WAƘA TA 139
Rayuwa a Cikin Aljanna
(Ru’ya ta Yohanna 21:1-5)
-
1. Ka ga kanka, ka gan ni ma,
Ka gan mu duk a cikin aljanna.
Yin rayuwa a aljanna
Zai yi daɗi, kome zai yi kyau.
Za a kawar da mugaye,
Mulkin Jehobah zai dawwama.
A lokacin da muke a aljanna
Duk za mu yi murna
muna rera yabo:
(AMSHI)
“Mun gode Allah don ayyukanka.
Ɗanka Yesu ya gyara duniya.
Muna godiya sosai don albarkarka.
Muna rera waƙar yabo ga sunanka.”
-
2. Ka ga kanka, ka gan ni ma,
Ka gan mu muna jin daɗi sosai.
Babu kome a duniya
Da zai sa mu riƙa jin tsoro.
Alkawuran Maɗaukaki
Duk sun cika yadda ya faɗa.
Jehobah Uba, zai ta da matattu,
Duk za mu rera yabo
da murna sosai:
(AMSHI)
“Mun gode Allah don ayyukanka.
Ɗanka Yesu ya gyara duniya.
Muna godiya sosai don albarkarka.
Muna rera waƙar yabo ga sunanka.”
(Ka kuma duba Zab. 37:10, 11; Isha. 65:17; Yoh. 5:28; 2 Bit. 3:13.)
