LESONA 90
Maty tao Golgota i Jesosy
Nentin’ny lehiben’ny mpisorona tany amin’ny lapan’i Pilato governora i Jesosy. Dia hoy i Pilato tamin-dry zareo: ‘Fa inona ny zavatra ratsy nataon’ity lehilahy ity?’ Hoy ry zareo: ‘Lazainy fa mpanjaka, hono, izy!’ Hoy i Pilato tamin’i Jesosy: ‘Ianao ve no Mpanjakan’ny Jiosy?’ Dia hoy i Jesosy: ‘Tsy avy amin’izao tontolo izao ny Fanjakako.’
Nalefan’i Pilato tany amin’i Heroda, mpanjakan’i Galilia, i Jesosy avy eo, sao mba mahita antony hamonoana azy izy. Tsy nahita mihitsy anefa i Heroda, ka naveriny tany amin’ny Pilato i Jesosy. Dia hoy i Pilato tamin’ny vahoaka: ‘I Heroda koa aza mba tsy mahita hoe nanao ratsy ity lehilahy ity, fa halefako izy.’ Dia niantsoantso mafy ry zareo hoe: ‘An an an! Vonoy izy!’ Nokaravasin’ny miaramila i Jesosy, dia nororany sy nokapohiny. Nasian-dry zareo satroka tsilo teo amin’ny lohany avy eo, dia nesoesoiny izy hoe: ‘Manahoana ianao, ry Mpanjakan’ny Jiosy ô!’ Hoy indray i Pilato tamin’ny vahoaka: ‘Tsy hitako mihitsy izay fahadisoan’io lehilahy io.’ Niantsoantso anefa ry zareo hoe: “Fantsiho eo amin’ny tsato-kazo izy!” Dia nasain’i Pilato novonoina àry izy.
Nentin’ny miaramila tany Golgota i Jesosy. Nofantsihan-dry zareo teo amin’ny hazo izy, ary natsangany ilay hazo avy eo. Dia nivavaka i Jesosy hoe: ‘Ray ô, mamelà an-dry zareo, fa tsy fantany izay ataony.’ Nanesoeso azy ny olona hoe: ‘Midìna avy eny raha Zanak’Andriamanitra tokoa ianao! Mba vonjeo ny tenanao e!’
Nisy olon-dratsy anankiroa nahantona teo akaikin’i Jesosy. Hoy ny anankiray taminy: ‘Mba tsarovy aho rehefa tonga any amin’ny Fanjakanao ianao.’ Dia hoy i Jesosy: ‘Ao fa hiaraka amiko any amin’ny Paradisa ianao.’ Mbola antoandro ny andro tamin’izay, nefa lasa maizina be ilay faritra manontolo nandritra ny adiny telo. Nisy mpianatra nijorojoro teo akaikin’ilay hazo namantsihana an’i Jesosy, ary teo koa i Maria reniny. Dia hoy i Jesosy tamin’i Jaona: ‘Mba karakarao izy dia ataovy hoatran’ny hoe mamanao mihitsy!’
Hoy i Jesosy tamin’ny farany: “Vita.” Niondrika izy dia maty. Nisy horohoron-tany be tamin’izay. Dia nizara roa ilay ridao matevina be nanasaraka ny Masina sy ny Masina Indrindra tao amin’ny tempoly. Nisy lehiben’ny miaramila niteny avy eo hoe: ‘Tena Zanak’Andriamanitra tokoa io!’
“Na firy na firy ny fampanantenan’Andriamanitra, dia lasa ‘eny’ ireny amin’ny alalan’ny Zanany.”—2 Korintianina 1:20
Mety ho Tianao Koa
I JESOSY NO LALANA SY FAHAMARINANA ARY FIAINANA
Hitan’i Pilato sy Heroda hoe Tsy Nanan-tsiny Izy
Nahoana i Pilato no nandefa an’i Jesosy tany amin’i Heroda mba hotsaraina? Tsy nanana fahefana hitsara an’i Jesosy ve izy?
I JESOSY NO LALANA SY FAHAMARINANA ARY FIAINANA
“Indro ny Lehilahy!”
Na i Pilato aza niaiky fa nanana toetra faran’izay tsara i Jesosy.
I JESOSY NO LALANA SY FAHAMARINANA ARY FIAINANA
Nijaly teo Amin’ny Hazo Fijaliana Ilay Mpanjaka Tsy Manan-tsiny
Nampanantena hoavy tsara ho an’ny iray tamin’ireo jiolahy niara-novonoina taminy i Jesosy.
I JESOSY NO LALANA SY FAHAMARINANA ARY FIAINANA
“Zanak’Andriamanitra Tokoa Io”
Misy dikany ilay haizina mahagaga tamin’ny antoandro sy ilay horohoron-tany ary ny fizaran’ny ridaon’ny tempoly.
FAMPIANARAN’NY BAIBOLY TENA ILAINA
Inona no Antony Nahafatesan’i Jesosy?
Efa fantatrao angamba hoe maty noho ny fahotantsika i Jesosy. Sorona iray ve anefa dia afaka mamonjy olona an-tapitrisany?
