1. എങ്ങനെ​യാ​ണു “സത്യം” കിട്ടി​യത്‌ എന്നതി​നെ​ക്കു​റിച്ച്‌ സംസാ​രി​ക്കു​ന്നതു നമുക്ക്‌ ഏതു വിധത്തിൽ പ്രയോ​ജനം ചെയ്യും?

 “എങ്ങനെ​യാ​ണു സത്യം കിട്ടി​യത്‌” എന്ന ചോദ്യ​ത്തി​നു നമ്മൾ പല തവണ ഉത്തരം പറഞ്ഞി​ട്ടു​ണ്ടാ​കും. പുതിയ ഒരു സഹോ​ദ​ര​നെ​യോ സഹോ​ദ​രി​യെ​യോ പരിച​യ​പ്പെ​ടു​മ്പോൾ ആദ്യം ചോദി​ക്കാ​റുള്ള ചോദ്യ​ങ്ങ​ളിൽ ഒന്നാണ്‌ അത്‌. സഹോ​ദ​രങ്ങൾ യഹോ​വയെ അറിയാ​നും യഹോ​വയെ സ്‌നേ​ഹി​ക്കാ​നും ഇടയാ​യത്‌ എങ്ങനെ​യാ​ണെന്നു കേൾക്കു​ന്ന​തും നമ്മുടെ അനുഭവം പറയു​ന്ന​തും നമുക്കു വളരെ ഇഷ്ടമുള്ള കാര്യ​മാണ്‌. (റോമ. 1:11) അത്തരം ചർച്ചകൾ സത്യം നമുക്ക്‌ എത്ര വില​പ്പെ​ട്ട​താ​ണെന്നു നമ്മളെ ഓർമി​പ്പി​ക്കും. കൂടാതെ തുടർന്നും ‘സത്യത്തിൽ നടക്കാ​നുള്ള’ നമ്മുടെ തീരു​മാ​നം കൂടുതൽ ശക്തമാ​ക്കു​ക​യും ചെയ്യും. അതായത്‌ യഹോ​വ​യു​ടെ അനു​ഗ്ര​ഹ​വും അംഗീ​കാ​ര​വും കിട്ടുന്ന വിധത്തിൽ ജീവി​ക്കാൻ അതു നമ്മളെ പ്രേരി​പ്പി​ക്കും.—3 യോഹ. 4.

2. നമ്മൾ ഈ ലേഖന​ത്തിൽ എന്തു പഠിക്കും?

² സത്യത്തെ നമ്മൾ വളരെ​യ​ധി​കം സ്‌നേ​ഹി​ക്കു​ന്ന​തി​ന്റെ ചില കാരണ​ങ്ങ​ളെ​ക്കു​റിച്ച്‌ ഈ ലേഖന​ത്തിൽ ചർച്ച ചെയ്യും. ഒപ്പം വിലപ്പെട്ട ആ സമ്മാന​ത്തോ​ടുള്ള സ്‌നേഹം നമുക്ക്‌ എങ്ങനെ തുടർന്നും കാണി​ക്കാ​മെ​ന്നും പഠിക്കും. അങ്ങനെ ചെയ്യു​മ്പോൾ സത്യത്തി​ലേക്കു നമ്മളെ ആകർഷി​ച്ച​തി​ന്റെ പേരിൽ നമുക്ക്‌ യഹോ​വ​യോ​ടു കൂടുതൽ നന്ദി തോന്നും. (യോഹ. 6:44) കൂടാതെ ആ സത്യ​ത്തെ​ക്കു​റിച്ച്‌ മറ്റുള്ള​വ​രോ​ടു പറയാ​നുള്ള നമ്മുടെ ആഗ്രഹം കുറെ​ക്കൂ​ടെ ശക്തമാ​കു​ക​യും ചെയ്യും.

3. നമ്മൾ സത്യത്തെ സ്‌നേ​ഹി​ക്കു​ന്ന​തി​ന്റെ ഏറ്റവും പ്രധാ​ന​പ്പെട്ട കാരണം എന്താണ്‌?

