A Ina ne Kayinu Ya Sami Matarsa?
Amsar Littafi Mai Tsarki
Dan farin iyayenmu na farko, wato Kayinu ya auri daya daga cikin kannensa mata ko kuma danginsa. Mun fahimci hakan ne ta wurin bincika abin da Littafi Mai Tsarki ya fada game da Kayinu da kuma danginsa.
Gaskiya game da Kayinu da kuma danginsa
Dukan ‘yan Adam ‘ya’yan Adamu da Hawwa’u ne. Allah “ya halicci dukan al’umma daga mutum guda [Adamu], domin su zauna a dukan fuskar duniya.” (Ayyukan Manzanni 17:26, Juyi Mai Fitar da Ma’ana) Matar Adamu, wato Hawwa’u ita ce “uwar masu rai duka.” (Farawa 3:20) Saboda haka, Kayinu ya auri daya daga cikin kannensa.
Kayinu da dan’uwansa Habila suna cikin yaran farko da Hawwa’u ta haifa. (Farawa 4:1, 2) A lokacin da aka kori Kayinu don ya kashe dan’uwansa, Kayinu ya ce, duk “wanda ya same ni za ya kashe ni.” (Farawa 4:14) Su waye ne Kayinu ya ji tsoronsu? Littafi Mai Tsarki ya ce Adamu ‘ya kuma haifi ‘ya’ya maza da mata.’ (Farawa 5:4) Da alama wasu yaran Adamu da Hawwa’u sun sa Kayinu a gaba shi ya sa yake tsoronsu.
A dā, mutane suna iya auran danginsu. Alal misali, Ibrahim ya auri ‘yar matar babansa. (Farawa 20:12) Amma an fara haramta irin wannan auren a lokacin da aka ba da Doka ta hannun Musa kuma hakan ya faru ne shekaru da yawa bayan zamanin Kayinu. (Levitikus 18:9, 12, 13) Da alama a lokacin idan mutum ya auri ‘yar’uwarsa kuma suka haihu, yaran ba sa samun lahani kamar yadda ake gani a yanzu.
Littafi Mai Tsarki ya ba da labarin Adamu da Hawwa’u da iyalinsa daidai yadda ya faru. Ba littafin Farawa da Musa ya rubuta ba ne kawai ya ba da labarin zuriyar Adamu dalla-dalla, wasu ‘yan tarihi ma kamar su Ezra da Luka sun yi hakan. (Farawa 5:3-5; 1 Labarbaru 1:1-4; Luka 3:38) Marubutan Littafi Mai Tsarki ma sun ambaci labarin Kayinu a matsayin abin da ya faru a dā.—Ibraniyawa 11:4; 1 Yohanna 3:12; Yahuda 11.
Mai Yiwuwa Za Ka Kuma So
AMSOSHIN TAMBAYOYIN LITTAFI MAI TSARKI
Mene ne Zai Taimaka Maka Ka Fahimci Littafi Mai Tsarki?
Ko ba ka da ilimi sosai, za ka iya fahimtar sakon Allah da ke cikin Littafi Mai Tsarki.
AMSOSHIN TAMBAYOYIN LITTAFI MAI TSARKI
Akwai Ayoyi a Cikin Littafi Mai Tsarki da Ba Su Jitu da Juna Ba?
Ka bincika wasu ayoyi a cikin Littafi Mai Tsarki da wasu suke ganin ba su jitu da juna ba da kuma ka’idodin da za ka iya bi don ka fahimci gaskiyar batun.
MUHIMMAN KOYARWAR LITTAFI MAI TSARKI
Me Ya Sa Allah Ya Halicci Duniya?
Duniya tana cike da kyawawan abubuwa. An sanya ta a daidai inda ya kamata, nisan da ke tsakanin duniya da rana ya dace, hakan ya sa duniya ta zauna da kyau a inda aka ajiye ta da kuma yadda za ta iya juyawa daidai yadda ya kamata. Me ya sa Allah ya dauki dogon lokaci don ya tsara duniyar nan da kyau?
GAME DA MU
Ka Aika Sako don A Ziyarce Ka
Za ka so ka san amsar wata tambaya daga Littafi Mai Tsarki ko wani abu game da Shaidun Jehobah.