ആളുകൾ പറയു​ന്നത്‌:

പല കാരണ​ങ്ങൾകൊ​ണ്ടാണ്‌ സ്‌ത്രീ​കൾ ഗർഭച്ഛി​ദ്രം നടത്തു​ന്നത്‌. സാമ്പത്തിക ബുദ്ധി​മുട്ട്‌, വിവാ​ഹ​ജീ​വി​ത​ത്തി​ലെ പ്രശ്‌നങ്ങൾ, കൂടുതൽ വിദ്യാ​ഭ്യാ​സ​മോ നല്ലൊരു ജോലി​യോ നേടി​ക്കൊണ്ട്‌ സ്വാത​ന്ത്ര്യം നേടാ​നുള്ള ആഗ്രഹം, ഒറ്റയ്‌ക്ക്‌ കുട്ടിയെ വളർത്തു​ന്ന​തി​ലെ പ്രയാസം ഇതൊ​ക്കെ​യാ​യി​രി​ക്കാം കാരണം. മറ്റു ചിലരാ​കട്ടെ ഗർഭച്ഛി​ദ്രത്തെ സദാചാ​ര​വി​രു​ദ്ധ​മാ​യി, അതായത്‌ ഗർഭി​ണി​യായ ഒരു സ്‌ത്രീ കാണി​ക്കേണ്ട വിശ്വ​സ്‌ത​ത​യു​ടെ ലംഘന​മാ​യി കണക്കാ​ക്കു​ന്നു.

ബൈബിൾ പറയു​ന്നത്‌:

ദൈവ​ത്തി​ന്റെ ദൃഷ്ടി​യിൽ ജീവൻ പവി​ത്ര​മാണ്‌, പ്രത്യേ​കിച്ച്‌ മനുഷ്യ​ജീ​വൻ. (ഉൽപത്തി 9:6; സങ്കീർത്തനം 36:9) ഒരു കുഞ്ഞ്‌ സുരക്ഷി​ത​മാ​യി വളർന്നു​വ​രു​ന്ന​തി​നു ദൈവം രൂപക​ല്‌പന ചെയ്‌ത ഗർഭാ​ശ​യ​ത്തി​ലുള്ള കുട്ടി​യു​ടെ കാര്യ​ത്തി​ലും ഇതേ തത്ത്വം ബാധക​മാണ്‌. “അമ്മയുടെ ഗർഭപാ​ത്ര​ത്തിൽ അങ്ങ്‌ എന്നെ മറച്ചു​വെച്ചു” എന്ന്‌ ഒരു ബൈബിൾ എഴുത്തു​കാ​രൻ പറഞ്ഞു. “ഞാൻ വെറു​മൊ​രു ഭ്രൂണ​മാ​യി​രു​ന്ന​പ്പോൾ അങ്ങയുടെ കണ്ണുകൾ എന്നെ കണ്ടു; അതിന്റെ ഭാഗങ്ങ​ളെ​ല്ലാം—അവയിൽ ഒന്നു​പോ​ലും ഉണ്ടാകു​ന്ന​തി​നു മുമ്പേ അവ രൂപം​കൊ​ള്ളുന്ന ദിവസ​ങ്ങൾപോ​ലും—അങ്ങയുടെ പുസ്‌ത​ക​ത്തിൽ രേഖ​പ്പെ​ടു​ത്തി​യി​രു​ന്നു” എന്നും അദ്ദേഹം കൂട്ടി​ച്ചേർത്തു.—സങ്കീർത്തനം 139:13, 16.

അജാത​ശി​ശു​വി​ന്റെ ജീവ​നെ​ക്കു​റി​ച്ചുള്ള ദൈവ​ത്തി​ന്റെ വീക്ഷണം ‘ന്യായ​പ്ര​മാ​ണ​ത്തി​ലും’ ദൈവം നമുക്കു തന്നിരി​ക്കുന്ന മനഃസാ​ക്ഷി​യി​ലും പ്രതി​ഫ​ലി​ച്ചു​കാ​ണാം. ഇസ്രാ​യേ​ലിൽ ആരെങ്കി​ലും ഗർഭി​ണി​യായ സ്‌ത്രീ​യെ ആക്രമിച്ച്‌ അവളുടെ വയറ്റി​ലുള്ള കുഞ്ഞ്‌ മരിച്ചാൽ ന്യായ​പ്ര​മാ​ണ​പ്ര​കാ​രം അയാളെ മരണശി​ക്ഷ​യ്‌ക്ക്‌ വിധി​ക്ക​ണ​മാ​യി​രു​ന്നു. അങ്ങനെ സ്വന്തം ജീവൻ കൊടു​ത്തു​കൊണ്ട്‌ കൊല​യാ​ളി താൻ എടുത്ത ജീവനു, പകരം കൊടു​ക്ക​ണ​മാ​യി​രു​ന്നു. (പുറപ്പാട്‌ 21:22, 23) എന്നാൽ സംഭവ​ത്തി​ലേക്കു നയിച്ച സാഹച​ര്യ​ങ്ങ​ളെ​യും അതിനു പ്രേരി​പ്പിച്ച ഘടകങ്ങ​ളെ​യും കണക്കി​ലെ​ടു​ത്തു​കൊ​ണ്ടേ ന്യായാ​ധി​പ​ന്മാർ വിധി പ്രസ്‌താ​വി​ക്കൂ.—സംഖ്യ 35:22-24, 31.