³ നമ്മൾ സത്യത്തെ സ്‌നേ​ഹി​ക്കു​ന്ന​തി​നു പല കാരണ​ങ്ങ​ളുണ്ട്‌. ഏറ്റവും പ്രധാ​ന​മാ​യി, സത്യത്തി​ന്റെ ഉറവി​ട​മായ യഹോ​വയെ നമ്മൾ സ്‌നേ​ഹി​ക്കു​ന്നു. ദൈവ​വ​ച​ന​മായ ബൈബിൾ പഠിച്ച​പ്പോൾ ആകാശ​ത്തെ​യും ഭൂമി​യെ​യും ഒക്കെ സൃഷ്ടിച്ച സർവശ​ക്ത​നായ ദൈവ​മാണ്‌ യഹോവ എന്നു നമുക്കു മനസ്സി​ലാ​യി. അതോ​ടൊ​പ്പം നമ്മളെ വാത്സല്യ​ത്തോ​ടെ പരിപാ​ലി​ക്കുന്ന സ്‌നേ​ഹ​മുള്ള ഒരു അപ്പനാണ്‌ യഹോവ എന്നും നമ്മൾ  തിരി​ച്ച​റി​ഞ്ഞു. (1 പത്രോ. 5:7) “യഹോവ, കരുണ​യും അനുക​മ്പ​യും ഉള്ള ദൈവം, പെട്ടെന്നു കോപി​ക്കാ​ത്തവൻ, അചഞ്ചല​സ്‌നേ​ഹ​വും സത്യവും നിറഞ്ഞവൻ” ആണെന്നു നമുക്ക്‌ അറിയാം. (പുറ. 34:6) യഹോവ ന്യായത്തെ സ്‌നേ​ഹി​ക്കു​ന്നു. (യശ. 61:8) നമ്മുടെ കഷ്ടപ്പാ​ടു​കൾ യഹോ​വയെ വേദനി​പ്പി​ക്കു​ന്നു​ണ്ടെന്നു മാത്രമല്ല നമ്മുടെ പ്രശ്‌നങ്ങൾ ഇല്ലാതാ​ക്കാൻ യഹോവ ഒരുങ്ങി​യി​രി​ക്കു​ക​യു​മാണ്‌. ശരിക്കും​പ​റ​ഞ്ഞാൽ ആ ദിവസ​ത്തി​നാ​യി യഹോവ കാത്തി​രി​ക്കു​ക​യാണ്‌. (യിരെ. 29:11) എത്ര വലിയ സന്തോ​ഷ​ത്തി​ന്റെ സമയമാ​യി​രി​ക്കും അത്‌! നമ്മൾ യഹോ​വയെ ഇത്രയ​ധി​കം സ്‌നേ​ഹി​ക്കു​ന്ന​തി​ന്റെ ഒരു കാരണം കൂടി​യാണ്‌ അത്‌.

4-5. പ്രത്യാശ ഒരു നങ്കൂര​മാ​ണെന്നു പൗലോസ്‌ അപ്പോ​സ്‌തലൻ പറഞ്ഞത്‌ എന്തു​കൊണ്ട്‌?

⁴ നമ്മൾ സത്യത്തെ സ്‌നേ​ഹി​ക്കു​ന്ന​തി​ന്റെ മറ്റൊരു കാരണം സത്യം അറിഞ്ഞ​തി​ലൂ​ടെ നമുക്കു പല പ്രയോ​ജ​ന​ങ്ങ​ളും കിട്ടു​ന്നുണ്ട്‌ എന്നതാണ്‌. ഉദാഹ​ര​ണ​ത്തിന്‌ ബൈബിൾസ​ത്യ​ത്തിൽ ഭാവി​യെ​ക്കു​റി​ച്ചുള്ള ഒരു നല്ല പ്രത്യാശ അടങ്ങി​യി​ട്ടുണ്ട്‌. ആ പ്രത്യാ​ശ​യു​ടെ മൂല്യം മനസ്സി​ലാ​ക്കാൻ പൗലോസ്‌ ഒരു ദൃഷ്ടാന്തം ഉപയോ​ഗി​ച്ചു. അദ്ദേഹം ഇങ്ങനെ എഴുതി: “സുനി​ശ്ചി​ത​വും ഉറപ്പു​ള്ള​തും ആയ ഈ പ്രത്യാശ നമുക്ക്‌ ഒരു നങ്കൂര​മാണ്‌.” (എബ്രാ. 6:19) കൊടു​ങ്കാറ്റ്‌ ഉണ്ടാകുന്ന സമയത്ത്‌ ഒരു കപ്പൽ നിയ​ന്ത്ര​ണം​വിട്ട്‌ ഒഴുകി​പ്പോ​കാ​തി​രി​ക്കാൻ നങ്കൂരം സഹായി​ക്കു​ന്ന​തു​പോ​ലെ ബൈബിൾ നൽകുന്ന പ്രത്യാശ ജീവി​ത​ത്തിൽ കൊടു​ങ്കാ​റ്റു​പോ​ലുള്ള പ്രശ്‌നങ്ങൾ ഉണ്ടാകു​മ്പോൾ പിടി​ച്ചു​നിൽക്കാൻ നമ്മളെ സഹായി​ക്കും.

⁵ അഭിഷി​ക്ത​ക്രി​സ്‌ത്യാ​നി​കൾക്കുള്ള സ്വർഗീ​യ​പ്ര​ത്യാ​ശ​യെ​ക്കു​റി​ച്ചാ​ണു പൗലോസ്‌ അവിടെ പറഞ്ഞത്‌. എങ്കിലും പറുദീ​സാ​ഭൂ​മി​യിൽ നിത്യം ജീവി​ക്കാൻ പ്രത്യാ​ശ​യു​ള്ള​വ​രു​ടെ കാര്യ​ത്തി​ലും ആ വാക്കുകൾ സത്യമാണ്‌. (യോഹ. 3:16) എന്നേക്കും ജീവി​ക്കാ​നുള്ള പ്രത്യാ​ശ​യു​ള്ള​തു​കൊണ്ട്‌ നമു​ക്കെ​ല്ലാം സന്തോ​ഷ​ത്തോ​ടെ ഭാവി​യി​ലേക്കു നോക്കാ​നാ​കു​ന്നു.

