Salmo 118:1-29
118 Magpasalamat kamo kang Jehova, kay siya maayo;+Ang iyang maunongong gugma molungtad hangtod sa hangtod.
2 Pasultiha ang Israel:
“Ang iyang maunongong gugma molungtad hangtod sa hangtod.”
3 Pasultiha ang mga sakop sa panimalay ni Aaron:
“Ang iyang maunongong gugma molungtad hangtod sa hangtod.”
4 Pasultiha ang mga nahadlok kang Jehova:
“Ang iyang maunongong gugma molungtad hangtod sa hangtod.”
5 Mitawag ko kang Jah* panahon sa akong kasakitan;Si Jah mitubag ug gidala ko niya sa luwas* nga dapit.+
6 Si Jehova dapig kanako; dili ko mahadlok.+
Unsay mabuhat sa tawo kanako?+
7 Si Jehova dapig nako ingong akong magtatabang;*+Tan-awon nako ang kapildihan niadtong nagdumot kanako.+
8 Mas maayong modangop kang JehovaKay sa mosalig sa mga tawo.+
9 Mas maayong modangop kang JehovaKay sa mosalig sa mga prinsipe.+
10 Gilibotan ko sa tanang kanasoran,Apan sa ngalan ni Jehova,Giabog nako sila.+
11 Gilibotan ko nila, oo, nalibotan na gyod ko,Apan sa ngalan ni Jehova,Giabog nako sila.
12 Gilibotan ko nila samag mga putyokan,Apan gipalong sila dayon sama sa kalayo diha sa tunokong tanom.
Sa ngalan ni Jehova,Giabog nako sila.+
13 Gitukmod kog kusog* aron matumba ko,Apan gitabangan ko ni Jehova.
14 Si Jah ang akong salipdanan ug kusog,Ug siya nahimong akong kaluwasan.+
15 Ang tingog sa pagsadya ug kaluwasan*Anaa sa mga tolda sa mga matarong.
Ang tuong kamot ni Jehova naghimog gamhanang mga butang.+
16 Ang tuong kamot ni Jehova gibayaw tungod sa kadaogan;Ang tuong kamot ni Jehova naghimog gamhanang mga butang.+
17 Dili ko mamatay, kondili mabuhi koAron ipahayag ang mga buhat ni Jah.+
18 Gidisiplina ko pag-ayo ni Jah,+Apan wala ko niya gitugyan sa kamatayon.+
19 Buksi ang mga ganghaan sa pagkamatarong alang kanako;+Mosulod ko niini ug dayegon si Jah.
20 Kini ang ganghaan ni Jehova.
Ang matarong mosulod agi niini.+
21 Dayegon ka nako, kay gitubag ko nimo+Ug ikaw nahimong akong kaluwasan.
22 Ang bato nga gisalikway sa mga magtutukodNahimong pangunang bato nga pamag-ang.*+
23 Kini naggikan kang Jehova;+Kahibulongan kini alang kanato.+
24 Kini ang adlaw nga gibuhat ni Jehova;Kita magmalipayon ug magsadya niini.
25 Jehova, nagpakiluoy mi, palihog luwasa mi!
Jehova, palihog hatagi mig kadaogan!
26 Bulahan ang usa nga moanhi sa ngalan ni Jehova;+Panalanginan mo namo gikan sa balay ni Jehova.
27 Si Jehova ang Diyos;Ginahatagan ta niyag kahayag.+
Duyog sa parada sa pista nga magbitbit ug mga sanga,+Hangtod sa mga sungay sa halaran.+
28 Ikaw ang akong Diyos, ug dayegon ka nako;Bayawon ka nako, akong Diyos.+
29 Pasalamati si Jehova,+ kay siya maayo;Ang iyang maunongong gugma molungtad hangtod sa hangtod.+
Mga Footnote
^ “Jah” ang pinamubo sa ngalang Jehova.
^ O “luag.”
^ O posible, “Si Jehova dapig nako uban niadtong nagatabang kanako.”
^ O posible, “Gitukmod ko nimog kusog.”
^ O “kadaogan.”
