മരിച്ചു​പോയ പ്രിയ​പ്പെട്ട ഒരാളു​ടെ “ആത്മാവു​മാ​യി” ആശയവി​നി​മയം നടത്താൻ ഒരു മനുഷ്യന്‌ വാസ്‌ത​വ​ത്തിൽ കഴിയു​മോ?

സഭാ. 9:5, 6, 10: “ജീവി​ച്ചി​രി​ക്കു​ന്ന​വർക്ക്‌ തങ്ങൾ മരിക്കു​മെന്ന്‌ ബോധ​മുണ്ട്‌; മരിച്ച​വർക്കോ യാതൊ​ന്നി​നെ​ക്കു​റി​ച്ചും ബോധ​മില്ല . . . അവരുടെ സ്‌നേ​ഹ​വും ദ്വേഷ​വും അസൂയ​യും നശിച്ചു​പോ​യി​രി​ക്കു​ന്നു, സൂര്യനു കീഴെ ചെയ്യ​പ്പെ​ടേണ്ട യാതൊ​ന്നി​ലും അവർക്ക്‌ മേലാൽ അനിശ്ചി​ത​കാ​ല​ത്തോ​ളം ഒരു ഓഹരി​യും ഇല്ല. നിന്റെ കൈ ചെയ്യാൻ കണ്ടെത്തു​ന്ന​തൊ​ക്കെ​യും നിന്റെ ശക്തി​യോ​ടെ​തന്നെ ചെയ്യുക, എന്തു​കൊ​ണ്ടെ​ന്നാൽ നീ ചെല്ലുന്ന ഷീയോ​ളിൽ [ശവക്കുഴി] പ്രവൃ​ത്തി​യോ ആസൂ​ത്ര​ണ​മോ അറിവോ ജ്ഞാനമോ ഇല്ല.”

 യെഹെ. 18:4, 20: “പാപം ചെയ്യുന്ന ദേഹി—അതുതന്നെ മരിക്കും.” (അതു​കൊണ്ട്‌ ദേഹി ശരീര​ത്തി​ന്റെ മരണത്തെ അതിജീ​വി​ക്കുന്ന എന്തെങ്കി​ലു​മല്ല; ജീവി​ച്ചി​രി​ക്കുന്ന മനുഷ്യർക്ക്‌ പിന്നീട്‌ അതുമാ​യി ആശയവി​നി​മയം നടത്താ​നും കഴിയു​ക​യില്ല.)

സങ്കീ. 146:4: “അവന്റെ ആത്മാവ്‌ വിട്ടു​പോ​കു​ന്നു, അവൻ മണ്ണി​ലേക്ക്‌ തിരികെ പോകു​ന്നു; അന്നു അവന്റെ ചിന്തകൾ തീർച്ച​യാ​യും നശിക്കു​ന്നു.” (ആത്മാവ്‌ ശരീരത്തെ വിട്ടു​പോ​കു​ന്നു എന്നത്‌ ജീവശ​ക്തി​യു​ടെ പ്രവർത്തനം നിലക്കു​ന്നു എന്നു പറയു​ന്ന​തി​ന്റെ മറെറാ​രു വിധം മാത്ര​മാണ്‌. അപ്രകാ​രം ഒരു വ്യക്തി മരിച്ച​ശേഷം അവന്റെ ആത്മാവ്‌ ശരീര​ത്തിൽനിന്ന്‌ വേർപി​രിഞ്ഞ്‌ ചിന്തി​ക്കാ​നും ആസൂ​ത്രണം ചെയ്യാ​നും കഴിയുന്ന ഒരു ആത്മജീ​വി​യാ​യി അസ്‌തി​ത്വ​ത്തിൽ തുടരു​ന്നില്ല. മരിച്ച​ശേഷം, ജീവി​ച്ചി​രി​ക്കു​ന്ന​വർക്ക്‌ തുടർന്ന്‌ ആശയവി​നി​മയം നടത്താൻ കഴിയത്തക്ക എന്തെങ്കി​ലു​മല്ല അത്‌.)

“മരണം” എന്ന ശീർഷ​ക​ത്തിൻകീ​ഴിൽ 100-102 പേജു​കൾകൂ​ടെ കാണുക.

ശമൂവേൽ പ്രവാ​ച​കന്റെ മരണ​ശേഷം ശൗൽ രാജാവ്‌ ശമൂ​വേ​ലു​മാ​യി ആശയവി​നി​മയം നടത്തി എന്ന്‌ ബൈബിൾ സൂചി​പ്പി​ക്കു​ന്നി​ല്ലേ?