6-7. ഭാവി​യെ​ക്കു​റി​ച്ചുള്ള ബൈബിൾസ​ത്യം മനസ്സി​ലാ​ക്കി​യത്‌ ഇവോൺ സഹോ​ദ​രിക്ക്‌ എങ്ങനെ​യാ​ണു പ്രയോ​ജനം ചെയ്‌തത്‌?

⁶ ഇവോൺ സഹോ​ദ​രി​യു​ടെ അനുഭവം നോക്കാം. ഇവോൺ യഹോ​വ​യു​ടെ സാക്ഷി​ക​ളിൽ ഒരാളാ​യി​ട്ടല്ല വളർന്നു​വ​ന്നത്‌. കുട്ടി​ക്കാ​ലത്ത്‌ സഹോ​ദ​രി​ക്കു മരണത്തെ വലിയ പേടി​യാ​യി​രു​ന്നു. ഒരിക്കൽ ഇവോൺ മരണ​ത്തെ​ക്കു​റിച്ച്‌ ഒരു വാചകം വായിച്ചു. “നാളെ എന്നൊ​ന്നി​ല്ലാത്ത ഒരു ദിവസം” എന്നതാ​യി​രു​ന്നു അത്‌. സഹോ​ദരി പറയുന്നു: “ഭാവി​യെ​ക്കു​റിച്ച്‌ ഒരു പ്രത്യാ​ശ​പോ​ലും തരാത്ത ആ വാക്കു​ക​ളെ​ക്കു​റിച്ച്‌ ചിന്തി​ച്ചത്‌ എന്റെ ഉറക്കം കെടുത്തി. ‘ജീവി​ത​ത്തിന്‌ എന്തെങ്കി​ലും ഉദ്ദേശ്യം ഉണ്ടായി​രു​ന്നേ പറ്റൂ, എന്റെ ജീവി​ത​ത്തി​ന്റെ ഉദ്ദേശ്യം എന്താണ്‌’ എന്നതി​നെ​ക്കു​റി​ച്ചൊ​ക്കെ ഞാൻ ചിന്തി​ക്കാൻതു​ടങ്ങി. കാരണം ഞാൻ മരിക്കാൻ ആഗ്രഹി​ച്ചില്ല.”

⁷ പിന്നീട്‌ കൗമാ​ര​പ്രാ​യ​ത്തിൽ എത്തിയ​പ്പോൾ ഇവോൺ യഹോ​വ​യു​ടെ സാക്ഷി​കളെ കണ്ടുമു​ട്ടി. സഹോ​ദരി പറയുന്നു: “ഭൂമി​യി​ലെ പറുദീ​സ​യിൽ എന്നേക്കും ജീവി​ക്കാ​നാ​കു​മെന്ന പ്രത്യാ​ശ​യിൽ ഞാനും വിശ്വ​സി​ക്കാൻതു​ടങ്ങി.” അതു സഹോ​ദ​രിക്ക്‌ എങ്ങനെ​യാ​ണു ഗുണം ചെയ്‌തത്‌? “ഭാവി​യെ​ക്കു​റി​ച്ചോ മരണ​ത്തെ​ക്കു​റി​ച്ചോ ഉള്ള ഭീതി ഇന്ന്‌ എന്റെ ഉറക്കം കെടു​ത്താ​റില്ല.” ഈ പ്രത്യാശ സഹോ​ദ​രിക്ക്‌ എത്ര വില​പ്പെ​ട്ട​താണ്‌ എന്നാണ്‌ ആ വാക്കുകൾ കാണി​ക്കു​ന്നത്‌. താൻ മനസ്സി​ലാ​ക്കിയ ഈ കാര്യ​ത്തെ​ക്കു​റിച്ച്‌ മറ്റുള്ള​വ​രോ​ടു പറയു​ന്നതു സഹോ​ദ​രിക്ക്‌ ഇപ്പോൾ ഒരുപാട്‌ ഇഷ്ടമാണ്‌.—1 തിമൊ. 4:16.

8-9. (എ) യേശു​വി​ന്റെ ഉപമയി​ലെ മനുഷ്യൻ ഒരു നിധി കണ്ടപ്പോൾ എന്തു ചെയ്‌തു? (ബി) ബൈബിൾസ​ത്യം നിങ്ങൾക്ക്‌ എത്ര വില​പ്പെ​ട്ട​താണ്‌?

