1. ബൈബിൾപ്ര​വ​ച​നങ്ങൾ പഠിക്കു​ന്നത്‌ ഇഷ്ടമാ​കാൻ നമ്മളെ എന്തു സഹായി​ക്കും?

 “ബൈബിൾപ്ര​വ​ച​ന​ങ്ങ​ളെ​ക്കു​റിച്ച്‌ പഠിക്കാൻ എനിക്ക്‌ ഒരുപാട്‌ ഇഷ്ടമാണ്‌” എന്നു കഴിഞ്ഞ ലേഖന​ത്തിൽ കണ്ട ബെൻ എന്ന ചെറു​പ്പ​ക്കാ​രൻ പറയുന്നു. നിങ്ങൾക്കും അങ്ങനെ​യാ​ണോ തോന്നു​ന്നത്‌? അതോ ബൈബിൾപ്ര​വ​ച​ന​ങ്ങ​ളെ​ക്കു​റിച്ച്‌ പഠിക്കു​ന്നത്‌ അത്ര എളുപ്പ​മ​ല്ലെ​ന്നാ​ണോ നിങ്ങൾ ചിന്തി​ക്കു​ന്നത്‌? അത്തരം കാര്യങ്ങൾ പഠിക്കു​ന്നത്‌ ഒട്ടും രസമല്ല എന്നു​പോ​ലും നിങ്ങൾക്കു തോന്നി​യേ​ക്കാം. പക്ഷേ യഹോവ എന്തു​കൊ​ണ്ടാണ്‌ അതൊക്കെ തന്റെ വചനത്തിൽ ഉൾപ്പെ​ടു​ത്തി​യ​തെന്നു മനസ്സി​ലാ​ക്കു​മ്പോൾ ഒരുപക്ഷേ നിങ്ങളു​ടെ ചിന്തയ്‌ക്കു മാറ്റം വരും.

2. ഈ ലേഖന​ത്തിൽ നമ്മൾ എന്തു പഠിക്കും?

² ഈ ലേഖന​ത്തിൽ, ബൈബിൾപ്ര​വ​ച​നങ്ങൾ പഠി​ക്കേ​ണ്ടത്‌ എന്തു​കൊ​ണ്ടാണ്‌ എന്നും അത്‌ എങ്ങനെ ചെയ്യാം എന്നും നമ്മൾ കാണും. തുടർന്ന്‌ ദാനി​യേൽ പുസ്‌ത​ക​ത്തിൽ കാണുന്ന രണ്ടു പ്രവച​ന​ങ്ങ​ളെ​ക്കു​റി​ച്ചും അവയുടെ അർഥം മനസ്സി​ലാ​ക്കു​ന്നത്‌ ഇന്നു നമ്മളെ എങ്ങനെ സഹായി​ക്കും എന്നതി​നെ​ക്കു​റി​ച്ചും പഠിക്കും.

3. ബൈബിൾപ്ര​വ​ച​ന​ങ്ങ​ളു​ടെ അർഥം മനസ്സി​ലാ​ക്കാൻ നമ്മൾ എന്തു ചെയ്യണം?

³ ബൈബിൾപ്ര​വ​ച​നങ്ങൾ മനസ്സി​ലാ​ക്ക​ണ​മെ​ങ്കിൽ നമ്മൾ സഹായം ചോദി​ക്കണം. ഉദാഹ​ര​ണ​ത്തിന്‌, നിങ്ങൾ ഒട്ടും പരിച​യ​മി​ല്ലാത്ത ഒരു സ്ഥലത്തേക്കു പോകു​ക​യാ​ണെ​ന്നി​രി​ക്കട്ടെ. പക്ഷേ നിങ്ങളു​ടെ കൂടെ​യുള്ള കൂട്ടു​കാ​രന്‌ ആ സ്ഥലമൊ​ക്കെ നന്നായി അറിയാം. നിങ്ങൾ ഇപ്പോൾ എവി​ടെ​യാ​ണു നിൽക്കു​ന്ന​തെ​ന്നും ഓരോ വഴിയും എങ്ങോ​ട്ടു​ള്ള​താ​ണെ​ന്നും അദ്ദേഹ​ത്തി​നു കൃത്യ​മാ​യി പറയാ​നാ​കും. അദ്ദേഹം കൂടെ​യു​ള്ള​തിൽ നിങ്ങൾക്ക്‌ ഒരുപാ​ടു സന്തോഷം തോന്നും, ശരിയല്ലേ? ആ കൂട്ടു​കാ​ര​നെ​പ്പോ​ലെ​ത​ന്നെ​യാണ്‌ യഹോ​വ​യും. നമ്മൾ ഇപ്പോൾ എത്തിനിൽക്കു​ന്നത്‌ എവി​ടെ​യാ​ണെ​ന്നും ഇനിയ​ങ്ങോട്ട്‌ എന്താണു സംഭവി​ക്കാൻ പോകു​ന്ന​തെ​ന്നും യഹോ​വ​യ്‌ക്കു കൃത്യ​മാ​യി അറിയാം. അതു​കൊണ്ട്‌ ബൈബിൾപ്ര​വ​ച​ന​ങ്ങ​ളു​ടെ  അർഥം മനസ്സി​ലാ​ക്കാൻ നമ്മൾ താഴ്‌മ​യോ​ടെ യഹോ​വ​യു​ടെ സഹായം ചോദി​ക്കണം.—ദാനി. 2:28; 2 പത്രോ. 1:19, 20.

4. യഹോവ എന്തു​കൊ​ണ്ടാ​ണു പ്രവച​നങ്ങൾ ബൈബി​ളിൽ എഴുതി​ച്ചത്‌? (യിരെമ്യ 29:11) (ചിത്ര​വും കാണുക.)