ആ വിവരണം 1 ശമൂവേൽ 28:3-20-ലാണ്‌ കാണ​പ്പെ​ടു​ന്നത്‌. ശൗൽ തന്നെ ശമൂ​വേ​ലി​നെ കണ്ടില്ല എന്നും ആത്മമദ്ധ്യ​വർത്തി നൽകിയ വിവര​ണ​ത്തിൽ നിന്ന്‌ അവൾ ശമൂ​വേ​ലി​നെ കണ്ടു എന്ന നിഗമ​ന​ത്തി​ലെ​ത്തി​യ​തേ​യു​ളളു എന്നും 13, 14 വാക്യങ്ങൾ കാണി​ക്കു​ന്നു. അത്‌ ശമൂ​വേ​ലാണ്‌ എന്ന്‌ വിശ്വ​സി​ക്കാൻ ശൗൽ അങ്ങേയ​ററം ആഗ്രഹി​ച്ചു. അതു​കൊണ്ട്‌ അവൻ വഞ്ചിക്ക​പ്പെ​ടാൻ ഇടയായി. ശമൂവേൽ മരിച്ച്‌ അടക്കം ചെയ്യ​പ്പെ​ട്ടി​രു​ന്നു എന്ന്‌ 3-ാം വാക്യം പറയുന്നു. ശൗലു​മാ​യി ആശയവി​നി​മയം നടത്താൻ കഴിയ​ത്ത​ക്ക​വണ്ണം ശമൂ​വേ​ലി​ന്റെ യാതൊ​രു ഭാഗവും മറെറാ​രു മണ്ഡലത്തിൽ ജീവ​നോ​ടെ ഇരിപ്പി​ല്ലാ​യി​രു​ന്നു എന്ന്‌ മുൻ ഉപശീർഷ​ക​ത്തിൻ കീഴിൽ ഉദ്ധരി​ക്ക​പ്പെട്ട തിരു​വെ​ഴു​ത്തു​കൾ വ്യക്തമാ​ക്കു​ന്നു. ശമൂ​വേ​ലി​ന്റെ​താ​ണെന്ന്‌ നടിച്ച സ്വരം ഒരു കപട നാട്യ​ക്കാ​ര​ന്റെ​താ​യി​രു​ന്നു.

മരിച്ചവരുമായി സംസാ​രി​ക്കാൻ ശ്രമി​ക്കു​ന്നവർ വാസ്‌ത​വ​ത്തിൽ ആരുമാ​യി​ട്ടാണ്‌ ആശയവി​നി​മയം നടത്തു​ന്നത്‌?

മരിച്ച​വ​രു​ടെ അവസ്ഥ സംബന്ധി​ച്ചു​ളള സത്യം ബൈബി​ളിൽ വ്യക്തമാ​യി പ്രസ്‌താ​വി​ക്ക​പ്പെ​ട്ടി​രി​ക്കു​ന്നു. എന്നാൽ മരണം സംബന്ധിച്ച്‌ ആദ്യ മാനുഷ ജോടി​യെ വഞ്ചിക്കാൻ ശ്രമി​ച്ചത്‌ ആരാണ്‌? അനുസ​ര​ണ​ക്കേട്‌ മരണം കൈവ​രു​ത്തു​മെ​ന്നു​ളള ദൈവ​ത്തി​ന്റെ മുന്നറി​യി​പ്പി​നെ​തി​രെ സാത്താൻ സംസാ​രി​ച്ചു. (ഉൽപ. 3:4; വെളി. 12:9) എന്നാൽ, തീർച്ച​യാ​യും കാല​ക്ര​മ​ത്തിൽ മനുഷ്യർ മരിക്കു​മെന്ന്‌ ദൈവം പറഞ്ഞതു പോ​ലെ​തന്നെ സംഭവി​ച്ചു എന്നുള​ളത്‌ വ്യക്തമാ​യി. മനുഷ്യർ യഥാർത്ഥ​ത്തിൽ മരിക്കു​ന്നി​ല്ലെ​ന്നും മനുഷ്യ​ന്റെ ആത്മീയ​മായ ഒരു ഭാഗം ശരീര​ത്തി​ന്റെ മരണത്തെ അതിജീ​വി​ക്കു​ന്നു എന്നുമു​ളള ഈ ആശയം കണ്ടുപി​ടി​ച്ച​തിന്‌ ഉത്തരവാ​ദി യുക്തി​യ​നു​സ​രിച്ച്‌ അപ്പോൾ ആരായി​രി​ക്കണം? അത്തര​മൊ​രു വഞ്ചന “ഭോഷ്‌ക്കി​ന്റെ പിതാവ്‌” എന്ന്‌ യേശു വർണ്ണിച്ച പിശാ​ചായ സാത്താന്‌ യോജി​ക്കു​ന്നു. (യോഹ. 8:44; 2 തെസ്സ​ലോ​നീ​ക്യർ 2:9, 10 കൂടെ കാണുക.) മരിച്ചവർ യഥാർത്ഥ​ത്തിൽ മറെറാ​രു മണ്ഡലത്തിൽ ജീവി​ച്ചി​രി​ക്കു​ന്നു​വെ​ന്നും നമുക്ക്‌ അവരു​മാ​യി ആശയവി​നി​മയം  നടത്താൻ കഴിയു​മെ​ന്നു​മു​ളള ആശയം മനുഷ്യ​വർഗ്ഗ​ത്തിന്‌ ഗുണം ചെയ്‌തി​ട്ടില്ല. നേരെ മറിച്ച്‌, മഹാബാ​ബി​ലോ​ന്റെ ആഭിചാര പ്രവർത്ത​ന​ങ്ങ​ളാൽ “സകല ജനതക​ളും വഴി​തെ​റ​റി​ക്ക​പ്പെ​ട്ടി​രി​ക്കു​ന്നു” എന്ന്‌ വെളി​പ്പാട്‌ 18:23 പറയുന്നു. ‘മരിച്ച​വ​രു​മാ​യി സംസാ​രി​ക്കുന്ന’ ആഭിചാ​ര​വൃ​ത്തി വാസ്‌ത​വ​ത്തിൽ മനുഷ്യർ ഭൂതങ്ങ​ളു​മാ​യി (ദൈവ​ത്തി​നെ​തി​രെ സ്വാർത്ഥ​പ​ര​മാ​യി മൽസരിച്ച ദൂതൻമാ​രു​മാ​യി) ബന്ധപ്പെ​ടു​ന്ന​തിന്‌ ഇടയാ​ക്കുന്ന ഒരു മഹാവ​ഞ്ച​ന​യാണ്‌; അത്‌ മിക്ക​പ്പോ​ഴും ആളുകൾ അനാവ​ശ്യ​മായ സ്വരങ്ങൾ കേൾക്കു​ന്ന​തി​ലേ​ക്കും ആ ദുഷ്ടാ​ത്മാ​ക്ക​ളാൽ ശല്യ​പ്പെ​ടു​ത്ത​പ്പെ​ടു​ന്ന​തി​ലേ​ക്കും നയിക്കു​ന്നു.