⁸ ബൈബിൾസ​ത്യ​ത്തിൽ ദൈവ​രാ​ജ്യ​ത്തെ​ക്കു​റി​ച്ചുള്ള സന്തോ​ഷ​വാർത്ത​യും ഉൾപ്പെ​ട്ടി​ട്ടുണ്ട്‌. രാജ്യ​ത്തെ​ക്കു​റി​ച്ചുള്ള ആ സത്യത്തെ യേശു മറഞ്ഞി​രി​ക്കുന്ന ഒരു നിധി​യോ​ടാ​ണു താരത​മ്യ​പ്പെ​ടു​ത്തി​യത്‌. മത്തായി 13:44-ൽ യേശു ഇങ്ങനെ പറഞ്ഞതാ​യി നമ്മൾ വായി​ക്കു​ന്നു: “സ്വർഗ​രാ​ജ്യം വയലിൽ മറഞ്ഞി​രി​ക്കുന്ന ഒരു നിധി​പോ​ലെ​യാണ്‌. ഒരു മനുഷ്യൻ അതു കണ്ടപ്പോൾ അവി​ടെ​ത്തന്നെ ഒളിപ്പി​ച്ചു​വെ​ച്ചിട്ട്‌ സന്തോ​ഷ​ത്തോ​ടെ പോയി തനിക്കു​ള്ള​തെ​ല്ലാം വിറ്റ്‌ ആ വയൽ വാങ്ങി.” ആ മനുഷ്യൻ ഒരു നിധി​ക്കു​വേണ്ടി അന്വേ​ഷിച്ച്‌ നടക്കു​ക​യൊ​ന്നു​മാ​യി​രു​ന്നില്ല. എങ്കിലും അതു കണ്ടപ്പോൾ അദ്ദേഹം ആ നിധി സ്വന്തമാ​ക്കാൻ പലതും വേണ്ടെ​ന്നു​വെ​ക്കാൻ തയ്യാറാ​യി. ആ വ്യക്തി തനിക്കു​ള്ള​തെ​ല്ലാം വിറ്റു. എന്തു​കൊണ്ട്‌? കാരണം ആ നിധി​യു​ടെ മൂല്യം അദ്ദേഹം തിരി​ച്ച​റി​ഞ്ഞു. അദ്ദേഹ​ത്തിന്‌ ഉപേക്ഷി​ക്കേ​ണ്ടി​വന്ന എന്തി​നെ​ക്കാ​ളും വിലയു​ള്ള​താ​യി​രു​ന്നു ആ നിധി.

⁹ ബൈബിൾസ​ത്യ​ത്തെ​ക്കു​റിച്ച്‌ നിങ്ങൾക്കും അങ്ങനെ​ത​ന്നെ​യാ​ണോ തോന്നു​ന്നത്‌? അങ്ങനെ​യാണ്‌ എന്നതിനു സംശയ​മില്ല. ഇന്ന്‌ യഹോ​വയെ സേവി​ക്കാ​നാ​കു​ന്നതു നമുക്കു വളരെ സന്തോഷം തരുന്നു. കൂടാതെ ദൈവ​രാ​ജ്യ​ത്തിൽ എന്നേക്കും ജീവി​ക്കാ​നാ​കു​മെന്ന പ്രത്യാ​ശ​യും നമുക്കുണ്ട്‌. ദൈവ​മായ യഹോ​വ​യു​മാ​യി വളരെ അടുത്ത ഒരു സ്‌നേ​ഹ​ബ​ന്ധ​മു​ള്ള​തും നമ്മളെ ഒരുപാ​ടു സന്തോ​ഷി​പ്പി​ക്കു​ന്നു.  ഇനി, ‘ദൈവത്തെ പൂർണ​മാ​യി പ്രസാ​ദി​പ്പി​ക്കാ​നാ​കു​ന്ന​തി​ന്റെ’ സംതൃ​പ്‌തി​യും നമുക്കുണ്ട്‌. (കൊലോ. 1:10) ഇതി​നൊ​ക്കെ​വേണ്ടി എന്തെല്ലാം ഉപേക്ഷി​ക്കേ​ണ്ടി​വ​ന്നാ​ലും അതൊ​ന്നും ഒരു നഷ്ടമല്ല. കാരണം ഈ സന്തോ​ഷ​ത്തി​നും സംതൃ​പ്‌തി​ക്കും പകരം​വെ​ക്കാ​നാ​കുന്ന ഒന്നും തരാൻ ഈ ലോക​ത്തി​നാ​കി​ല്ലെന്നു നമുക്ക്‌ അറിയാം.

10-11. ജീവി​ത​ത്തിൽ മാറ്റങ്ങൾ വരുത്താൻ മൈക്കി​ളി​നെ പ്രേരി​പ്പി​ച്ചത്‌ എന്താണ്‌?

