Oseas 12:1-14
12 “Nagkakakan nin duros an Efraim.
Bilog na aldaw niyang linalapag an duros na hali sa sirangan.
Pinapadakul niya an saiyang kaputikan asin kadahasan.
Nakikipagtipan sinda sa Asiria+ asin nagdadara nin lana sa Ehipto.+
2 Igwa nin kaso si Jehova laban sa Juda;+Papanimbagon niya an Jacob sigun sa mga dalan niya,Asin babaluson niya siya sigun sa mga ginigibo niya.+
3 Sa laog kan tulak kinaputan niya sa buol an tugang niya,+Asin bilog na kusog siyang nakipagtusayan sa Diyos.+
4 Padagos siyang nakipagtusayan sa sarong anghel asin nanggana siya.
Nagtangis siya asin nakimahirak para mabendisyunan siya.”+
Nanumpungan Niya siya sa Bethel, asin duman nakipag-ulay Siya sa sato,+
5 Si Jehova na Diyos nin mga hukbo,+Jehova an saiyang pangaran na dapat tandaan.*+
6 “Kaya bumalik ka sa saimong Diyos,+Papagdanayon mo an saimong maimbod na pagkamuot asin hustisya,+Asin pirmi kang maglaom sa saimong Diyos.
7 Pero yaon sa kamot kan negosyante* an madayang mga timbangan;Gustong-gusto niyang mandaya.+
8 Nagpaparasabi an Efraim, ‘Talagang yuminaman ako;+Nagkaigwa ako nin kayamanan.+
Asin sa gabos kong ginigibo, mayo sindang mahihiling na sala o maraot.’
9 Alagad ako si Jehova na saimong Diyos puon pa sa daga nin Ehipto.+
Papaistaron taka giraray sa mga toldaKapareho kan sa mga aldaw nin itinalaan na panahon.*
10 Nakipag-ulay ako sa mga propeta,+Pinadakul ko an saindang mga bisyon,Asin nagsaysay ako nin mga parabula paagi sa mga propeta.
11 Igwa nin pandadaya*+ asin kaputikan sa Gilead.
Nag-atang sinda nin mga torong baka sa Gilgal,+Asin an saindang mga altar garo mga tambak nin gapo sa mga kali-kali sa uma.+
12 Nagdulag si Jacob pasiring sa teritoryo* nin Aram;*+Nagserbi duman si Israel+ para makaagom.+Asin para makaagom nagbantay siya nin mga karnero.+
13 Paagi sa sarong propeta ilinuwas ni Jehova an Israel sa Ehipto,+Asin paagi sa sarong propeta binantayan niya ini.+
14 Grabe an ginibong kasalan kan Efraim;+An kasalan niya sa dugo dai mahahali sa saiya,Babaluson siya kan saiyang Kagurangnan dahil sa kasusupgan na dinara niya.”+