ആത്മവിദ്യയിലൂടെ രോഗ​ശാ​ന്തി​യോ സംരക്ഷ​ണ​മോ തേടു​ന്ന​തിൽ ഉപദ്ര​വ​മു​ണ്ടോ?

ഗലാ. 5:19-21: “ജഡത്തിന്റെ പ്രവൃ​ത്തി​കൾ പ്രകട​മാണ്‌, അവ ദുർവൃ​ത്തി, അശുദ്ധി, അഴിഞ്ഞ നടത്ത, വിഗ്ര​ഹാ​രാ​ധന, ആഭിചാ​രം . . . എന്നിവ​യാണ്‌. ഇവയെ സംബന്ധിച്ച്‌ ഞാൻ നേരത്തെ നിങ്ങൾക്ക്‌ മുന്നറി​യിപ്പ്‌ തന്നതു​പോ​ലെ ഇപ്പോ​ഴും മുന്നറി​യിപ്പ്‌ തരുന്നു; അത്തരം കാര്യങ്ങൾ ചെയ്‌തു​കൊ​ണ്ടി​രി​ക്കു​ന്നവർ ദൈവ​രാ​ജ്യം അവകാ​ശ​മാ​ക്കു​ക​യില്ല.” (സഹായ​ത്തി​നു​വേണ്ടി ആഭിചാ​ര​ത്തി​ലേക്കു തിരി​യു​ന്നത്‌ ആ വ്യക്തി മരണത്തെ സംബന്ധി​ച്ചു​ളള സാത്താന്റെ ഭോഷ്‌ക്ക്‌ വിശ്വ​സി​ക്കു​ന്നു എന്നാണ്‌ അർത്ഥമാ​ക്കു​ന്നത്‌; സാത്താ​നിൽ നിന്നും അവന്റെ ഭൂതങ്ങ​ളിൽ നിന്നു​മു​ളള ശക്തി ആവഹി​ക്കാൻ ശ്രമി​ക്കു​ന്ന​വ​രിൽ നിന്നുളള ഉപദേ​ശ​മാണ്‌ അയാൾ തേടു​ന്നത്‌. അത്തര​മൊ​രു വ്യക്തി യഹോ​വ​യാം ദൈവ​ത്തി​ന്റെ ശത്രു​ക്ക​ളാ​യി സ്വയം പ്രഖ്യാ​പി​ച്ചി​രി​ക്കു​ന്ന​വ​രു​ടെ പക്ഷം ചേരു​ക​യാണ്‌. യഥാർത്ഥ സഹായം ലഭിക്കു​ന്ന​തി​നു പകരം അത്തര​മൊ​രു ഗതിയിൽ തുടരു​ന്നവർ നിലനിൽക്കുന്ന ഉപദ്രവം സഹി​ക്കേണ്ടി വരുന്നു.)