കൂടാതെ, മനുഷ്യർക്കു ദൈവം മനഃസാ​ക്ഷി​യും നൽകി​യി​രി​ക്കു​ന്നു. അജാത​ശി​ശു​വി​ന്റെ ജീവനെ മാനി​ച്ചു​കൊണ്ട്‌ ഒരു സ്‌ത്രീ തന്റെ മനഃസാ​ക്ഷി പറയു​ന്നത്‌ കേൾക്കു​ന്നെ​ങ്കിൽ അവളുടെ മനഃസാ​ക്ഷി അവളെ പ്രശം​സി​ക്കും. a എന്നാൽ മനഃസാ​ക്ഷി​യെ അവഗണിച്ച്‌ പ്രവർത്തി​ക്കു​ന്നെ​ങ്കിൽ അത്‌ അവളെ വിഷമി​പ്പി​ക്കു​ക​യോ കുറ്റം​വി​ധി​ക്കു​ക​യോ ചെയ്‌തേ​ക്കാം. (റോമർ 2:14, 15) വാസ്‌ത​വ​ത്തിൽ ഗർഭച്ഛി​ദ്രം നടത്തിയ സ്‌ത്രീ​കൾക്ക്‌ ഉത്‌ക​ണ്‌ഠ​യോ വിഷാ​ദ​മോ വരാനുള്ള സാധ്യത കൂടു​ത​ലാണ്‌ എന്നു പഠനങ്ങൾ തെളി​യി​ക്കു​ന്നു.

കുട്ടിയെ വളർത്തു​ന്ന​തി​നെ​ക്കു​റിച്ച്‌ ഓർക്കു​മ്പോൾത്തന്നെ ചില ദമ്പതി​കൾക്കു പേടി​യാണ്‌. അങ്ങനെ​യു​ള്ള​വർക്ക്‌ പ്രതീ​ക്ഷി​ക്കാ​തെ ഒരു കുഞ്ഞു​ണ്ടാ​കു​മ്പോൾ എന്തു ചെയ്യും? ദൈവ​ത്തി​ന്റെ നീതി​യുള്ള നിലവാ​ര​ങ്ങൾക്കു ചേർച്ച​യിൽ ജീവി​ക്കു​ന്ന​വർക്ക്‌ ദൈവം നൽകുന്ന ബലപ്പെ​ടു​ത്തുന്ന വാക്കുകൾ ഇതാണ്‌: “വിശ്വ​സ്‌ത​നോട്‌ അങ്ങ്‌ വിശ്വ​സ്‌തത കാണി​ക്കു​ന്നു; കുറ്റമ​റ്റ​വ​നോ​ടു (അല്ലെങ്കിൽ കുറ്റമ​റ്റ​വ​ളോട്‌) കുറ്റമറ്റ വിധം പെരു​മാ​റു​ന്നു.” (സങ്കീർത്തനം 18:25) കൂടാതെ, “യഹോവ നീതിയെ സ്‌നേ​ഹി​ക്കു​ന്നു; ദൈവം തന്റെ വിശ്വ​സ്‌തരെ  ഉപേക്ഷി​ക്കില്ല” എന്നും നമ്മൾ വായി​ക്കു​ന്നു.—സങ്കീർത്തനം 37:28.

“അവരോ​ടൊ​പ്പം അവരുടെ മനസ്സാ​ക്ഷി​യും സാക്ഷി പറയുന്നു. അവരുടെ ചിന്തകൾ ഒന്നുകിൽ അവരെ കുറ്റ​പ്പെ​ടു​ത്തു​ന്നു അല്ലെങ്കിൽ അവരെ ന്യായീ​ക​രി​ക്കു​ന്നു.”—റോമർ 2:15.