⁴ സ്‌നേ​ഹ​മുള്ള ഒരു അപ്പനെ​പ്പോ​ലെ യഹോ​വ​യും ആഗ്രഹി​ക്കു​ന്നതു തന്റെ മക്കൾക്കു നല്ലൊരു ഭാവി​യു​ണ്ടാ​യി​രി​ക്കാ​നാണ്‌. (യിരെമ്യ 29:11 വായി​ക്കുക.) പക്ഷേ, ഭാവി​യിൽ എന്തു നടക്കു​മെന്നു പറയാൻ മനുഷ്യർക്കാ​കില്ല. എന്നാൽ അതു കൃത്യ​മാ​യി പറയാൻ യഹോ​വ​യ്‌ക്കു കഴിയും. ആ പ്രവച​ന​ങ്ങ​ളെ​ല്ലാം യഹോവ തന്റെ വചനത്തിൽ എഴുതി​ച്ചി​ട്ടു​മുണ്ട്‌. (യശ. 46:10) പ്രധാ​ന​പ്പെട്ട പല സംഭവ​ങ്ങ​ളും അവ നടക്കു​ന്ന​തി​നു മുമ്പു​തന്നെ നമ്മൾ അറിയാൻവേ​ണ്ടി​യാണ്‌ യഹോവ അങ്ങനെ ചെയ്‌തത്‌. നമ്മുടെ സ്വർഗീ​യ​പി​താവ്‌ സ്‌നേ​ഹ​ത്തോ​ടെ നൽകിയ സമ്മാന​ങ്ങ​ളാ​ണു ബൈബിൾപ്ര​വ​ച​നങ്ങൾ എന്നു പറയാം. പക്ഷേ ബൈബി​ളിൽ പറഞ്ഞി​രി​ക്കുന്ന കാര്യ​ങ്ങ​ളെ​ല്ലാം നടക്കു​മെന്നു നിങ്ങൾക്ക്‌ എങ്ങനെ ഉറപ്പോ​ടെ പറയാ​നാ​കും?

5. ചെറു​പ്പ​ക്കാർക്ക്‌ മാക്‌സി​ന്റെ അനുഭ​വ​ത്തിൽനിന്ന്‌ എന്തു പഠിക്കാം?

⁵ സ്‌കൂ​ളിൽ പലപ്പോ​ഴും നമ്മുടെ മക്കൾ ബൈബി​ളി​നെ ഒട്ടും​തന്നെ ആദരി​ക്കാത്ത കുട്ടി​ക​ളോ​ടൊ​പ്പ​മാ​ണു​ള്ളത്‌. അവരുടെ സംസാ​ര​വും പ്രവൃ​ത്തി​ക​ളും നമ്മുടെ ചെറു​പ്പ​ക്കാ​രു​ടെ മനസ്സിൽ പല സംശയ​ങ്ങ​ളും ഉണ്ടാക്കി​യേ​ക്കാം. മാക്‌സ്‌ എന്ന സഹോ​ദ​രന്റെ അനുഭവം നോക്കുക. സഹോ​ദരൻ പറയുന്നു: “സ്‌കൂ​ളിൽ പഠിക്കുന്ന സമയത്ത്‌ ബൈബിൾ ശരിക്കും ദൈവ​ത്തിൽനി​ന്നു​ള്ള​താ​ണോ, മാതാ​പി​താ​ക്കൾ എന്നെ പഠിപ്പി​ക്കുന്ന കാര്യ​ങ്ങ​ളെ​ല്ലാം സത്യമാ​ണോ എന്നൊക്കെ ഞാൻ ചിന്തി​ക്കാൻതു​ടങ്ങി.” അതു കേട്ട​പ്പോൾ മാതാ​പി​താ​ക്കൾ എന്തു ചെയ്‌തു? സഹോ​ദരൻ പറയുന്നു: “അവർക്കു നല്ല ഉത്‌ക​ണ്‌ഠ​യൊ​ക്കെ തോന്നി​യെ​ങ്കി​ലും വളരെ ശാന്തരാ​യി​ട്ടാണ്‌ എന്നോട്‌ ഇടപെ​ട്ടത്‌.” മാക്‌സ്‌ ചോദിച്ച ചോദ്യ​ങ്ങൾക്കെ​ല്ലാം അവർ ബൈബി​ളിൽനി​ന്നു​തന്നെ ഉത്തരം കൊടു​ത്തു. ഇനി, മാക്‌സും ചില കാര്യങ്ങൾ ചെയ്‌തു. സഹോ​ദരൻ പറയുന്നു: “ഞാൻ ബൈബിൾപ്ര​വ​ച​ന​ങ്ങ​ളെ​ക്കു​റിച്ച്‌ പഠിച്ചു. എന്നിട്ട്‌ മനസ്സി​ലാ​ക്കിയ കാര്യങ്ങൾ സഭയിലെ മറ്റു ചെറു​പ്പ​ക്കാ​രോ​ടും പറഞ്ഞു.” എന്തായി​രു​ന്നു ഫലം? “അങ്ങനെ ചെയ്‌ത​പ്പോൾ ബൈബിൾ ശരിക്കും ദൈവ​ത്തി​ന്റെ പുസ്‌ത​ക​മാ​ണെന്ന്‌ എനിക്ക്‌ ഉറപ്പായി.”

6. നിങ്ങൾക്കു സംശയ​ങ്ങ​ളു​ണ്ടെ​ങ്കിൽ എന്തു ചെയ്യണം, എന്തു​കൊണ്ട്‌?

⁶ മാക്‌സി​നെ​പ്പോ​ലെ ബൈബി​ളിൽ പറഞ്ഞി​രി​ക്കുന്ന കാര്യങ്ങൾ സത്യമാ​ണോ എന്ന്‌ നിങ്ങൾക്ക്‌ എപ്പോ​ഴെ​ങ്കി​ലും തോന്നി​യി​ട്ടു​ണ്ടോ? ഉണ്ടെങ്കിൽ അതോർത്ത്‌ കുറ്റ​ബോ​ധം തോ​ന്നേണ്ടാ. പക്ഷേ, നിങ്ങൾ പെട്ടെ​ന്നു​തന്നെ ചില കാര്യങ്ങൾ ചെയ്യണം. കാരണം സംശയം തുരു​മ്പു​പോ​ലെ​യാ​ണെന്നു പറയാം. ശ്രദ്ധി​ച്ചി​ല്ലെ​ങ്കിൽ വിലപ്പെട്ട പലതും അതു പതി​യെ​പ്പ​തി​യെ നശിപ്പി​ച്ചു​ക​ള​യും. വിശ്വാ​സത്തെ തകർത്തേ​ക്കാ​വുന്ന സംശയങ്ങൾ ഒഴിവാ​ക്കാൻ നിങ്ങ​ളോ​ടു​തന്നെ ഇങ്ങനെ ചോദി​ക്കുക: ‘ഭാവി​യെ​ക്കു​റിച്ച്‌ ബൈബി​ളിൽ പറയുന്ന കാര്യങ്ങൾ ഞാൻ വിശ്വ​സി​ക്കു​ന്നു​ണ്ടോ?’ നിങ്ങൾക്ക്‌ അതത്ര ഉറപ്പി​ല്ലെ​ങ്കിൽ ഇതുവരെ നിറ​വേ​റി​യി​ട്ടുള്ള ബൈബിൾപ്ര​വ​ച​ന​ങ്ങ​ളെ​ക്കു​റിച്ച്‌ പഠിക്കുക. അത്‌ എങ്ങനെ ചെയ്യാം?

