Salamo 41:1-13
Ho an’ny mpitarika. Hiran’i Davida.
41 Sambatra izay miahy ny madinika,+Fa i Jehovah hamonjy azy amin’ny fotoan-tsarotra.
2 Hiaro azy sy hitsimbina ny ainy i Jehovah.
Holazaina hoe sambatra izy eto an-tany;+Tsy hanolotra azy hoviravirain’ny fahavalony mihitsy ianao.+
3 Hanohana azy eo amin’ny fandriana aharariany i Jehovah;+Hovanao tanteraka ny fandrianany, mandritra ny fotoana aharariany.
4 Hoy mantsy aho: “Jehovah ô, iantrao aho!+
Sitrano aho+ fa nanota taminao.”+
5 Maniry loza ho ahy anefa ny fahavaloko, ka milaza hoe:
“Rahoviana àry izy no ho faty dia hohadinoina ny anarany?”
6 Rehefa tonga mamangy ahy ny iray amin’izy ireo, dia mandainga.*
Manangona zava-dratsy holazaina momba ahy izy.Lasa mandeha izy avy eo, dia manely an’izany etsy sy eroa.
7 Mitakoritsika ireo rehetra mankahala ahy;Mitetika ny hanisy ratsy ahy izy ireo, ka milaza hoe:
8 “Misy zavatra mampahatahotra manjo azy;Lavo izy izao ka tsy ho tafarina intsony.”+
9 Ilay olona tsara fihavanana tamiko sy nitokisako,+Izay niara-nihinana mofo tamiko no nanainga ny voditongony hamely ahy.*+
10 Fa ianao kosa Jehovah ô, iantrao aho ka areno,Amin’izay aho ho afaka hamaly ny nataon’izy ireny.
11 Izao no hahafantarako fa mankasitraka ahy ianao:
Tsy ho resin’ny fahavaloko sy tsy hohorakorahiny aho.+
12 Tohananao aho satria tsy mivadika aminao;+Hataonao eo anatrehanao mandrakizay aho.+
13 Enga anie i Jehovah Andriamanitry ny Israely hoderainaMandrakizay doria!*+
Amena! Amena!
Fanamarihana
^ Na: “milaza lainga ny fony.”
^ Na: “no nivadika tamiko.”
^ Na: “Hatrizay hatrizay ka ho mandrakizay.”
