Salamo 108:1-13
Hira. Salamo nataon’i Davida.
108 Tsy miovaova mihitsy ny foko, Andriamanitra ô!
Hihira sy hitendry mozika ho anao amin’ny foko manontolo aho.*+
2 Mifohaza, ry zavamaneno fitendry ô! Ianao koa, ry harpa ô!+
Hofohaziko ny maraina mangiran-dratsy.
3 Hidera anao eo amin’ny vahoaka aho, Jehovah ô,Ary hihira fiderana* ho anao eo amin’ireo firenena.
4 Fa tena lehibe ny fitiavanao ka tonga hatreny amin’ny lanitra,+Ary ny tsy fivadihanao mipaka hatreny amin’ny rahona.
5 Misandrata any ambonin’ny lanitra, Andriamanitra ô!Enga anie ny voninahitrao hanerana ny tany manontolo!+
6 Vonjeo amin’ny tananao ankavanana izahay ka valio aho,+Mba ho avotra ireo tianao.
7 Efa niteny ilay Andriamanitra masina* hoe:
“Ho faly aho hanome an’i Sekema+ ho lovan’ny vahoakako,Ary horefesiko ny Lohasahan’i* Sokota.+
8 Ahy i Gileada,+ ary ahy koa i Manase;I Efraima no fiarovan-dohako,*+Ary i Joda no ataoko tehim-pahefana.+
9 I Moaba no koveta isasako.+
Any Edoma no hanipazako ny kapako.+
Hihorakoraka sady ho faly aho rehefa resiko i Filistia.”+
10 Iza no hitondra ahy any amin’ilay tanàna voaro mafy?
Iza no hitarika ahy hatrany Edoma?+
11 Tsy ianao ve, Andriamanitra ô, ilay nanary anay,Ilay Andriamanitray nefa tsy miaraka amin’ny tafikay intsony?+
12 Ampio izahay rehefa misy fahoriana mahazo anay,+Fa tsy misy dikany ny famonjena avy amin’ny olombelona.+
13 Hahazo hery+ avy amin’Andriamanitra izahay,Ary hanosihosy an’ireo fahavalonay izy.+
Fanamarihana
^ Abt: “hatramin’ny voninahitro.”
^ Na: “hitendry mozika.”
^ Na mety hoe “Efa niteny tao amin’ny toerany masina Andriamanitra.”
^ Na: “Lemaka Ivan’i.”
^ Abt: “toerana voaro mafy ho an’ny lohako.”