7. ബൈബിൾപ്ര​വ​ച​ന​ങ്ങ​ളെ​ക്കു​റിച്ച്‌ എങ്ങനെ പഠിക്കാ​മെന്ന കാര്യ​ത്തിൽ ദാനി​യേൽ എന്തു മാതൃ​ക​യാ​ണു വെച്ചത്‌? (ദാനി​യേൽ 12:10) (ചിത്ര​വും കാണുക.)

⁷ പ്രവചനം എങ്ങനെ പഠിക്കണം എന്നതിനു ദാനി​യേൽ നല്ലൊരു മാതൃ​ക​വെച്ചു. ശരിയായ ഉദ്ദേശ്യ​ത്തോ​ടെ​യാണ്‌ അദ്ദേഹം അതു പഠിച്ചത്‌, അതായത്‌, സത്യം അറിയാൻവേണ്ടി. ദാനി​യേൽ താഴ്‌മ​യു​ള്ള​വ​നു​മാ​യി​രു​ന്നു. യഹോ​വ​യോട്‌ അടുത്തു​നിൽക്കു​ക​യും ദൈവം പറയുന്ന കാര്യങ്ങൾ അനുസ​രി​ക്കു​ക​യും ചെയ്‌താൽ ബൈബിൾപ്ര​വ​ച​നങ്ങൾ മനസ്സി​ലാ​ക്കാൻ യഹോവ തന്നെ സഹായി​ക്കു​മെന്ന്‌ അദ്ദേഹം തിരി​ച്ച​റി​ഞ്ഞു. (ദാനി. 2:27, 28; ദാനി​യേൽ 12:10 വായി​ക്കുക.) സഹായ​ത്തി​നാ​യി യഹോ​വ​യിൽ ആശ്രയി​ച്ചു​കൊണ്ട്‌ ദാനി​യേൽ താഴ്‌മ​യു​ള്ള​വ​നാ​ണെന്നു തെളി​യി​ക്കു​ക​യും ചെയ്‌തു. (ദാനി. 2:18) ഇനി, വളരെ  ശ്രദ്ധ​യോ​ടെ​യാ​ണു ദാനി​യേൽ പഠിച്ചത്‌. അന്നു ലഭ്യമാ​യി​രുന്ന തിരു​വെ​ഴു​ത്തു​ക​ളിൽനിന്ന്‌ തന്റെ ചോദ്യ​ങ്ങൾക്കുള്ള ഉത്തരം അദ്ദേഹം കണ്ടെത്തി. (യിരെ. 25:11, 12; ദാനി. 9:2) നിങ്ങൾക്ക്‌ എങ്ങനെ ദാനി​യേ​ലി​നെ അനുക​രി​ക്കാം?

8. ചിലർ എന്തു​കൊ​ണ്ടാ​ണു ബൈബിൾപ്ര​വ​ച​നങ്ങൾ പഠിക്കു​ന്നത്‌, പക്ഷേ നമ്മുടെ ഉദ്ദേശ്യം എന്തായി​രി​ക്കണം?

⁸ പഠിക്കു​ന്ന​തി​ന്റെ ഉദ്ദേശ്യം എന്താ​ണെന്നു ചിന്തി​ക്കുക. സത്യം മനസ്സി​ലാ​ക്കാ​നുള്ള ശക്തമായ ആഗ്രഹ​മു​ള്ള​തു​കൊ​ണ്ടാ​ണോ ബൈബിൾപ്ര​വ​ച​ന​ങ്ങ​ളെ​ക്കു​റിച്ച്‌ നിങ്ങൾ പഠിക്കു​ന്നത്‌? അങ്ങനെ​യാ​ണെ​ങ്കിൽ യഹോവ നിങ്ങളെ സഹായി​ക്കും. (യോഹ. 4:23, 24; 14:16, 17) എന്നാൽ മറ്റു ചിലർ എന്തിനു​വേ​ണ്ടി​യാ​യി​രി​ക്കും ബൈബിൾപ്ര​വ​ച​നങ്ങൾ പഠിക്കു​ന്നത്‌? ബൈബിൾ ദൈവ​ത്തി​ന്റെ പുസ്‌ത​കമല്ല എന്നതി​നുള്ള തെളി​വു​കൾ കണ്ടെത്തു​ന്ന​തി​നാ​യി​രി​ക്കാം. അതാകു​മ്പോൾ ശരിയും തെറ്റും എന്താ​ണെന്നു സ്വന്തമാ​യി തീരു​മാ​നിച്ച്‌ അതനു​സ​രിച്ച്‌ ജീവി​ക്കാ​മ​ല്ലോ എന്നാണ്‌ അവർ ചിന്തി​ക്കു​ന്നത്‌. പക്ഷേ നമ്മൾ പഠിക്കു​ന്നത്‌ ഒരു ശരിയായ ഉദ്ദേശ്യ​ത്തോ​ടെ​യാ​യി​രി​ക്കണം. ബൈബിൾപ്ര​വ​ച​നങ്ങൾ മനസ്സി​ലാ​ക്കാൻ ഒരു പ്രധാ​ന​പ്പെട്ട ഗുണവും നമുക്ക്‌ ആവശ്യ​മാണ്‌.