¹⁰ യഹോ​വ​യു​ടെ അംഗീ​കാ​രം നേടാ​നാ​യി നമ്മളിൽ പലരും വലിയ ത്യാഗങ്ങൾ ചെയ്‌തി​രി​ക്കു​ന്നു. ചിലർ പേരും പ്രശസ്‌തി​യും കിട്ടുന്ന ജോലി​യു​ള്ള​വ​രാ​യി​രു​ന്നു. മറ്റു ചിലർ വലിയ പണക്കാ​രാ​കാൻ ശ്രമി​ക്കു​ന്ന​വ​രാ​യി​രു​ന്നു. പക്ഷേ സത്യം അറിഞ്ഞ​പ്പോൾ അവരെ​ല്ലാം അത്‌ ഉപേക്ഷി​ക്കാൻ തയ്യാറാ​യി. ഇനി, വേറെ ചിലർ യഹോ​വ​യെ​ക്കു​റിച്ച്‌ പഠിച്ച​പ്പോൾ തങ്ങളുടെ ജീവി​ത​രീ​തി​തന്നെ മാറ്റി. മൈക്കിൾ അതാണു ചെയ്‌തത്‌. യഹോ​വ​യു​ടെ സാക്ഷി​ക​ളിൽ ഒരാളാ​യി​ട്ടല്ല അദ്ദേഹം വളർന്നു​വ​ന്നത്‌. ചെറു​പ്പ​ത്തിൽ അദ്ദേഹം കരാട്ടെ പരിശീ​ലി​ച്ചി​രു​ന്നു. അദ്ദേഹം പറയുന്നു: “എപ്പോ​ഴും നല്ല ഉറച്ച ശരീര​മു​ണ്ടാ​യി​രി​ക്കാൻ ഞാൻ ഒരുപാട്‌ അധ്വാ​നി​ച്ചു. അതിൽ എനിക്കു വലിയ അഭിമാ​ന​വു​മു​ണ്ടാ​യി​രു​ന്നു. എന്നെ ആർക്കും തോൽപ്പി​ക്കാ​നാ​കില്ല എന്നു​പോ​ലും ചില​പ്പോ​ഴൊ​ക്കെ എനിക്കു തോന്നി.” പക്ഷേ ബൈബിൾ പഠിച്ച​പ്പോൾ മൈക്കി​ളി​ന്റെ ചിന്തയ്‌ക്കു മാറ്റം വന്നു. അക്രമത്തെ യഹോവ എങ്ങനെ​യാ​ണു കാണു​ന്ന​തെന്നു മൈക്കിൾ മനസ്സി​ലാ​ക്കി. (സങ്കീ. 11:5) അദ്ദേഹം പറയുന്നു: “എന്നെ ബൈബിൾ പഠിപ്പിച്ച ദമ്പതികൾ എന്നോട്‌ ഒരിക്ക​ലും കരാട്ടെ നിറു​ത്താൻ ആവശ്യ​പ്പെ​ട്ടില്ല. ബൈബിൾ പഠിപ്പി​ക്കു​ന്നത്‌ എന്താ​ണെന്ന്‌ കാണി​ച്ചു​ത​രുക മാത്ര​മാ​ണു ചെയ്‌തത്‌.”

¹¹ യഹോ​വ​യെ​ക്കു​റിച്ച്‌ കൂടുതൽ പഠിച്ച​പ്പോൾ മൈക്കി​ളിന്‌ യഹോ​വ​യോ​ടുള്ള സ്‌നേഹം കൂടി. ദൈവം തന്റെ ആരാധ​ക​രോട്‌ എത്ര അനുക​മ്പ​യു​ള്ള​വ​നാ​ണെന്നു മനസ്സി​ലാ​ക്കി​യത്‌ അദ്ദേഹത്തെ ശരിക്കും ആകർഷി​ച്ചു. ജീവി​ത​ത്തിൽ വലിയ മാറ്റങ്ങൾ വരു​ത്തേ​ണ്ട​തു​ണ്ടെന്നു മൈക്കിൾ പതിയെ തിരി​ച്ച​റി​ഞ്ഞു. അദ്ദേഹം പറയുന്നു: “കരാട്ടെ നിറു​ത്തു​ന്നത്‌ ഒട്ടും എളുപ്പ​മ​ല്ലെന്ന്‌ എനിക്ക്‌ അറിയാ​മാ​യി​രു​ന്നു. എങ്കിലും ഞാൻ അങ്ങനെ ചെയ്‌താൽ അത്‌ യഹോ​വ​യു​ടെ ഹൃദയത്തെ സന്തോ​ഷി​പ്പി​ക്കും എന്നും ദൈവത്തെ സേവി​ക്കു​ന്ന​തി​നു​വേണ്ടി എന്തൊക്കെ ത്യാഗങ്ങൾ ചെയ്‌താ​ലും അതൊ​ന്നും ഒരു നഷ്ടമ​ല്ലെ​ന്നും ഞാൻ മനസ്സി​ലാ​ക്കി.” താൻ കണ്ടെത്തിയ സത്യം എത്ര വിലയു​ള്ള​താ​ണെന്നു മൈക്കിൾ തിരി​ച്ച​റി​ഞ്ഞു. അതു ജീവി​ത​ത്തിൽ വലിയ മാറ്റങ്ങൾ വരുത്താൻ അദ്ദേഹത്തെ പ്രേരി​പ്പി​ച്ചു.—യാക്കോ. 1:25.

12-13. ബൈബിൾസ​ത്യം മെയ്‌ലി​യെ എങ്ങനെ​യാ​ണു സഹായി​ച്ചത്‌?

