Job 10:1-22
10 “Nauuyam ako* sa buhay ko.+
Iluluwas ko an sakong mga pag-agrangay.
Mataram ako dahil sa grabe kong kasakitan!*
2 Sasabihon ko sa Diyos: ‘Dai mo ako paghusgaran na may sála.
Sabihon mo sako kun taano ta nakikipaglaban ka sako.
3 May pakinabang ka daw sa saimong pang-aapi,Sa paghamak sa gibo kan saimong mga kamot+Mantang inuuyunan mo an sadol kan maraot?
4 An saimo daw na mga mata arog kan sa tawo,O an saimo daw na paghiling kapareho kan sa tawong mortal?
5 An saimo daw na mga aldaw kapareho kan sa mga mortal,O an saimo daw na mga taon kapareho kan sa tawo,+
6 Para siyasaton mo an sakong salaAsin pagparahanapon an sakuyang kasalan?+
7 Aram mo na dai akong sála;+Asin mayo nin makakapagligtas sako sa saimong kamot.+
8 Pinorma ako asin ginibo kan saimo mismong mga kamot,+Pero ngunyan biyo mo akong lalaglagon.
9 Girumduma tabi na ginibo mo ako hali sa dalipay,+Pero ngunyan papabalikon mo ako sa alpog.*+
10 Bakong ipinalis mo ako siring sa gatasAsin pinakorta ako siring sa keso?
11 Binaduan mo ako nin kublit asin laman,Asin hinabol* mo ako paagi sa mga tulang asin litid.+
12 Tinawan mo ako nin buhay asin pinahilingan nin maimbod na pagkamuot;Binantayan asin inataman mo an sakuyang espiritu.*+
13 Alagad pasekreto mong plinano na gibuhon an mga bagay na ini.*
Aram kong hali sa saimo an mga bagay na ini.
14 Pigbabantayan mo ako para mahiling kun nagkasala ako,+Asin dai mo ako iaabsuwelto sa sala ko.
15 Kun may sála ako, hirak man sa sako!
Asin maski pa dai akong sála, dai ko maitataas an sakong payo,+Huli ta pano-pano ako nin kasusupgan asin kasakitan.+
16 Kun itaas ko an sakuyang payo, hahantingon mo ako kapareho kan paghanting nin sarong leon+Asin gagamiton mo giraray an saimong kapangyarihan laban sa sako.
17 Nagdadara ka nin bagong mga testigo laban sakoAsin dinadagdagan mo an kaanggutan mo sako,Mantang an kasakitan sunod-sunod na nag-aabot sako.
18 Kaya taano ta ilinuwas mo pa ako sa tulak?+
Nagadan na lang kuta ako bago pa ako nahiling nin siisay man.
19 Kun arog kaiyan, garo man lang dai ako nag-eksister;Hali sa tulak idiniretso na kuta ako sa lubungan.’
20 Bakong kakadikit na lang an mga aldaw ko?+ Bayaan na lang niya ako;Dai na lang niya ako paghilingon, tanganing makaguruginhawa* man lamang ako+
21 Bago ako maghali—asin dai na ako mabalik+—Pasiring sa daga nin grabeng kadikluman,*+
22 Pasiring sa daga nin matinding kaduluman,Sarong daga nin mahibog na kadikluman asin pagkadis-areglado,*Kun sain maski an liwanag kapareho kan kadikluman.”
Mga Nota
^ O “Nauuyam an sakong kalag.”
^ O “sa kapaitan kan kalag ko.”
^ O “kabo-kabo.”
^ O “pinorma.”
^ O “hinangos; buhay.”
^ Sa literal, “Asin itinago mo sa saimong puso an mga bagay na ini.”
^ O “makauruugma.”
^ O “nin kadikluman asin anino nin kagadanan.”
^ O “karibarawan.”
