Salmo 73:1-28
Salmo ni Asap.+
73 Ang Diyos maayo gayod sa Israel, niadtong mga putli ug kasingkasing.+
2 Kon bahin kanako, hapit nang mahisalaag ang akong mga tiil;Hapit nang maligas ang akong mga lakang.+
3 Kay nasina ko sa mga mapahitas-on*Dihang nakita nako ang kalinaw sa mga daotan.+
4 Kay namatay sila nga walay kasakitan;Himsog ang ilang lawas.*+
5 Wala sila mabalaka sama sa ubang tawo,+Ug wala sila mag-antos sama sa uban.+
6 Busa ang pagkamapahitas-on maoy ilang kuwentas;+Ang kapintasan maoy ilang besti.
7 Tungod sa ilang paglambo,* ang ilang mga mata namudlat;Nabatonan nila ang labaw pa kay sa gihanduraw sa ilang kasingkasing.
8 Sila nagatamay ug nagasultig daotan.+
Sila mapahitas-ong nanghulga nga mangdaogdaog.+
9 Nagsulti sila nga daw sama sila ka taas sa langit,
Ug ang ilang dila nagapanghambog samtang naglakawlakaw sa yuta.
10 Busa ang iyang katawhan misunod kanila,Ug miinom sila sa ilang abundang tubig.
11 Sila miingon: “Unsaon pagkahibalo sa Diyos?+
Duna ba gyoy kahibalo ang Labing Hataas?”
12 Oo, sila ang mga daotan, nga kanunayng hamugaway.+
Padayon nilang gipadaghan ang ilang bahandi.+
13 Kawang lang nga gihuptan nakong putli ang akong kasingkasingUg gihunawan nako ang akong mga kamot aron ipaila nga wala koy sala.+
14 Ug natugaw ko sa tibuok adlaw;+Matag buntag kong gitul-id.+
15 Apan kon miingon ko niining mga butanga,Giluiban na unta nako ang imong katawhan.*
16 Dihang gipaningkamotan nako kinig sabot,Natugaw ko niini
17 Hangtod nga misulod ko sa dakong sangtuwaryo sa Diyos,Ug nakita nako ang ilang kaugmaon.
18 Sa pagkatinuod, gibutang nimo sila sa danlog nga dapit.+
Gipahinabo nimo nga mapukan sila aron malaglag.+
19 Kalit kaayo ang ilang pagkalaglag!+
Kalit kaayong midangat ang ilang makalilisang nga kataposan!
20 Samag damgo nga malimtan inigmata, Oh Jehova,Imo silang isalikway* inigbangon nimo.
21 Apan ang akong kasingkasing nagmasulub-on,+Ug sa sulod nako* nasakitan ko pag-ayo.
22 Wala koy pagsabot ug dili makataronganon;Sa imong atubangan, nahisama kog walay buot nga mananap.
23 Apan karon padayon kong nagauban kanimo;Gikuptan nimo ang akong tuong kamot.+
24 Gigiyahan ko nimo pinaagi sa imong tambag,+Ug sa ulahi tultolan ko nimo sa himaya.+
25 Kinsa may anaa sa kalangitan nga mas importante alang kanako?
Ug gawas kanimo, wala na koy gitinguha sa yuta.+
26 Ang akong lawas ug kasingkasing mahimong maluya,Apan ang Diyos mao ang bato sa akong kasingkasing ug ang akong bahin hangtod sa hangtod.+
27 Sa pagkatinuod, kadtong mga nagapahilayo kanimo malaglag.
Imong taposon* ang tanan nga wala magmaunongon kanimo.*+
28 Apan bahin kanako, maayo alang kanako ang pagduol sa Diyos.+
Gihimo nakong dangpanan ang Soberanong Ginoong Jehova,Aron ipahayag ang tanan nimong buhat.+