¹² സത്യത്തി​ന്റെ മൂല്യം എടുത്തു​കാ​ണി​ക്കുന്ന മറ്റൊരു താരത​മ്യം നോക്കാം. ബൈബി​ളിൽ സത്യത്തെ ഇരുട്ടത്ത്‌ കത്തിച്ചു​വെ​ച്ചി​രി​ക്കുന്ന ഒരു വിളക്കി​നോ​ടു താരത​മ്യ​പ്പെ​ടു​ത്തി​യി​രി​ക്കു​ന്നു. (സങ്കീ. 119:105; എഫെ. 5:8) അസർ​ബൈ​ജാ​നിൽനി​ന്നുള്ള മെയ്‌ലി, ദൈവ​വ​ച​ന​ത്തിൽനിന്ന്‌ തനിക്കു കിട്ടിയ വെളി​ച്ചത്തെ വളരെ​യ​ധി​കം വിലമ​തി​ച്ചു. സഹോ​ദ​രി​യു​ടെ അപ്പൻ ഒരു മുസ്ലീ​മും അമ്മ ജൂതമത വിശ്വാ​സി​യും ആയിരു​ന്നു. അത്തര​മൊ​രു കുടും​ബ​ത്തി​ലാ​ണു മെയ്‌ലി വളർന്നു​വ​ന്നത്‌. സഹോ​ദരി പറയുന്നു: “ദൈവ​മു​ണ്ടോ എന്ന കാര്യ​ത്തിൽ എനിക്കു സംശയ​മി​ല്ലാ​യി​രു​ന്നെ​ങ്കി​ലും എന്നെ കുഴപ്പിച്ച പല വിഷയ​ങ്ങ​ളു​ണ്ടാ​യി​രു​ന്നു. ‘ദൈവം എന്തിനാ​ണു മനുഷ്യ​നെ സൃഷ്ടി​ച്ചത്‌? ഒരുവൻ തന്റെ ജീവി​ത​കാ​ലം മുഴുവൻ കഷ്ടം അനുഭ​വി​ച്ച​ശേഷം പിന്നീട്‌ എന്നേക്കും അഗ്നിന​ര​ക​ത്തിൽ ദണ്ഡനം അനുഭ​വി​ക്കു​ന്ന​തു​കൊണ്ട്‌ എന്തു നേട്ടമാ​ണു​ള്ളത്‌?’ എല്ലാ കാര്യ​ങ്ങ​ളും ദൈ​വേ​ഷ്ട​പ്ര​കാ​ര​മാ​ണു നടക്കു​ന്ന​തെന്ന്‌ ആളുകൾ പറയുന്നു. അങ്ങനെ​യെ​ങ്കിൽ ‘മനുഷ്യർ ദൈവ​ത്തി​ന്റെ കൈക​ളി​ലെ കളിപ്പാ​വ​ക​ളാ​ണോ, അവർ കഷ്ടപ്പെ​ടു​ന്നതു കണ്ട്‌ സന്തോ​ഷിച്ച്‌ രസിക്കു​ക​യാ​ണോ ദൈവം’ എന്നൊക്കെ ഞാൻ ചിന്തിച്ചു.”

¹³ മെയ്‌ലി തന്റെ ചോദ്യ​ങ്ങൾക്ക്‌ ഉത്തരം കണ്ടെത്താ​നുള്ള ശ്രമം തുടർന്നു. പിന്നീട്‌ ബൈബിൾ പഠിച്ച്‌ യഹോ​വ​യു​ടെ സാക്ഷി​യാ​യി. മെയ്‌ലി പറയുന്നു: “ബൈബി​ളി​ന്റെ ബോധ്യം വരുത്തുന്ന വാദമു​ഖങ്ങൾ ജീവി​ത​ത്തെ​ക്കു​റി​ച്ചുള്ള എന്റെ കാഴ്‌ച​പ്പാ​ടു​തന്നെ മാറ്റി​മ​റി​ച്ചു. ആശ്രയ​യോ​ഗ്യ​മായ അതിലെ വിശദീ​ക​ര​ണങ്ങൾ മാനസി​ക​സ​ന്തോ​ഷം വർധി​പ്പി​ക്കു​ന്നു.” മെയ്‌ലി​യെ​പ്പോ​ലെ നമ്മളും ‘ഇരുളിൽനിന്ന്‌ തന്റെ അത്ഭുത​ക​ര​മായ പ്രകാ​ശ​ത്തി​ലേക്കു (നമ്മളെ) വിളിച്ച ദൈവ​മായ’ യഹോ​വയെ സ്‌തു​തി​ക്കു​ന്നു.—1 പത്രോ. 2:9.

14. നമുക്ക്‌ എങ്ങനെ സത്യ​ത്തോ​ടുള്ള സ്‌നേഹം കൂട്ടാം? (“ വേറെ എന്തി​നോ​ടും താരത​മ്യം ചെയ്‌തി​രി​ക്കു​ന്നു?” എന്ന ചതുര​വും കാണുക.)

¹⁴ സത്യത്തി​ന്റെ മൂല്യം കാണി​ച്ചു​ത​രാൻ ബൈബി​ളിൽ ഉപയോ​ഗി​ച്ചി​രി​ക്കുന്ന ചില ദൃഷ്ടാ​ന്ത​ങ്ങ​ളാ​ണു നമ്മൾ ഇതുവരെ നോക്കി​യത്‌. ഇതു കൂടാതെ മറ്റു താരത​മ്യ​ങ്ങ​ളും നിങ്ങൾക്കു കണ്ടെത്താ​നാ​യേ​ക്കും. നിങ്ങൾ സ്വന്തമാ​യി ബൈബിൾ പഠിക്കുന്ന സമയത്ത്‌ നമ്മൾ സത്യത്തെ സ്‌നേ​ഹി​ക്കേ​ണ്ട​തി​ന്റെ മറ്റു കാരണങ്ങൾ കണ്ടെത്താൻ ഒന്നു ശ്രമി​ച്ചു​കൂ​ടേ?  അതു സത്യ​ത്തോ​ടുള്ള നിങ്ങളു​ടെ സ്‌നേഹം കൂട്ടും. അങ്ങനെ നിങ്ങൾ സത്യത്തെ കൂടുതൽ സ്‌നേ​ഹി​ക്കു​മ്പോൾ ആ സ്‌നേഹം കാണി​ക്കാ​നുള്ള വഴിക​ളും നിങ്ങൾ കണ്ടെത്തും.

