Salmo 30:1-12
-
Pagbangotan giilisan ug pagsadya
-
Ang pag-uyon sa Diyos maoy tibuok kinabuhi (5)
-
Usa ka awit sa inagurasyon sa balay. Salmo ni David.
30 Bayawon ka nako, Oh Jehova, kay gisakwat* ko nimo;Wala nimo tugoti nga magsadya ang akong mga kaaway tungod sa akong kasakitan.+
2 Oh Jehova nga akong Diyos, mituaw ko kanimo alang sa tabang, ug giayo ko nimo.+
3 Oh Jehova, gisakwat ko nimo gikan sa Lubnganan.*+
Gitipigan ko nimong buhi; giluwas ko nimo gikan sa pagkaunlod sa gahong.*+
4 Pag-awit mog mga pagdayeg* kang Jehova, kamong mga maunongon kaniya,+Pagpasalamat mo sa iyang balaang ngalan;*+
5 Kay ang iyang kasuko sa usa maoy daklit lang,+Apan ang iyang pag-uyon* maoy hangtod sa tibuok kinabuhi.+
Ang paghilak mahimong moabot sa kagabhion, apan sa kabuntagon, dunay hugyaw sa kalipay.+
6 Dihang nagmalinawon ko, miingon ko:
“Dili gyod ko matarog.”*
7 Oh Jehova, samtang nabatonan nako ang imong pag-uyon,* gilig-on ko nimo samag bukid.+
Apan dihang gitago nimo ang imong nawong, ako nalisang.+
8 Oh Jehova, kanunay kong nagtawag kanimo;+Ug kanunay kong nagpakiluoy kanimo, Oh Jehova, nga uyonan ko nimo.
9 Unsay kaayohan sa akong kamatayon,* sa akong pagkanaog sa gahong?*+
Modayeg ba kanimo ang abog?+ Mosaysay ba kini sa imong pagkakasaligan?+
10 Oh Jehova, patalinghogi ko ug pakitaig kaluoy.+
Oh Jehova, tabangi ko.+
11 Giilisan nimog pagsayaw ang akong pagbangotan;Gihukas nimo ang akong sakong panapton, ug gisul-oban ko nimog pagsadya,
12 Aron ako* moawit ug pagdayeg kanimo ug dili magpakahilom.
Oh Jehova nga akong Diyos, dayegon ka nako hangtod sa hangtod.
Mga Footnote
^ O “gihaw-as.”
^ O “lubnganan.”
^ O “Pag-awit mo nga dinuyogag musika.”
^ Literal, “handomanan.”
^ O “pagkamaayo.”
^ O “magsusapinday.”
^ O “pagkamaayo.”
^ Literal, “dugo.”
^ O “lubnganan?”
^ O “ang akong himaya.”