9. ബൈബിൾപ്ര​വ​ച​ന​ങ്ങ​ളു​ടെ അർഥം മനസ്സി​ലാ​ക്കാൻ ഏതു ഗുണം നമുക്ക്‌ ആവശ്യ​മാണ്‌? വിശദീ​ക​രി​ക്കുക.

⁹ താഴ്‌മ​യു​ള്ള​വ​രാ​യി​രി​ക്കുക. താഴ്‌മ​യു​ള്ള​വരെ സഹായി​ക്കു​മെന്ന്‌ യഹോവ ഉറപ്പു​ത​ന്നി​ട്ടുണ്ട്‌. (യാക്കോ. 4:6) അതു​കൊണ്ട്‌ ബൈബിൾപ്ര​വ​ച​ന​ങ്ങ​ളു​ടെ അർഥം മനസ്സി​ലാ​ക്കാ​നുള്ള സഹായ​ത്തി​നാ​യി നമ്മൾ യഹോ​വ​യോ​ടു പ്രാർഥി​ക്കണം. താഴ്‌മ​യു​ള്ള​വ​രാ​ണെ​ങ്കിൽ തക്കസമ​യത്ത്‌ ആത്മീയാ​ഹാ​രം തരാൻ യഹോവ ഇന്ന്‌ ഉപയോ​ഗി​ക്കുന്ന വിശ്വ​സ്‌ത​നായ അടിമ​യു​ടെ സഹായം സ്വീക​രി​ക്കാ​നും നമ്മൾ തയ്യാറാ​കും. (ലൂക്കോ. 12:42) യഹോവ കാര്യ​ങ്ങ​ളെ​ല്ലാം വളരെ ചിട്ട​യോ​ടെ, ക്രമമാ​യി ചെയ്യുന്ന ദൈവ​മാണ്‌. അതു​കൊ​ണ്ടു​തന്നെ തന്റെ വചനത്തിൽ അടങ്ങി​യി​രി​ക്കുന്ന സത്യങ്ങൾ മനസ്സി​ലാ​ക്കു​ന്ന​തി​നു നമ്മളെ സഹായി​ക്കാൻ യഹോവ ഒരൊറ്റ സംഘട​നയെ മാത്രമേ ഉപയോ​ഗി​ക്കു​ക​യു​ള്ളൂ.—1 കൊരി. 14:33; എഫെ. 4:4-6.

10. എസ്ഥേറി​ന്റെ അനുഭ​വ​ത്തിൽനിന്ന്‌ നിങ്ങൾ എന്താണു പഠിച്ചത്‌?

¹⁰ ശ്രദ്ധ​യോ​ടെ പഠിക്കുക. നിങ്ങൾക്ക്‌ ഇഷ്ടമുള്ള ഒരു പ്രവച​ന​ത്തെ​ക്കു​റി​ച്ചു​തന്നെ ആദ്യം പഠിച്ചു​തു​ട​ങ്ങുക. അതാണു കഴിഞ്ഞ ലേഖന​ത്തിൽ കണ്ട എസ്ഥേർ ചെയ്‌തത്‌. മിശി​ഹ​യു​ടെ വരവി​നെ​ക്കു​റിച്ച്‌ പറയുന്ന പ്രവച​നങ്ങൾ ശരിക്കും സത്യമാ​ണോ എന്ന്‌ അറിയാൻ സഹോ​ദരി ആഗ്രഹി​ച്ചു. സഹോ​ദരി പറയുന്നു: “എനിക്കു 15 വയസ്സു​ള്ള​പ്പോൾ, ഈ പ്രവച​ന​ങ്ങ​ളൊ​ക്കെ യേശു വരുന്ന​തി​നു മുമ്പു​തന്നെ എഴുതി​യ​വ​യാ​ണോ എന്നതി​നുള്ള തെളി​വു​കൾ കണ്ടെത്താൻ ഞാൻ ഒരു ശ്രമം നടത്തി.” ചാവു​കടൽ ചുരു​ളു​ക​ളെ​ക്കു​റിച്ച്‌ വായിച്ച്‌ മനസ്സി​ലാ​ക്കിയ കാര്യങ്ങൾ എസ്ഥേറി​ന്റെ സംശയ​ങ്ങ​ളൊ​ക്കെ മാറ്റി. “അവയിൽ പലതും ക്രിസ്‌തു​വി​ന്റെ വരവിനു മുമ്പു​തന്നെ എഴുത​പ്പെ​ട്ട​വ​യാ​യി​രു​ന്നു. അതു​കൊ​ണ്ടു​തന്നെ അവ എന്തായാ​ലും ദൈവ​ത്തിൽനി​ന്നു​ള്ള​താ​യി​രി​ക്കണം. പല പ്രാവ​ശ്യം വായി​ച്ച​പ്പോ​ഴാണ്‌ അതൊക്കെ എനിക്കു മനസ്സി​ലാ​യത്‌” എന്ന്‌ എസ്ഥേർ സമ്മതി​ക്കു​ന്നു. പക്ഷേ അങ്ങനെ​യൊ​രു ശ്രമം ചെയ്‌തത്‌ എത്ര നന്നാ​യെന്ന്‌ എസ്ഥേറിന്‌ ഇപ്പോൾ തോന്നു​ന്നുണ്ട്‌. ഇത്തരത്തിൽ പല ബൈബിൾപ്ര​വ​ച​ന​ങ്ങ​ളെ​ക്കു​റിച്ച്‌ ആഴത്തിൽ പഠിച്ച​തി​നു ശേഷം എസ്ഥേർ പറഞ്ഞത്‌ ഇതാണ്‌: “ബൈബി​ളിൽ പറഞ്ഞി​രി​ക്കു​ന്ന​തെ​ല്ലാം സത്യമാ​ണെന്ന്‌ എനിക്ക്‌ ഇപ്പോൾ ശരിക്കും ബോധ്യ​മാ​യി.”

11. ബൈബിൾ സത്യമാ​ണെന്നു ബോധ്യ​മു​ണ്ടെ​ങ്കിൽ അതു നമുക്ക്‌ എങ്ങനെ​യെ​ല്ലാം പ്രയോ​ജനം ചെയ്യും?