15. സത്യത്തെ സ്‌നേ​ഹി​ക്കു​ന്നെന്നു തെളി​യി​ക്കാ​നാ​കുന്ന ഒരു വിധം ഏതാണ്‌?

¹⁵ ബൈബി​ളും ബൈബിൾപ്ര​സി​ദ്ധീ​ക​ര​ണ​ങ്ങ​ളും പഠിച്ചു​കൊണ്ട്‌ നമുക്കു സത്യത്തെ സ്‌നേ​ഹി​ക്കു​ന്നെന്നു തെളി​യി​ക്കാം. നമ്മൾ സത്യത്തിൽ വന്നിട്ട്‌ എത്ര കാലമാ​യാ​ലും ശരി, എപ്പോ​ഴും പുതു​താ​യി ഒരുപാ​ടു കാര്യങ്ങൾ നമുക്കു പഠിക്കാ​നുണ്ട്‌. വീക്ഷാ​ഗോ​പു​ര​ത്തി​ന്റെ ആദ്യല​ക്കം​തന്നെ ഇങ്ങനെ പറഞ്ഞി​രു​ന്നു: “ജീവി​ത​മ​രു​ഭൂ​വി​ലെ ഒരു ശാലീ​ന​ചെ​റു​പു​ഷ്‌പം​പോ​ലെ സത്യം വ്യാജ​മെന്ന നിബി​ഡ​മായ കളകളാൽ ചുറ്റ​പ്പെ​ട്ടി​രി​ക്കു​ക​യും മിക്കവാ​റും ഞെരു​ക്ക​പ്പെ​ടു​ക​യും ആണ്‌. അതു കണ്ടെത്ത​ണ​മെ​ന്നു​ണ്ടെ​ങ്കിൽ നിങ്ങൾ എല്ലായ്‌പോ​ഴും ജാഗരൂ​ക​രാ​യി​രി​ക്കണം. . . . നിങ്ങൾക്ക്‌ അതു സ്വന്തമാ​ക്കണം എന്നു​ണ്ടെ​ങ്കിൽ അതിനെ കുനിഞ്ഞ്‌ എടു​ക്കേ​ണ്ടി​വ​രും. സത്യത്തി​ന്റെ ഒരു പുഷ്‌പം​കൊണ്ട്‌ തൃപ്‌തി​യ​ട​യ​രുത്‌. . . . പറിച്ചു​കൊ​ണ്ടി​രി​ക്കുക. കൂടു​ത​ലാ​യി അന്വേ​ഷി​ച്ചു​കൊ​ണ്ടി​രി​ക്കുക.” പഠിക്കുക എന്നത്‌ അത്ര എളുപ്പ​മുള്ള കാര്യമല്ല. എങ്കിലും നമ്മൾ അങ്ങനെ ചെയ്യു​ന്നെ​ങ്കിൽ തീർച്ച​യാ​യും അതിന്റെ പ്രയോ​ജനം കിട്ടും.

16. ഏതു രീതി​യിൽ ബൈബിൾ പഠിക്കു​ന്ന​താ​ണു നിങ്ങൾക്കു പ്രയോ​ജനം ചെയ്‌തി​ട്ടു​ള്ളത്‌? (സുഭാ​ഷി​തങ്ങൾ 2:4-6)