ലൂക്കോ. 9:24: “തന്റെ ദേഹിയെ [അല്ലെങ്കിൽ ജീവനെ] രക്ഷിക്കാൻ ആഗ്രഹി​ക്കുന്ന ഏതൊ​രു​വ​നും അതിനെ നഷ്ടമാ​ക്കും; എന്നാൽ എന്റെ നിമിത്തം [അവൻ യേശു​ക്രി​സ്‌തു​വി​ന്റെ ഒരു അനുഗാ​മി​യാ​യി​രി​ക്കു​ന്ന​തി​നാൽ] അതിനെ നഷ്ടമാ​ക്കുന്ന ഏതൊ​രു​വ​നു​മാ​യി​രി​ക്കും അതിനെ രക്ഷിക്കു​ന്നത്‌.” (തന്റെ ഇപ്പോ​ഴത്തെ ജീവൻ നിലനിർത്തു​ന്ന​തി​നോ സംരക്ഷി​ക്കു​ന്ന​തി​നോ ഉളള ശ്രമത്തിൽ ഒരു വ്യക്തി ദൈവ​ത്തി​ന്റെ വചനത്തിൽ വ്യക്തമാ​യി പ്രസ്‌താ​വി​ക്ക​പ്പെ​ട്ടി​രി​ക്കുന്ന കൽപനകൾ മനഃപൂർവ്വം ലംഘി​ക്കു​ന്നു​വെ​ങ്കിൽ നിത്യ​ജീ​വന്റെ പ്രതീക്ഷ അയാൾക്ക്‌ നഷ്ടമാ​കും. എത്ര മൗഢ്യം!)

2 കൊരി. 11:14, 15: “സാത്താൻ താനും തന്നെത്തന്നെ ഒരു വെളി​ച്ച​ദൂ​ത​നാ​യി രൂപാ​ന്ത​ര​പ്പെ​ടു​ത്തി​ക്കൊ​ണ്ടി​രി​ക്കു​ന്നു. അതു​കൊണ്ട്‌ അവന്റെ ശുശ്രൂ​ഷ​കൻമാർ നീതി​യു​ടെ ശുശ്രൂ​ഷ​ക്കാ​രാ​യി തങ്ങളെ​ത്തന്നെ രൂപാ​ന്ത​ര​പ്പെ​ടു​ത്തി​ക്കൊ​ണ്ടി​രി​ക്കു​ന്നു​വെ​ങ്കിൽ അത്‌ അതിശ​യമല്ല.” (അതു​കൊണ്ട്‌ ആഭിചാ​ര​ത്താൽ ചെയ്യ​പ്പെ​ടുന്ന ചില കാര്യങ്ങൾ താൽക്കാ​ലിക പ്രയോ​ജ​ന​മു​ള​ള​താ​യി കാണ​പ്പെ​ടു​ന്നു​വെ​ങ്കിൽ നാം വഴി​തെ​റ​റി​ക്ക​പ്പെ​ട​രുത്‌.)

“രോഗ​ശാ​ന്തി” എന്നതിൻ കീഴിൽ 156-160 പേജുകൾ കൂടെ കാണുക.

ഭാവി എന്താ​ണെന്ന്‌ അറിയു​ന്ന​തി​നോ ഏതെങ്കി​ലും സംരം​ഭ​ത്തിൽ വിജയം ഉറപ്പാ​ക്കു​ന്ന​തി​നോ​വേണ്ടി  ആഭിചാ​രം ഉപയോ​ഗി​ക്കു​ന്നത്‌ ജ്ഞാനമാ​യി​രി​ക്കു​മോ?

യെശ. 8:19: “‘ആത്മവി​ദ്യാ​മാ​ദ്ധ്യ​മ​ങ്ങ​ളോട്‌ അഥവാ ചിലക്കു​ക​യും ജപിക്കു​ക​യും ചെയ്യു​ന്ന​വ​രാ​യി ഭാവി​ക​ഥ​ന​ത്തി​ന്റെ ആത്മാവു​ള​ള​വ​രോട്‌ ചോദി​ക്കുക’ എന്ന്‌ ആരെങ്കി​ലും നിങ്ങ​ളോട്‌ പറഞ്ഞാൽ, ജനം അവരുടെ ദൈവ​ത്തോ​ട​ല്ല​യോ ചോദി​ക്കേ​ണ്ടത്‌?”

ലേവ്യ. 19:31: “ആത്മവി​ദ്യാ​മാ​ദ്ധ്യ​മ​ങ്ങ​ളു​ടെ അടുക്ക​ലേക്ക്‌ തിരി​യു​ക​യോ ഭാവി​ക​ഥനം തൊഴി​ലാ​ക്കി​യി​രി​ക്കു​ന്ന​വ​രോട്‌ ആലോചന ചോദി​ക്കു​ക​യോ ചെയ്‌തു​കൊണ്ട്‌ അവരാൽ അശുദ്ധ​രാ​ക്ക​പ്പെ​ട​രുത്‌. ഞാൻ നിങ്ങളു​ടെ ദൈവ​മായ യഹോ​വ​യാ​കു​ന്നു.”