¹¹ ബൈബി​ളി​ലെ ചില പ്രവച​നങ്ങൾ ഇതി​നോ​ട​കം​തന്നെ എങ്ങനെ​യാ​ണു നിറ​വേ​റി​യി​രി​ക്കു​ന്ന​തെന്നു മനസ്സി​ലാ​കു​മ്പോൾ യഹോ​വ​യി​ലും യഹോവ തരുന്ന നിർദേ​ശ​ങ്ങ​ളി​ലും ഉള്ള നമ്മുടെ വിശ്വാ​സം ശക്തമാ​കും. കൂടാതെ ജീവി​ത​ത്തിൽ എന്തെല്ലാം പ്രശ്‌ന​ങ്ങ​ളു​ണ്ടാ​യാ​ലും ഭാവി​യെ​ക്കു​റിച്ച്‌ നല്ലൊരു പ്രത്യാ​ശ​യു​ണ്ടാ​യി​രി​ക്കാ​നും അവ സഹായി​ക്കു​ന്നു. ഇനി നമുക്ക്‌ ദാനി​യേൽ പുസ്‌ത​ക​ത്തി​ലെ രണ്ടു പ്രവച​നങ്ങൾ ചുരു​ക്ക​മാ​യി നോക്കാം. ഇപ്പോൾ നിറ​വേ​റി​ക്കൊ​ണ്ടി​രി​ക്കുന്ന ആ പ്രവച​ന​ങ്ങ​ളു​ടെ അർഥം മനസ്സി​ലാ​ക്കു​ന്നതു ശരിയായ തീരു​മാ​ന​ങ്ങ​ളെ​ടു​ക്കാൻ നമ്മളെ സഹായി​ക്കും.

12. ‘മയമുള്ള കളിമ​ണ്ണി​നോട്‌ ഇരുമ്പ്‌ കലർന്നി​രി​ക്കുന്ന’ പാദം എന്തി​നെ​യാണ്‌ അർഥമാ​ക്കു​ന്നത്‌? (ദാനി​യേൽ 2:41-43)

¹² ദാനി​യേൽ 2:41-43 വായി​ക്കുക. നെബൂ​ഖ​ദ്‌നേസർ രാജാവ്‌ കണ്ട സ്വപ്‌ന​ത്തി​ലെ പ്രതി​മ​യു​ടെ പാദം ‘മയമുള്ള കളിമ​ണ്ണി​നോട്‌ ഇരുമ്പ്‌ കലർന്ന​താ​യി​രു​ന്നു.’ ഈ പ്രവചനം ദാനി​യേ​ലി​ലെ​യും വെളി​പാ​ടി​ലെ​യും മറ്റു പ്രവച​ന​ങ്ങ​ളു​മാ​യി താരത​മ്യം ചെയ്യു​മ്പോൾ ഒരു കാര്യം നമുക്കു മനസ്സി​ലാ​കു​ന്നു: ഇന്ന്‌ ഏറ്റവും അധികാ​ര​മുള്ള ആംഗ്ലോ-അമേരി​ക്കൻ ലോക​ശ​ക്തി​യെ​യാ​ണു പ്രതി​മ​യു​ടെ പാദം അർഥമാ​ക്കു​ന്നത്‌. ഈ ലോക​ശ​ക്തി​യെ​ക്കു​റിച്ച്‌ ദാനി​യേൽ പറയു​ന്നത്‌ അതു “ഭാഗി​ക​മാ​യി ബലമു​ള്ള​തും ഭാഗി​ക​മാ​യി ദുർബ​ല​വും” ആണെന്നാണ്‌. എന്തു​കൊ​ണ്ടാ​ണു ഭാഗി​ക​മാ​യി ദുർബ​ല​മാ​യി​രി​ക്കു​ന്നത്‌? കാരണം കളിമണ്ണു പ്രതി​നി​ധാ​നം ചെയ്യുന്ന സാധാ​ര​ണ​ജ​നങ്ങൾ ഇരുമ്പി​ന്റെ ശക്തി കാണി​ക്കാൻ ഈ ലോക​ശ​ക്തി​യെ അനുവ​ദി​ക്കു​ന്നില്ല. b

13. ഈ പ്രവച​ന​ത്തിൽനിന്ന്‌ പ്രധാ​ന​പ്പെട്ട എന്തൊക്കെ സത്യങ്ങ​ളാ​ണു നമ്മൾ പഠിക്കു​ന്നത്‌?

