Salmo 59:1-17
Ngadto sa direktor; sa tono sa “Ayawg Laglaga.” Salmo ni David. Miktam.* Dihang si Saul nagpadalag mga tawo sa pagpaniid sa balay ni David* aron patyon siya.+
59 Luwasa ko gikan sa akong mga kaaway, Oh akong Diyos;+Panalipdi ko gikan niadtong mga nagabatok kanako.+
2 Luwasa ko gikan sa mga mamumuhat ug daotan,Ug luwasa ko gikan sa pintas* nga mga tawo.
3 Sila nag-atang sa pagpatay kanako;+Ang mga kusgang lalaki miatake kanako,Apan dili tungod kay mirebelde o nakasala ko,+ Oh Jehova.
4 Bisag wala koy gihimong sayop, nangandam sila sa pag-atake.
Bangon dihang motawag ko ug tan-awa kon unsay nagakahitabo kanako.
5 Kay ikaw, Oh Jehova nga Diyos sa mga panon, mao ang Diyos sa Israel.+
Pagmata ug susiha ang tanang kanasoran.
Ayawg kaluy-i ang mga maluibon.+ (Selah)
6 Manguli sila inigkagabii;+Mamaghot* sila samag iro+ ug maglibotlibot sa siyudad.+
7 Tan-awa kon unsay nagagula sa ilang baba;Kay ang ilang mga ngabil nahisamag mga espada,+Kay sila nag-ingon: “Kinsay nagapatalinghog?”+
8 Apan kataw-an nimo sila, Oh Jehova;+Imong tamayon ang tanang kanasoran.+
9 Oh Diyos, ikaw ang akong Kusog; ako magahulat kanimo;+Kay ikaw ang akong luwas nga dangpanan.*+
10 Ang Diyos nga nagpakita kanakog maunongong gugma motabang kanako;+Ipakita sa Diyos kanako ang kapildihan sa akong mga kaaway.+
11 Ayaw una silag patya, aron ang akong katawhan dili makalimot.
Pinaagi sa imong gahom, palatagawa sila;Pukana sila, Oh Jehova nga among taming.+
12 Tungod sa sala sa ilang baba ug sa pulong sa ilang mga ngabil,Mabitik unta sila sa ilang garbo,+Tungod sa ilang pagpanunglo ug pagsultig limbong.
13 Laglaga sila tungod sa imong kaaligutgot;+Laglaga sila, aron mawala na sila;Pahibaloa sila nga ang Diyos nagamando sa Jacob ug hangtod sa mga kinatumyan sa yuta.+ (Selah)
14 Papaulia sila inigkagabii;Papaghota* sila samag iro ug palibota sila sa siyudad.+
15 Palatagawa sila aron mangitag makaon;+Ayaw silag tugoting mabusog o makakitag kaestaran.
16 Apan ako mag-awit bahin sa imong kusog;+Pagkabuntag, ako malipayong maghisgot bahin sa imong maunongong gugma.
Kay ikaw ang akong luwas nga dangpanan+Ug ang dapit nga akong kadangpan panahon sa akong kasakit.+
17 Oh akong Kusog, ako mag-awit ug mga pagdayeg* kanimo,+Kay ang Diyos mao ang akong luwas nga dangpanan, ang Diyos nga nagpakita kanakog maunongong gugma.+
Mga Footnote
^ Literal, “pagpaniid sa balay.”
^ O “uhaw sa dugo.”
^ O “Mongulob.”
^ O “luwas nga taas nga dapit.”
^ O “Panguloba.”
^ O “mag-awit nga dinuyogag musika.”
