Salmo 138:1-8
Salmo ni David.
138 Dayegon ka nako sa bug-os kong kasingkasing.+
Sa atubangan sa ubang mga diyos,Mag-awit kog mga pagdayeg.*
2 Moyukbo ko paatubang sa imong balaang templo,*+Ug dayegon nako ang imong ngalan+Tungod sa imong maunongong gugma ug sa imong pagkamatinumanon.
Kay ang imong pulong ug ngalan gihimo nimong mas labaw kay sa tanang butang.*
3 Dihang mituaw ko, gitubag ko nimo;+Gihatagan ko nimog kaisog ug kusog.+
4 Ang tanang hari sa yuta magdayeg kanimo, Oh Jehova,+Kay madungog nila ang imong mga gisaad.
5 Magaawit sila bahin sa mga dalan ni Jehova,Kay dako ang himaya ni Jehova.+
6 Bisag si Jehova hataas, gihatagan niyag pagtagad ang mapainubsanon,+Apan halayo siya sa mapahitas-on.+
7 Bisag maglakaw ko taliwala sa kapeligrohan, tipigan ko nimong buhi.+
Bakyawon nimo ang imong kamot batok sa kasuko sa akong mga kaaway;Ang imong tuong kamot magluwas kanako.
8 Taposon ni Jehova ang tanang butang alang kanako.
Oh Jehova, ang imong maunongong gugma molungtad hangtod sa hangtod;+Ayawg isalikway ang mga buhat sa imong mga kamot.+
Mga Footnote
^ O posible, “Ingong pag-insulto sa ubang mga diyos, moawit ko kanimo nga dinuyogag musika.”
^ O “sangtuwaryo.”
^ O posible, “Kay ang imong pulong gihimo nimong mas labaw kay sa imo mismong ngalan.”