¹³ രാജാവ്‌ സ്വപ്‌ന​ത്തിൽ കണ്ട ആ പ്രതി​മ​യെ​ക്കു​റിച്ച്‌, പ്രത്യേ​കിച്ച്‌ അതിന്റെ പാദ​ത്തെ​ക്കു​റിച്ച്‌, ദാനി​യേൽ നൽകിയ വിശദീ​ക​ര​ണ​ത്തിൽനിന്ന്‌ പ്രധാ​ന​പ്പെട്ട പല സത്യങ്ങ​ളും നമുക്കു പഠിക്കാ​നാ​കും. ഒന്നാമ​താ​യി, ആംഗ്ലോ-അമേരി​ക്കൻ ലോക​ശക്തി അതിന്റെ കരുത്ത്‌ പല വിധങ്ങ​ളിൽ തെളി​യി​ച്ചി​ട്ടുണ്ട്‌. ഉദാഹ​ര​ണ​ത്തിന്‌, ഒന്നും രണ്ടും ലോക​മ​ഹാ​യു​ദ്ധ​ങ്ങ​ളിൽ വിജയി​ച്ചത്‌ ആംഗ്ലോ-അമേരി​ക്കൻ ലോക​ശക്തി ഉൾപ്പെട്ട രാഷ്‌ട്ര​ങ്ങ​ളാണ്‌. ആ വിജയ​ത്തിൽ അവർക്കു വലി​യൊ​രു പങ്കുണ്ടാ​യി​രു​ന്നു. അതേസ​മയം ഈ ലോക​ശ​ക്തി​യു​ടെ കീഴി​ലുള്ള പൗരന്മാർ തമ്മിൽത്ത​മ്മി​ലും ഗവൺമെ​ന്റി​നോ​ടും പോര​ടി​ക്കു​ന്ന​തു​കൊണ്ട്‌ അതു ദുർബ​ല​മാ​ണെ​ന്നും പറയാം. അത്‌ അങ്ങനെ​തന്നെ തുടരു​ക​യും ചെയ്യും. രണ്ടാമ​താ​യി, ദൈവ​രാ​ജ്യം എല്ലാ മനുഷ്യ​ഭ​ര​ണ​ങ്ങ​ളെ​യും ഇല്ലാതാ​ക്കു​മ്പോൾ അധികാ​ര​ത്തി​ലി​രി​ക്കു​ന്നത്‌ അവസാ​നത്തെ ഈ ലോക​ശ​ക്തി​യാ​യി​രി​ക്കും. പല രാഷ്‌ട്ര​ങ്ങ​ളും ഇടയ്‌ക്കൊ​ക്കെ ആംഗ്ലോ-അമേരി​ക്കൻ ലോക​ശ​ക്തി​യെ എതിർത്തേ​ക്കാ​മെ​ങ്കി​ലും അവ ഒരിക്ക​ലും ഈ ലോക​ശ​ക്തി​യു​ടെ സ്ഥാനം കൈയ​ട​ക്കില്ല. അങ്ങനെ പറയാൻ കാരണ​മുണ്ട്‌. ദൈവ​രാ​ജ്യ​ഭ​ര​ണത്തെ സൂചി​പ്പി​ക്കുന്ന “കല്ല്‌” ആംഗ്ലോ-അമേരി​ക്കൻ ലോക​ശ​ക്തി​യെ അർഥമാ​ക്കുന്ന പാദത്തെ ഇടിച്ചു​ത​കർക്കു​മെ​ന്നാ​ണു പ്രവച​ന​ത്തിൽ നമ്മൾ കാണു​ന്നത്‌.—ദാനി. 2:34, 35, 44, 45.

14. പ്രതി​മ​യു​ടെ പാദ​ത്തെ​ക്കു​റി​ച്ചുള്ള പ്രവച​ന​ത്തി​ന്റെ അർഥം മനസ്സി​ലാ​ക്കു​ന്നതു ശരിയായ തീരു​മാ​ന​ങ്ങ​ളെ​ടു​ക്കാൻ നമ്മളെ സഹായി​ക്കു​ന്നത്‌ എങ്ങനെ?

¹⁴ ഇരുമ്പും കളിമ​ണ്ണും കൊണ്ടുള്ള പാദ​ത്തെ​പ്പറ്റി ദാനി​യേൽപ്ര​വ​ച​ന​ത്തിൽ പറഞ്ഞി​രി​ക്കുന്ന കാര്യം ശരിക്കും സത്യമാ​ണെന്ന്‌ നിങ്ങൾക്കു ബോധ്യ​മു​ണ്ടോ? അങ്ങനെ​യു​ണ്ടെ​ങ്കിൽ നിങ്ങൾ എങ്ങനെ ജീവി​ക്കു​ന്നു എന്നതിനെ അതു സ്വാധീ​നി​ക്കും. ദുഷ്ട​ലോ​കം പെട്ടെ​ന്നു​തന്നെ നശിപ്പി​ക്ക​പ്പെ​ടു​മെന്നു നിങ്ങൾക്ക്‌ അറിയാ​വു​ന്ന​തു​കൊണ്ട്‌ കൂടുതൽ പണമു​ണ്ടാ​ക്കാ​നോ വസ്‌തു​വ​കകൾ വാരി​ക്കൂ​ട്ടാ​നോ നിങ്ങൾ ശ്രമി​ക്കില്ല. (ലൂക്കോ. 12:16-21; 1 യോഹ. 2:15-17) ഈ പ്രവച​ന​ത്തി​ന്റെ അർഥം മനസ്സി​ലാ​ക്കു​ന്നതു പ്രസം​ഗ​പ​ഠി​പ്പി​ക്കൽ പ്രവർത്ത​ന​ത്തി​ന്റെ പ്രാധാ​ന്യം തിരി​ച്ച​റി​യാ​നും നിങ്ങളെ സഹായി​ക്കും. (മത്താ. 6:33; 28:18-20) ഇതെക്കു​റി​ച്ചെ​ല്ലാം പഠിച്ചു​ക​ഴിഞ്ഞ സ്ഥിതിക്ക്‌ ഇങ്ങനെ​യൊ​ന്നു ചിന്തി​ക്കുക: ‘ദൈവ​രാ​ജ്യം എല്ലാ മനുഷ്യ​ഭ​ര​ണ​ങ്ങ​ളെ​യും പെട്ടെ​ന്നു​തന്നെ ഇല്ലാതാ​ക്കു​മെന്ന ബോധ്യം എനിക്കു​ണ്ടെന്ന്‌ എന്റെ തീരു​മാ​നങ്ങൾ തെളി​യി​ക്കു​ന്നു​ണ്ടോ?’

15. ഇന്നു ‘വടക്കേ രാജാ​വും’ ‘തെക്കേ രാജാ​വും’ ആരൊ​ക്കെ​യാണ്‌? (ദാനി​യേൽ 11:40)

¹⁵ ദാനി​യേൽ 11:40 വായി​ക്കുക. ദാനി​യേൽ 11-ാം അധ്യാ​യ​ത്തിൽ അധികാ​ര​ത്തി​നു​വേണ്ടി പരസ്‌പരം പോര​ടി​ക്കുന്ന രണ്ടു രാജാ​ക്ക​ന്മാ​രെ​ക്കു​റിച്ച്‌, അഥവാ രാഷ്ട്രീ​യ​ശ​ക്തി​ക​ളെ​ക്കു​റിച്ച്‌ പറയു​ന്നുണ്ട്‌. ഈ പ്രവചനം ബൈബി​ളി​ലെ മറ്റു പ്രവച​ന​ങ്ങ​ളു​മാ​യി താരത​മ്യം ചെയ്യു​മ്പോൾ ആ രാജാ​ക്ക​ന്മാർ ആരൊ​ക്കെ​യാ​ണെന്നു നമുക്കു മനസ്സി​ലാ​കും. “വടക്കേ രാജാവ്‌” റഷ്യയും സഖ്യക​ക്ഷി​ക​ളും, “തെക്കേ രാജാവ്‌” ആംഗ്ലോ-അമേരി​ക്കൻ ലോക​ശ​ക്തി​യും ആണ്‌. c

16. ‘വടക്കേ രാജാ​വി​ന്റെ’ ഭരണത്തിൻകീ​ഴിൽ കഴിയുന്ന ദൈവ​ജ​ന​ത്തിന്‌ എന്തെല്ലാം പ്രശ്‌നങ്ങൾ നേരി​ടു​ന്നു?

