Salmo 140:1-13
Alang sa direktor. Salmo ni David.
140 Luwasa ko, Oh Jehova, gikan sa mga daotang tawo;Panalipdi ko gikan sa mga pintas nga tawo,+
2 Kadtong mga nagplanog daotan diha sa ilang kasingkasing+Ug nagsugnib ug panag-away sa tibuok adlaw.
3 Hait ang ilang dila sama nianang sa halas;+Ang lala sa bitin anaa sa ilalom sa ilang mga ngabil.+ (Selah)
4 Panalipdi ko, Oh Jehova, gikan sa mga kamot sa daotan;+Panalipdi ko gikan sa mga pintas nga tawo,Kadtong mga nagplano sa pagpandol kanako.
5 Ang mga mapahitas-on nagbutang ug bitik alang kanako;Nagladlad silag pukot nga pisi sa daplin sa dalan.+
Nagpahimutang silag mga lit-ag alang kanako.+ (Selah)
6 Miingon ko kang Jehova: “Ikaw ang akong Diyos.
Patalinghogi, Oh Jehova, ang akong mga hangyo alang sa tabang.”+
7 Oh Jehova nga Soberanong Ginoo, ang akong kusgang Manluluwas,Gipanalipdan nimo ang akong ulo sa adlaw sa gubat.+
8 Ayawg ihatag, Oh Jehova, ang mga tinguha sa mga daotan.
Ayawg itugot nga molampos ang ilang mga plano, aron dili sila mabayaw.+ (Selah)
9 Hinaot nga ang daotang mga gisulti sa mga naglibot kanakoMosumbalik sa ila mismong mga ulo.+
10 Hinaot paulanan silag nagsigang mga baga.+
Hinaot itambog sila sa kalayo,Ngadto sa lawom* nga mga gahong,+ ug dili na makagawas.
11 Wala untay luna sa yuta ang mga tigbutangbutang.+
Gukdon unta sa daotan ang mga pintas nga tawo ug pamatyon sila.
12 Nahibalo ko nga labanan ni Jehova ang timawaUg hatagag hustisya ang kabos.+
13 Ang matarong magpasalamat gayod sa imong ngalan;Ang matul-id mopuyo sa imong atubangan.*+