2 രാജാ. 21:6: “[മനശ്ശെ രാജാവ്‌] ആഭിചാ​രം പ്രയോ​ഗി​ക്കു​ക​യും ലക്ഷണം നോക്കു​ക​യും ആത്മവി​ദ്യാ​മാ​ദ്ധ്യ​മ​ങ്ങ​ളെ​യും ഭാവി​ക​ഥനം തൊഴി​ലാ​ക്കി​യി​രി​ക്കു​ന്ന​വ​രെ​യും നിയമി​ക്കു​ക​യും ചെയ്‌തു. യഹോ​വയെ കോപി​പ്പി​ക്കാൻ തക്കവണ്ണം യഹോ​വ​യു​ടെ ദൃഷ്ടി​യിൽ മോശ​മാ​യത്‌ അയാൾ വ്യാപ​ക​മായ തോതിൽ ചെയ്‌തു.” (അത്തരം ആത്മവി​ദ്യാ​ചാ​ര​ങ്ങ​ളിൽ വാസ്‌ത​വ​ത്തിൽ സഹായ​ത്തി​നാ​യി സാത്താ​നി​ലേ​ക്കും അവന്റെ ഭൂതങ്ങ​ളി​ലേ​ക്കും തിരി​യു​ന്ന​താണ്‌ ഉൾപ്പെ​ട്ടി​രു​ന്നത്‌. അത്‌ “യഹോ​വ​യു​ടെ ദൃഷ്ടി​യിൽ മോശ​മാ​യി​രു​ന്നത്‌” അതിശ​യമല്ല, അതിന്‌ അവൻ മനശ്ശെ​യു​ടെ​മേൽ കഠിന​മായ ശിക്ഷ വരുത്തു​ക​യും ചെയ്‌തു. എന്നാൽ അവൻ അനുത​പി​ക്കു​ക​യും ഈ ദുരാ​ചാ​രങ്ങൾ ഉപേക്ഷി​ക്കു​ക​യും ചെയ്‌ത​പ്പോൾ അവൻ യഹോ​വ​യാൽ അനു​ഗ്ര​ഹി​ക്ക​പ്പെട്ടു.)

ഒരുതരം ആഭിചാ​രം ഉൾപ്പെ​ട്ടി​രി​ക്കുന്ന കളിക​ളിൽ ഏർപ്പെ​ടു​ക​യോ ഒരു നല്ല ശകുന​മാ​യി തോന്നുന്ന എന്തി​ന്റെ​യെ​ങ്കി​ലും അർത്ഥം മനസ്സി​ലാ​ക്കാൻ ശ്രമി​ക്കു​ക​യോ ചെയ്യു​ന്ന​തിൽ എന്താണ്‌ ദോഷം?

ആവ. 18:10-12: “പ്രശ്‌ന​ക്കാ​രൻ, ആഭിചാ​രകൻ അല്ലെങ്കിൽ ശകുനം നോക്കു​ന്നവൻ, മന്ത്രവാ​ദി, ക്ഷുദ്രം പ്രയോ​ഗി​ക്കു​ന്നവൻ, ആത്മമദ്ധ്യ​വർത്തി​യോട്‌ ആലോചന ചോദി​ക്കു​ന്നവൻ, ഭാവി​ക​ഥനം തൊഴി​ലാ​ക്കി​യി​രി​ക്കു​ന്നവൻ, മരിച്ച​വ​രോട്‌ ആലോചന ചോദി​ക്കു​ന്നവൻ എന്നിവർ നിങ്ങളു​ടെ​യി​ട​യിൽ കാണ​പ്പെ​ട​രുത്‌. എന്തു​കൊ​ണ്ടെ​ന്നാൽ ഇത്തരം കാര്യങ്ങൾ ചെയ്യു​ന്ന​വ​രോട്‌ യഹോ​വക്ക്‌ വെറു​പ്പാണ്‌.” (പ്രശ്‌നം നോട്ടം നിഗൂ​ഢ​മായ അറിവ്‌ വെളി​പ്പെ​ടു​ത്തു​ന്ന​തി​നും ഭാവി സംഭവങ്ങൾ മുൻകൂ​ട്ടി​പ്പ​റ​യു​ന്ന​തി​നും ശ്രമി​ക്കു​ന്നു, അത്‌ ഗവേഷ​ണ​ത്തി​ന്റെ ഫലമാ​യി​ട്ടല്ല, മറിച്ച്‌ ശകുന വ്യാഖ്യാ​ന​ത്തി​ലൂ​ടെ​യോ പ്രകൃ​ത്യാ​തീത ശക്തിക​ളു​ടെ സഹായ​ത്താ​ലോ അങ്ങനെ ചെയ്യാൻ ശ്രമി​ക്കു​ന്നു. യഹോവ അത്തരം പ്രവർത്ത​നങ്ങൾ തന്റെ ദാസൻമാർക്കി​ട​യിൽ നിരോ​ധി​ച്ചു. എന്തു​കൊണ്ട്‌? ഇവയെ​ല്ലാം അശുദ്ധാ​ത്മാ​ക്ക​ളു​മാ​യി അല്ലെങ്കിൽ ഭൂതങ്ങ​ളു​മാ​യി ആശയവി​നി​മ​യ​ത്തി​ലേർപ്പെ​ടു​ന്ന​തി​നോ അവരാൽ ബാധി​ക്ക​പ്പെ​ടു​ന്ന​തി​നോ ഉളള ഒരു ക്ഷണമാണ്‌. അത്തരം കാര്യ​ങ്ങ​ളിൽ ഉൾപ്പെ​ടു​ന്നത്‌ യഹോ​വ​യാം ദൈവ​ത്തോ​ടു​ളള കടുത്ത അവിശ്വ​സ്‌ത​ത​യാ​യി​രി​ക്കും.)