¹⁶ ‘വടക്കേ രാജാ​വി​ന്റെ’ ഭരണത്തിൻകീ​ഴിൽ കഴിയുന്ന ദൈവ​ജ​ന​ത്തിന്‌ ആ രാജാ​വിൽനിന്ന്‌ ഇന്നു നേരിട്ട്‌ പല ഉപദ്ര​വ​ങ്ങ​ളും സഹി​ക്കേ​ണ്ടി​വ​രു​ന്നുണ്ട്‌. വിശ്വാ​സ​ത്തി​ന്റെ​പേ​രിൽ നമ്മുടെ സഹോ​ദ​ര​ങ്ങ​ളിൽ പലരെ​യും അടിക്കു​ക​യും ജയിലി​ലാ​ക്കു​ക​യും ചെയ്‌തി​രി​ക്കു​ന്നു. പക്ഷേ അതൊ​ന്നും അവരെ ഭയപ്പെ​ടു​ത്തു​ന്നില്ല.  പകരം അവരുടെ വിശ്വാ​സം ശക്തമാ​ക്കു​ക​യാ​ണു ചെയ്‌തി​ട്ടു​ള്ളത്‌. എന്തു​കൊണ്ട്‌? കാരണം ദൈവ​ജ​ന​ത്തി​നു നേരി​ടുന്ന ഉപദ്രവം ദാനി​യേൽപ്ര​വ​ച​ന​ത്തിൽ പറഞ്ഞി​രി​ക്കു​ന്ന​തി​ന്റെ നിവൃ​ത്തി​യാ​ണെന്ന്‌ അവർക്ക്‌ അറിയാം. d (ദാനി. 11:41) അതു തിരി​ച്ച​റി​യു​ന്നതു നമ്മുടെ പ്രത്യാശ ശക്തമാക്കി നിറു​ത്താ​നും യഹോ​വ​യോ​ടു വിശ്വ​സ്‌ത​രാ​യി തുടരാ​നും നമ്മളെ സഹായി​ക്കും.

17. ‘തെക്കേ രാജാ​വി​ന്റെ’ ഭരണത്തിൻകീ​ഴിൽ കഴിഞ്ഞ കാലത്ത്‌ ദൈവ​ജ​ന​ത്തിന്‌ എന്തെല്ലാം പരീക്ഷ​ണങ്ങൾ ഉണ്ടായി​ട്ടുണ്ട്‌?

¹⁷ കഴിഞ്ഞ​കാ​ല​ങ്ങ​ളിൽ ‘തെക്കേ രാജാ​വും’ ദൈവ​ജ​നത്തെ നേരിട്ട്‌ ആക്രമി​ച്ചി​ട്ടുണ്ട്‌. ഉദാഹ​ര​ണ​ത്തിന്‌ ഒന്നും രണ്ടും ലോക​മ​ഹാ​യു​ദ്ധ​ത്തി​ന്റെ സമയത്ത്‌ നമ്മുടെ പല സഹോ​ദ​ര​ങ്ങ​ളെ​യും നിഷ്‌പ​ക്ഷ​ത​യു​ടെ പേരിൽ ജയിലി​ലാ​ക്കി. അതേ കാരണ​ത്തി​ന്റെ പേരിൽ നമ്മുടെ ചില കുട്ടി​കളെ സ്‌കൂ​ളിൽനിന്ന്‌ പുറത്താ​ക്കു​ക​യും ചെയ്‌തു. എന്നാൽ ഈ അടുത്ത കാലത്ത്‌ തെക്കേ രാജാ​വി​ന്റെ ഭരണത്തിൻകീ​ഴിൽ കഴിയുന്ന ദൈവ​ജ​ന​ത്തി​നു വിശ്വാ​സ​ത്തി​ന്റെ നേരി​ട്ടു​ള്ള​ത​ല്ലാത്ത പരീക്ഷ​ണങ്ങൾ ഉണ്ടായി​ട്ടുണ്ട്‌. ഉദാഹ​ര​ണ​ത്തിന്‌, ഇലക്ഷന്റെ സമയത്ത്‌ ഒരു ക്രിസ്‌ത്യാ​നിക്ക്‌ ഏതെങ്കി​ലും ഒരു രാഷ്‌ട്രീ​യ​പാർട്ടി​യെ​യോ സ്ഥാനാർഥി​യെ​യോ പിന്തു​ണ​യ്‌ക്കാൻ പ്രലോ​ഭനം തോന്നി​യേ​ക്കാം. അദ്ദേഹം വോട്ടു ചെയ്യാ​നൊ​ന്നും പോയി​ല്ലെ​ങ്കി​ലും മനസ്സു​കൊണ്ട്‌ ആരു​ടെ​യെ​ങ്കി​ലും പക്ഷം ചേരുന്നു. പ്രവർത്ത​ന​ങ്ങ​ളിൽ മാത്രമല്ല ചിന്തയിൽപ്പോ​ലും നമ്മൾ നിഷ്‌പ​ക്ഷ​രാ​യി​രി​ക്ക​ണ​മെ​ന്നല്ലേ  അതു കാണി​ക്കു​ന്നത്‌?—യോഹ. 15:18, 19; 18:36.

18. ‘വടക്കേ രാജാ​വും’ ‘തെക്കേ രാജാ​വും’ തമ്മിൽ പോരാ​ടു​ന്നതു കാണു​മ്പോൾ നമുക്ക്‌ എന്താണു തോന്നു​ന്നത്‌? (ചിത്ര​വും കാണുക.)

