Misy Filma na Hira na Boky Tsy Azon’ny Vavolombelon’i Jehovah Jerena na Henoina na Vakina Ve?
Tsia. Tsy mandinika filma na boky na hira izahay, mba hahitana hoe iza avy no tsy azon’ny olona jerena na vakina na henoina. Nahoana?
Mampirisika ny olona tsirairay ny Baiboly mba hanazatra ny ‘fahaizany misaina’, amin’izay izy mahay manavaka ny tsara sy ny ratsy.—Hebreo 5:14.
Misy toro lalana ao amin’ny Baiboly manampy ny Kristianina hifidy fialam-boly. a Miezaka ‘mamantatra tsara foana izay ankasitrahan’ny Tompo’ izahay, na inona na inona ataonay.—Efesianina 5:10.
Milaza ny Baiboly fa manana fahefana amin’ny ankohonany ny loham-pianakaviana. Azony atao àry ny tsy mamela azy ireo hanao an’izay fialam-boly hitany hoe tsy mety. (1 Korintianina 11:3; Efesianina 6:1-4) Ao anatin’ny fianakaviana ihany anefa izany no mihatra. Tsy azon’iza na iza atao ny mamoaka lalàna hoe ireto avy ny filma na boky na hira tsy azon’ny Vavolombelon’i Jehovah jerena na vakina na henoina.—Galatianina 6:5.
a Raran’ny Baiboly, ohatra, izay zavatra rehetra misy resaka herin’ny maizina, na fijangajangana, na herisetra.—Deoteronomia 18:10-13; Efesianina 5:3; Kolosianina 3:8.
Mety ho Tianao Koa
MANONTANY NY TANORA
Tsy Mampaninona ve Izay Mozika Henoiko?
Tena misy heriny eo amin’ny olona ny mozika. Hanampy anao hahay hifidy ny mozika henoinao ity lahatsoratra ity.
KISARISARY
Lalao Video: Mandresy Ianao sa Resy?
Mety hahafinaritra ny lalao video, nefa misy maha ratsy azy koa. Inona àry no azonao atao mba tsy ho resin’ny lalao video ianao?
FAMPIANARAN’NY BAIBOLY
Hanandrana An’ilay Fianarana
Afaka mianatra Baiboly maimaim-poana miaraka amin’ny mpampianatra iray ianao.