ആളുകൾ പറയു​ന്നത്‌:

ഒറ്റയ്‌ക്കു മക്കളെ വളർത്തുന്ന അമ്മയായ രൂത്ത്‌ പറയുന്നു: “മൂന്നു കുട്ടി​ക​ളുള്ള എനിക്ക്‌ നാലാ​മത്‌ ഒരു കുട്ടി​യെ​ക്കൂ​ടി പരിപാ​ലി​ക്കാൻ കഴിയു​മാ​യി​രു​ന്നില്ല. അതു​കൊണ്ട്‌, ഞാൻ ഗർഭച്ഛി​ദ്രം ചെയ്‌തു. അതു കഴിഞ്ഞ​പ്പോൾ ഞാൻ എന്തോ ഭീകര​മാ​യത്‌ ചെയ്‌ത​തു​പോ​ലെ എനിക്കു തോന്നി.” b രൂത്തിന്റെ ഈ തെറ്റ്‌ ദൈവം ക്ഷമിക്കു​മോ?

ബൈബിൾ പറയു​ന്നത്‌:

യേശു​ക്രി​സ്‌തു​വി​ന്റെ വാക്കുകൾ ദൈവ​ത്തി​ന്റെ മനസ്സ്‌ വെളി​പ്പെ​ടു​ത്തു​ന്ന​വ​യാണ്‌. യേശു പറഞ്ഞു: “നീതി​മാ​ന്മാ​രെയല്ല, പാപി​കളെ മാനസാ​ന്ത​ര​ത്തി​ലേക്കു നയിക്കാ​നാ​ണു ഞാൻ വന്നത്‌.” (ലൂക്കോസ്‌ 5:32) നമ്മൾ ചെയ്‌ത തെറ്റു സംബന്ധിച്ച്‌ ആത്മാർഥ​മാ​യി അനുത​പി​ക്കു​ക​യും ക്ഷമയ്‌ക്കാ​യി ദൈവ​ത്തോട്‌ യാചി​ക്കു​ക​യും ചെയ്യു​ന്നെ​ങ്കിൽ ഗുരു​ത​ര​മായ പാപങ്ങ​ളാ​ണെ​ങ്കിൽക്കൂ​ടി ദൈവം മനസ്സോ​ടെ ക്ഷമിക്കും. (യശയ്യ 1:18) സങ്കീർത്തനം 51:17 ഇങ്ങനെ ഉറപ്പു നൽകുന്നു: “ദൈവമേ, തകർന്ന്‌ നുറു​ങ്ങിയ ഹൃദയത്തെ അങ്ങ്‌ ഉപേക്ഷി​ക്കി​ല്ല​ല്ലോ.”

അതെ, യഥാർഥ മനസ്‌താ​പ​ത്തോ​ടെ ഒരു വ്യക്തി ദൈവ​ത്തോ​ടു പ്രാർഥി​ക്കു​മ്പോൾ ഒരു ശുദ്ധ മനഃസാ​ക്ഷി​യും പ്രശാ​ന്ത​മായ മനസ്സും ദൈവം നൽകുന്നു. ഫിലി​പ്പി​യർ 4:6, 7 ഇപ്രകാ​രം പറയുന്നു: “പ്രാർഥ​ന​യി​ലൂ​ടെ​യും ഉള്ളുരു​കി​യുള്ള യാചന​യി​ലൂ​ടെ​യും നിങ്ങളു​ടെ അപേക്ഷകൾ നന്ദിവാ​ക്കു​ക​ളോ​ടെ ദൈവത്തെ അറിയി​ക്കുക. അപ്പോൾ മനുഷ്യ​ബു​ദ്ധിക്ക്‌ അതീത​മായ ദൈവ​സ​മാ​ധാ​നം നിങ്ങളു​ടെ ഹൃദയ​ത്തെ​യും മനസ്സി​നെ​യും ക്രിസ്‌തു​യേശു മുഖാ​ന്തരം കാക്കും.” c ബൈബിൾപ​ഠ​ന​വും ദൈവ​ത്തോ​ടുള്ള ഹൃദയം​ഗ​മ​മായ പ്രാർഥ​ന​യും ആന്തരി​ക​സ​മാ​ധാ​നം നേടി​യെ​ടു​ക്കാൻ രൂത്തിനെ സഹായി​ച്ചു. അങ്ങനെ ദൈവം “യഥാർഥക്ഷമ കാണി​ക്കു​ന്ന​വ​നാണ്‌” എന്ന്‌ രൂത്ത്‌ പഠിച്ചു.—സങ്കീർത്തനം 130:4.

“ദൈവം നമ്മുടെ പാപങ്ങൾക്ക​നു​സൃ​ത​മാ​യി നമ്മോടു പെരു​മാ​റി​യി​ട്ടില്ല; തെറ്റു​കൾക്ക​നു​സ​രിച്ച്‌ നമ്മോടു പകരം ചെയ്‌തി​ട്ടു​മില്ല.”—സങ്കീർത്തനം 103:10.