¹⁸ ബൈബിൾപ്ര​വ​ച​ന​ങ്ങ​ളിൽ വിശ്വാ​സ​മി​ല്ലാ​ത്ത​വർക്കു ‘തെക്കേ രാജാ​വും’ ‘വടക്കേ രാജാ​വും’ തമ്മിൽ ‘കൊമ്പു​കോർക്കു​ന്നതു’ കാണു​മ്പോൾ അങ്ങേയറ്റം ഉത്‌കണ്‌ഠ തോന്നി​യേ​ക്കാം. (ദാനി. 11:40, അടിക്കു​റിപ്പ്‌) ഭൂമി​യി​ലുള്ള എല്ലാ ജീവജാ​ല​ങ്ങ​ളെ​യും പൂർണ​മാ​യും നശിപ്പി​ക്കാൻ കഴിയു​ന്നത്ര ആണവാ​യു​ധ​ങ്ങ​ളാ​ണു രണ്ടു രാജാ​ക്ക​ന്മാ​രു​ടെ​യും കൈയി​ലു​ള്ളത്‌. പക്ഷേ അങ്ങനെ സംഭവി​ക്കാൻ യഹോവ ഒരിക്ക​ലും അനുവ​ദി​ക്കി​ല്ലെന്നു നമുക്ക്‌ അറിയാം. (യശ. 45:18) അതു​കൊണ്ട്‌ ‘തെക്കേ രാജാ​വും’ ‘വടക്കേ രാജാ​വും’ തമ്മിലുള്ള ഏറ്റുമു​ട്ടൽ നമ്മളെ പേടി​പ്പി​ക്കു​ന്ന​തി​നു പകരം നമ്മുടെ വിശ്വാ​സം ശക്തമാ​ക്കു​ക​യാ​ണു ചെയ്യു​ന്നത്‌. കാരണം, ഈ ദുഷ്ടവ്യ​വ​സ്ഥി​തി​യു​ടെ അവസാനം തൊട്ട​ടുത്ത്‌ എത്തിയി​രി​ക്കു​ന്നു എന്നതിന്‌ അത്‌ ഉറപ്പു​ത​രു​ന്നു.

19. ബൈബിൾപ്ര​വ​ച​ന​ങ്ങ​ളു​ടെ കാര്യ​ത്തിൽ നമുക്ക്‌ എന്ത്‌ ഉറപ്പു​ണ്ടാ​യി​രി​ക്കാം?

¹⁹ ചില ബൈബിൾപ്ര​വ​ച​നങ്ങൾ എങ്ങനെ​യാ​ണു നിറ​വേ​റു​ന്ന​തെന്നു നമുക്ക്‌ അറിയില്ല. ദാനി​യേൽ പ്രവാ​ച​ക​നു​പോ​ലും താൻ എഴുതിയ പല കാര്യ​ങ്ങ​ളു​ടെ​യും അർഥം മനസ്സി​ലാ​യില്ല. (ദാനി. 12:8, 9) ഒരു പ്രവചനം കൃത്യ​മാ​യി എങ്ങനെ നിറ​വേ​റു​മെന്നു നമുക്ക്‌ അറിയി​ല്ലെന്നു കരുതി അതു സംഭവി​ക്കി​ല്ലെന്നു പറയാ​നാ​കില്ല. പക്ഷേ ഒരു കാര്യം നമുക്ക്‌ ഉറപ്പിച്ച്‌ പറയാം: നമ്മൾ അറിയേണ്ട കാര്യങ്ങൾ യഹോവ മുമ്പ്‌ ചെയ്‌തി​ട്ടു​ള്ള​തു​പോ​ലെ​തന്നെ ഇനിയും കൃത്യ​സ​മ​യത്ത്‌ വെളി​പ്പെ​ടു​ത്തി​ത്ത​രും.—ആമോ. 3:7.

20. (എ) ആവേശം ജനിപ്പി​ക്കുന്ന ഏതെല്ലാം ബൈബിൾപ്ര​വ​ച​ന​ങ്ങ​ളാണ്‌ ഉടനെ നിറ​വേ​റു​ന്നത്‌? (ബി) നമ്മൾ എന്തു ചെയ്യു​ന്ന​തിൽ തുടരണം?

²⁰ “സമാധാ​നം! സുരക്ഷി​ത​ത്വം!”എന്ന ഒരു പ്രഖ്യാ​പനം ഉണ്ടാകും. (1 തെസ്സ. 5:3) തുടർന്ന്‌ ലോക​ത്തി​ലെ രാഷ്‌ട്രീ​യ​ശ​ക്തി​കൾ പെട്ടെ​ന്നു​തന്നെ വ്യാജ​മ​ത​ത്തി​നു നേരേ തിരിഞ്ഞ്‌ അവയെ നശിപ്പി​ക്കും. (വെളി. 17:16, 17) അതിനു ശേഷം അവർ ദൈവ​ജ​നത്തെ ആക്രമി​ക്കും. (യഹ. 38:18, 19) അതേത്തു​ടർന്ന്‌ അർമ​ഗെ​ദോൻ എന്ന അന്തിമ​യു​ദ്ധം ആരംഭി​ക്കും. (വെളി. 16:14, 16) ഇതൊക്കെ പെട്ടെ​ന്നു​തന്നെ നടക്കാൻപോ​കുന്ന സംഭവ​ങ്ങ​ളാണ്‌. അതുവരെ നമുക്കു ബൈബിൾപ്ര​വ​ച​ന​ങ്ങൾക്ക്‌ അടുത്ത ശ്രദ്ധ നൽകാം. അതുതന്നെ ചെയ്യാൻ മറ്റുള്ള​വരെ സഹായി​ക്കു​ക​യും ചെയ്യാം. അങ്ങനെ ചെയ്‌തു​കൊണ്ട്‌ സ്‌നേ​ഹ​വാ​നായ സ്വർഗീ​യ​പി​താ​വി​നോ​ടു നന്ദിയു​ള്ള​വ​രാ​ണെന്നു നമുക്ക്‌ ഓരോ​രു​ത്തർക്കും തെളി​യി​ക്കാം.