പ്രവൃ. 16:16-18: “ഒരു ആത്മാവു​ളള, ഭാവി കഥനത്തി​ന്റെ ഭൂതമു​ളള, ഒരു ദാസി പെൺകു​ട്ടി ഞങ്ങളെ കണ്ടുമു​ട്ടി. ഭാവി പറഞ്ഞു​കൊണ്ട്‌ അവൾ തന്റെ  യജമാ​നൻമാർക്ക്‌ വളരെ ആദായം ഉണ്ടാക്കി​കൊ​ടു​ത്തി​രു​ന്നു.” (സ്‌പഷ്ട​മാ​യി നീതിയെ സ്‌നേ​ഹി​ക്കുന്ന യാതൊ​രാ​ളും ഗൗരവ​മാ​യി​ട്ടോ തമാശ​യാ​യി​ട്ടോ വിവര​ങ്ങ​ളു​ടെ അത്തര​മൊ​രു ഉറവിൽനിന്ന്‌ ആലോചന ചോദി​ക്കു​ക​യില്ല. പൗലോ​സിന്‌ അവളുടെ മുറവി​ളി​യിൽ മടുപ്പു തോന്നു​ക​യും അവളിൽനിന്ന്‌ പുറത്തു​പോ​കാൻ ആ ആത്മാവി​നോട്‌ കൽപി​ക്കു​ക​യും ചെയ്‌തു.)

ദുഷ്ടാത്മാക്കൾക്ക്‌ മനുഷ്യ​രൂ​പം എടുക്കാൻ കഴിയു​മോ?

നോഹ​യു​ടെ നാളു​ക​ളിൽ അനുസ​ര​ണം​കെട്ട ദൂതൻമാർ മനുഷ്യ​രൂ​പം എടുക്കു​ക​തന്നെ ചെയ്‌തു. അവർ വാസ്‌ത​വ​ത്തിൽ വിവാഹം കഴിക്കു​ക​യും കുട്ടി​കളെ ജനിപ്പി​ക്കു​ക​യും ചെയ്‌തു. (ഉൽപ. 6:1-4) എന്നിരു​ന്നാ​ലും, പ്രളയം വന്നപ്പോൾ ആ ദൂതൻമാർ ആത്മമണ്ഡ​ല​ത്തി​ലേക്ക്‌ മടങ്ങി​പ്പോ​കാൻ നിർബ്ബ​ന്ധി​ത​രാ​യി​ത്തീർന്നു. അവരെ സംബന്ധിച്ച്‌ യൂദാ 6 പറയുന്നു: “തങ്ങളുടെ ആദിമ സ്ഥാനം കാത്തു​കൊ​ള​ളാ​തെ ഉചിത​മായ സ്വന്തം വാസസ്ഥലം വിട്ടു​പോയ ദൂതൻമാ​രെ മഹാദി​വ​സ​ത്തി​ലെ ന്യായ​വി​ധി​ക്കാ​യി എന്നേക്കു​മു​ളള ചങ്ങലയിട്ട്‌ കൂരി​രു​ട്ടിൻ കീഴിൽ സൂക്ഷി​ച്ചി​രി​ക്കു​ന്നു.” അവർക്ക്‌ സ്വർഗ്ഗ​ത്തിൽ നേര​ത്തെ​യു​ണ്ടാ​യി​രുന്ന പദവി​ക​ളിൽനിന്ന്‌ ദൈവം അവരെ തരംതാ​ഴ്‌ത്തു​ക​യും യഹോ​വ​യു​ടെ ഉദ്ദേശ്യ​ങ്ങളെ സംബന്ധി​ച്ചി​ട​ത്തോ​ളം കൂരി​രു​ളിൽ ആക്കി​വെ​യ്‌ക്കു​ക​യും ചെയ്‌ത​തു​കൂ​ടാ​തെ ചങ്ങലയെ സംബന്ധി​ച്ചു​ളള പരാമർശനം അവരെ നിയ​ന്ത്ര​ണ​ത്തിൽ വച്ചിരി​ക്കു​ന്നു എന്നും​കൂ​ടെ സൂചി​പ്പി​ക്കു​ന്നു. എന്തിൽ നിന്നുളള നിയ​ന്ത്രണം? പ്രത്യ​ക്ഷ​ത്തിൽ, പ്രളയ​ത്തി​നു മുമ്പ്‌ ചെയ്‌ത​തു​പോ​ലെ സ്‌ത്രീ​ക​ളു​മാ​യി ബന്ധപ്പെ​ടാൻ ഭൗതിക ശരീരം എടുക്കു​ന്ന​തിൽ നിന്ന്‌. വിശ്വ​സ്‌ത​രായ ദൂതൻമാർ ദൈവ​ത്തി​ന്റെ സന്ദേശ​വാ​ഹ​ക​രെ​ന്ന​നി​ല​യിൽ തങ്ങളുടെ ചുമതല നിർവ്വ​ഹി​ക്കു​ന്ന​തി​നു​വേണ്ടി പൊ. യു. ഒന്നാം നൂററാ​ണ്ടു​വരെ ശരീര​മെ​ടു​ത്ത​താ​യി ബൈബിൾ റിപ്പോർട്ടു ചെയ്യുന്നു. എന്നാൽ പ്രളയത്തെ തുടർന്ന്‌ തങ്ങളുടെ പ്രാപ്‌തി​കൾ ദുരു​പ​യോ​ഗ​പ്പെ​ടു​ത്തിയ ദൂതൻമാർക്ക്‌ മനുഷ്യ​രൂ​പ​മെ​ടു​ക്കാ​നു​ളള പ്രാപ്‌തി നഷ്ടമായി.

