Job 8:1-22
8 Dangan nagsimbag si Bildad+ na Shuhita:+
2 “Sagkod nuarin ka magpaparataram nin arog kaini?+
Garo lang makusog na duros an pigsasabi kan nguso mo!
3 Bibiribidon daw nin Diyos an hustisya,O bibiribidon daw kan Makakamhan sa Gabos an katanusan?
4 Kun nagkasala sa saiya an saimong mga aki,Pinadusahan niya lang sinda sa pagrebelde ninda;*
5 Pero kun maglalaom ka sa Diyos+Asin makikimahirak ka sa Makakamhan sa Gabos,
6 Asin kun talagang dalisay ka saka matanos,+Tatawan ka niya nin atensiyon*Asin ibabalik ka sa tamang kinamumugtakan mo.
7 Asin dawa hamak an kapinunan mo,Magigin abunda ka sa maabot na panahon.+
8 Maghapot ka tabi sa nakaaging henerasyon,Asin tawan mo nin atensiyon an mga bagay na naaraman kan saindang mga ama.+
9 Huli ta kasuudma lang kita namundag, asin mayo kitang kaaram-aram,Huling arog lang sa anino an mga aldaw ta sa daga.
10 Bako daw na tutukduan ka nindaAsin sasabihon saimo an aram ninda?*
11 Malangkaw daw an tanom na papiro kun daing matubig na lugar?
Malangkaw daw an tambo* kun mayong tubig?
12 Dawa nag-uugbos pa sana iyan asin dai pa pigpuputol,Mas inot iyan na maluluyos kisa sa iba pang tanom.
13 Iyan an kaaabtan* kan gabos na nakakalingaw sa Diyos,Huli ta mapapara an paglaom kan saro na mayong Diyos.*
14 Dai maaasahan an saiyang pigsasarigan,Asin kasingluya kan sapot* nin lawa an saiyang pigtitiwalaan.
15 Masandig siya sa saiyang harong, pero mabagsak iyan;Pupurbaran niyang mangapot diyan, pero dai iyan matagal.
16 Arog siya sa nababaribian na tinanom na naiinitan nin aldaw,Asin an saiyang mga sanga nakakalakop sa hardin.+
17 An saiyang mga gamot minapurupot sa tambak nin gapo;Naghahanap siya nin harong sa mga gapo.*
18 Pero pag siya ginabot* sa lugar kun sain siya nakatanom,Ninigaran siya kan lugar na iyan asin sasabihan, ‘Dai taka pa lamang nahiling.’+
19 Iyo, arog siya kaiyan mawawara;*+Dangan may iba nang maturubo hali sa alpog.
20 Siguradong dai isisikwal nin Diyos an mga pinapagdanay an saindang integridad;*Asin dai niya man susuportaran an* mga maraot,
21 Huli ta papangisihon ka niya girarayAsin papakurahawon sa kaugmahan.
22 An mga nauungis sa saimo mapapano nin kasusupgan,Asin an tolda kan mga maraot mawawara na.”
Mga Nota
^ Sa literal, “Ipinadara niya sinda sa kamot kan saindang pagrebelde.”
^ O “Mahiro siya para sa saimo.”
^ O “Asin sasabihon saimo an nasa puso ninda?”
^ O “gaho.”
^ Sa literal, “Iyo man an mga dalan.”
^ O “kan apostata; kan maraot.”
^ Sa literal, “harong.”
^ O “Naghihiling siya sa harong na gapo.”
^ O “hinalon.”
^ O “arog kaiyan matatapos an saiyang dalan.”
^ O “an mga daing katuyawan.”
^ Sa literal, “kakaputan an kamot kan.”