¹⁶ വായി​ക്കാ​നും പഠിക്കാ​നും എല്ലാവർക്കും അത്ര ഇഷ്ടമൊ​ന്നും കാണില്ല. പക്ഷേ ബൈബിൾസ​ത്യ​ങ്ങ​ളെ​ക്കു​റിച്ച്‌ ആഴത്തിൽ മനസ്സി​ലാ​ക്കാൻ “അന്വേ​ഷി​ച്ചു​കൊ​ണ്ടി​രി​ക്കു​ക​യും”  “തേടി​ക്കൊ​ണ്ടി​രി​ക്കു​ക​യും” ചെയ്യാ​നാണ്‌ യഹോവ നമ്മളോട്‌ ആവശ്യ​പ്പെ​ടു​ന്നത്‌. (സുഭാ​ഷി​തങ്ങൾ 2:4-6 വായി​ക്കുക.) അങ്ങനെ ചെയ്‌താൽ അതു നമുക്കു ഗുണം ചെയ്യും. താൻ ബൈബിൾ വായി​ക്കുന്ന രീതി​യെ​ക്കു​റിച്ച്‌ കോറി സഹോ​ദരൻ പറഞ്ഞത്‌, “ഓരോ വാക്യ​വും നന്നായി പഠിച്ച​തി​നു ശേഷം മാത്രമേ അടുത്ത​തി​ലേക്കു പോകൂ” എന്നാണ്‌. “എല്ലാ അടിക്കു​റി​പ്പു​ക​ളും ഒത്തുവാ​ക്യ​ങ്ങ​ളും ഞാൻ എടുത്തു​നോ​ക്കും. ആ വാക്യ​ത്തെ​ക്കു​റിച്ച്‌ കൂടു​ത​ലാ​യി ഗവേഷണം നടത്തു​ക​യും ചെയ്യും. ഈ രീതി പിൻപ​റ്റു​ന്നതു വളരെ പ്രയോ​ജനം ചെയ്‌തി​ട്ടുണ്ട്‌” എന്നും സഹോ​ദരൻ പറയുന്നു. നമ്മൾ ബൈബിൾ പഠിക്കു​ന്നത്‌ ഈ രീതി​യി​ലോ ചില​പ്പോൾ മറ്റേ​തെ​ങ്കി​ലും രീതി​യി​ലോ ആയിരി​ക്കും. എന്തുത​ന്നെ​യാ​യാ​ലും സമയ​മെ​ടുത്ത്‌, ശ്രമം ചെയ്‌ത്‌ പഠിക്കു​മ്പോൾ ബൈബിൾസ​ത്യ​ത്തെ വിലമ​തി​ക്കു​ന്നെന്നു നമ്മൾ തെളി​യി​ക്കു​ക​യാണ്‌.—സങ്കീ. 1:1-3.

17. ബൈബിൾസ​ത്യം പഠിക്കു​ന്ന​തോ​ടൊ​പ്പം എന്തുകൂ​ടെ ചെയ്യണം? (യാക്കോബ്‌ 1:25)

¹⁷ നമ്മൾ കണ്ടതു​പോ​ലെ, ബൈബിൾസ​ത്യ​ങ്ങൾ പഠിക്കു​ന്നതു വളരെ പ്രധാ​ന​മാണ്‌. എന്നാൽ അതു മാത്രം പോരാ. അവയിൽനിന്ന്‌ പൂർണ​പ്ര​യോ​ജനം കിട്ടണ​മെ​ങ്കിൽ പഠിച്ച കാര്യ​ങ്ങൾക്കു ചേർച്ച​യിൽ ജീവി​ക്കു​ക​യും വേണം. അപ്പോൾ മാത്ര​മാ​ണു നമുക്ക്‌ യഥാർഥ സന്തോഷം കിട്ടു​ന്നത്‌. (യാക്കോബ്‌ 1:25 വായി​ക്കുക.) എന്നാൽ സത്യത്തി​നു ചേർച്ച​യി​ലാ​ണു ജീവി​ക്കു​ന്ന​തെന്നു നമുക്ക്‌ എങ്ങനെ ഉറപ്പാ​ക്കാം? നമ്മൾ ഏതൊക്കെ കാര്യങ്ങൾ നന്നായി ചെയ്യുന്നു, ഇനി എവി​ടെ​യൊ​ക്കെ മെച്ച​പ്പെ​ടണം എന്നു മനസ്സി​ലാ​ക്കാ​നാ​യി നമ്മളെ​ത്തന്നെ പരി​ശോ​ധി​ക്ക​ണ​മെന്ന്‌ ഒരു സഹോ​ദരൻ പറഞ്ഞു. അപ്പോ​സ്‌ത​ല​നായ പൗലോസ്‌ അതെക്കു​റിച്ച്‌ ഇങ്ങനെ പറഞ്ഞു: “നമ്മൾ കൈവ​രിച്ച പുരോ​ഗ​തി​ക്കു ചേർച്ച​യിൽത്തന്നെ നമുക്ക്‌ ഇനിയും ചിട്ട​യോ​ടെ നടക്കാം.”—ഫിലി. 3:16.

18. ‘സത്യത്തിൽ നടക്കാൻ’ നമ്മൾ കഴിവി​ന്റെ പരമാ​വധി ശ്രമി​ക്കേ​ണ്ടത്‌ എന്തു​കൊണ്ട്‌?

¹⁸ ‘സത്യത്തിൽ നടക്കു​ന്ന​തി​ലൂ​ടെ’ ലഭിക്കുന്ന പ്രയോ​ജ​ന​ങ്ങ​ളെ​ക്കു​റിച്ച്‌ ഒന്നു ചിന്തി​ച്ചു​നോ​ക്കൂ! അതു നമ്മുടെ ജീവിതം മെച്ച​പ്പെ​ടു​ത്തും. മാത്രമല്ല യഹോ​വ​യെ​യും സഹോ​ദ​ര​ങ്ങ​ളെ​യും സന്തോ​ഷി​പ്പി​ക്കു​ക​യും ചെയ്യും. (സുഭാ. 27:11; 3 യോഹ. 4) സത്യത്തെ സ്‌നേ​ഹി​ക്കാ​നും ‘സത്യത്തിൽ നടക്കാ​നും’ ഇതിലും വലിയ കാരണം നമുക്കു വേണോ?