എന്നിരു​ന്നാ​ലും ഭൂതങ്ങൾക്ക്‌ പ്രത്യ​ക്ഷ​ത്തിൽ മനുഷ്യർ ദർശനങ്ങൾ കാണാൻ ഇടയാ​ക്കാൻ കഴിയു​മെ​ന്നു​ള​ളത്‌ രസാവ​ഹ​മാണ്‌, അവർ കാണു​ന്നത്‌ യഥാർത്ഥ​മാ​ണെന്ന്‌ അവർക്ക്‌ തോന്നു​ക​യും ചെയ്‌തേ​ക്കാം. പിശാച്‌ യേശു​വി​നെ പരീക്ഷി​ച്ച​പ്പോൾ പ്രത്യ​ക്ഷ​ത്തിൽ “ലോക​ത്തി​ലെ എല്ലാ രാജ്യ​ങ്ങ​ളും അവയുടെ മഹത്വ​വും” യേശു​വിന്‌ കാണിച്ചു കൊടു​ക്കാൻ അവൻ അത്തരം മാർഗ്ഗം ഉപയോ​ഗി​ച്ചു.—മത്താ. 4:8.

ആത്മവിദ്യയുടെ സ്വാധീ​ന​ത്തിൽനിന്ന്‌ ഒരു വ്യക്തിക്ക്‌ എങ്ങനെ​യാണ്‌ സ്വത​ന്ത്ര​നാ​കാൻ കഴിയു​ന്നത്‌?

സദൃശ. 18:10: “യഹോ​വ​യു​ടെ നാമം ഒരു ബലമുളള ഗോപു​ര​മാണ്‌. നീതി​മാൻ അതി​ലേക്ക്‌ ഓടി​ച്ചെ​ല്ലു​ന്നു, സംരക്ഷണം നൽക​പ്പെ​ടു​ക​യും ചെയ്യുന്നു.” (ദൈവ​ത്തി​ന്റെ വ്യക്തി​പ​ര​മായ നാമം ഉപയോ​ഗി​ക്കു​ന്നത്‌ തിൻമ അകററി​ക്ക​ള​യാൻ ഒരു മന്ത്രം പോലെ ഉപകരി​ക്കു​ന്നു എന്ന്‌ ഇതിനർത്ഥ​മില്ല. യഹോവ എന്ന “നാമം” ആ വ്യക്തി​യെ​ത്തന്നെ പ്രതി​നി​ധാ​നം ചെയ്യുന്നു. നാം അവനെ അറിയാ​നി​ട​യാ​വു​ക​യും അവന്റെ അധികാ​രത്തെ അംഗീ​ക​രി​ച്ചു​കൊ​ണ്ടും അവന്റെ  കൽപനകൾ അനുസ​രി​ച്ചു​കൊ​ണ്ടും അവനിൽ പൂർണ്ണ​മാ​യി ആശ്രയം വയ്‌ക്കു​ക​യും ചെയ്യു​മ്പോൾ നാം സംരക്ഷി​ക്ക​പ്പെ​ടു​ന്നു. നാം അപ്രകാ​രം ചെയ്യു​ന്നു​വെ​ങ്കിൽ, നാം സഹായ​ത്തി​നാ​യി അവന്റെ വ്യക്തി​പ​ര​മായ നാമം ഉപയോ​ഗി​ച്ചു​കൊണ്ട്‌ അവനെ വിളി​ക്കു​മ്പോൾ അവൻ തന്റെ വചനത്തിൽ വാഗ്‌ദാ​നം ചെയ്‌തി​രി​ക്കുന്ന സംരക്ഷണം അവൻ നൽകുന്നു.)

