിക്ക​ലു​മില്ല. എല്ലാവരും ആ സംഭവ​ത്തി​ലെ രസകര​മായ വശമാണ്‌ കണ്ടത്‌, പ്രത്യേ​കിച്ച് മാർഗ്രറ്റ്‌. മക്രോ​ണി ഇല്ലെങ്കിൽ വേണ്ട സോസു​ണ്ട​ല്ലോ എന്നു ചിന്തി​ച്ചു​കൊണ്ട് കുടും​ബാം​ഗങ്ങൾ അത്‌ ആസ്വദി​ച്ചു​ക​ഴി​ച്ചു. പിന്നീട്‌ വർഷങ്ങൾക്കു ശേഷം, മുത്തശ്ശീ​മു​ത്ത​ശ്ശ​ന്മാർ തങ്ങൾക്കാ​യി ഒരുക്കിയ വിരു​ന്നി​നെ​യും മറ്റു മധുര​സ്‌മ​ര​ണ​ക​ളെ​യും കുറിച്ച് പേരക്കു​ട്ടി​കൾ അവരുടെ മക്കളു​മാ​യി പങ്കു​വെച്ചു. അങ്ങനെ​യല്ലേ വേണ്ടത്‌? കാരണം അത്‌ വെറു​മൊ​രു പിഴവ്‌ മാത്ര​മാ​യി​രു​ന്ന​ല്ലോ!