മത്താ. 6:9-13: “അപ്പോൾ നിങ്ങൾ ഇപ്രകാ​രം പ്രാർത്ഥി​ക്കുക: ‘ . . . ഞങ്ങളെ പ്രലോ​ഭ​ന​ങ്ങ​ളി​ലേക്ക്‌ വരുത്ത​രു​തേ, മറിച്ച്‌ ദുഷ്ടനാ​യ​വ​നിൽനിന്ന്‌ ഞങ്ങളെ സംരക്ഷി​ക്ക​ണമേ.’” നിങ്ങൾ “പ്രാർത്ഥ​ന​യിൽ സ്ഥിരോൽസാ​ഹം കാണി​ക്കു​ക​യും”കൂടെ വേണം. (റോമ. 12:12) (സത്യം അറിയാ​നും ദൈവ​ത്തിന്‌ പ്രസാ​ദ​ക​ര​മായ ഒരു വിധത്തിൽ അവനെ ആരാധി​ക്കാ​നും ആഗ്രഹി​ക്കു​ന്ന​വ​രിൽ നിന്നുളള അത്തരം പ്രാർത്ഥ​നകൾ അവൻ കേൾക്കു​ന്നു.)

1 കൊരി. 10:21: “നിങ്ങൾക്ക്‌ ‘യഹോ​വ​യു​ടെ മേശ’യിലും ഭൂതങ്ങ​ളു​ടെ മേശയി​ലും പങ്കുപ​റ​റാൻ കഴിയു​ക​യില്ല.” (യഹോ​വ​യു​ടെ സൗഹൃ​ദ​വും സംരക്ഷ​ണ​വും ആഗ്രഹി​ക്കു​ന്നവർ ആത്‌മ​വി​ദ്യാ​പ​ര​മായ മീററിം​ഗു​ക​ളി​ലെ പങ്കുപ​ററൽ പൂർണ്ണ​മാ​യി അവസാ​നി​പ്പി​ക്കണം. പ്രവൃ​ത്തി​കൾ 19:19-ൽ രേഖ​പ്പെ​ടു​ത്തി​യി​രി​ക്കുന്ന ദൃഷ്‌ടാ​ന്ത​ത്തിന്‌ ചേർച്ച​യാ​യി ആത്‌മ​വി​ദ്യ​യോ​ടു​ബ​ന്ധ​പ്പെ​ട്ട​താ​യി ഒരുവന്റെ കൈവ​ശ​മു​ളള എല്ലാ വസ്‌തു​ക്ക​ളും നശിപ്പി​ക്കു​ക​യോ ഉചിത​മാ​യി നീക്കി​ക്ക​ള​യു​ക​യോ വേണം.)

യാക്കോ. 4:7: “അതു​കൊണ്ട്‌ ദൈവ​ത്തിന്‌ നിങ്ങ​ളെ​ത്തന്നെ കീഴ്‌പ്പെ​ടു​ത്തുക; എന്നാൽ പിശാ​ചി​നോട്‌ എതിർത്തു​നിൽക്കുക, എന്നാൽ അവൻ നിങ്ങളെ വിട്ട്‌ ഓടി​പ്പോ​കും.” (അങ്ങനെ ചെയ്യു​ന്ന​തിന്‌ ദൈ​വേ​ഷ്‌ട​മെ​ന്താ​ണെന്ന്‌ അറിയു​ന്ന​തി​നും അതു നിങ്ങളു​ടെ ജീവി​ത​ത്തിൽ ബാധക​മാ​ക്കു​ന്ന​തി​നും ഉൽസാ​ഹ​മു​ള​ള​വ​രാ​യി​രി​ക്കുക. ദൈവ​ത്തോ​ടു​ളള സ്‌നേഹം മാനു​ഷ​ഭ​യ​ത്തി​നെ​തി​രെ നിങ്ങളെ ശക്തി​പ്പെ​ടു​ത്തവേ ആത്‌മ​വി​ദ്യ​യോ​ടു​ബ​ന്ധ​പ്പെട്ട ഏതു ആചാര​ത്തി​ലും പങ്കെടു​ക്കു​ന്ന​തി​നും ഒരു ആഭിചാ​രകൻ വയ്‌ക്കുന്ന നിയമങ്ങൾ അനുസ​രി​ക്കു​ന്ന​തി​നും വിസമ്മ​തി​ക്കുക.)

എഫേസ്യർ 6:10-18-ൽ വർണ്ണി​ച്ചി​രി​ക്കുന്ന “ദൈവ​ത്തിൽനി​ന്നു​ളള സർവ്വാ​യു​ധ​വർഗ്ഗം” ധരിക്കുക, അതിന്റെ എല്ലാ ഭാഗവും നല്ല നിലയിൽ സൂക്ഷി​ക്കു​ന്ന​തിന്‌ ഉൽസാ​ഹ​മു​ള​ള​വ​രാ​യി​രി​ക്കുക.