HAPOT 6
Ano an Ihinula kan Bibliya Manungod sa Mesiyas?
PROPESIYA
“Ika, O Betlehem Efrata, . . . hali sa saimo maluwas para sa sako an magigin tagapamahala sa Israel.”
KAUTUBAN
“Pagkatapos na mamundag si Jesus sa Betlehem kan Judea kan panahon ni Herodes na hadi, uya! may mga astrologo hali sa Sirangan na nag-abot sa Jerusalem.”
PROPESIYA
“Pinagbaranga-banga ninda an mga bado ko, asin nagburunutan sinda para sa gubing ko.”
KAUTUBAN
“Kan maipako na si Jesus kan mga suldados sa harigi, kinua ninda an saiyang pang-ibabaw na mga bado saka binaranga iyan sa apat . . . Pero an pang-irarom na bado daing dinugtungan, huli ta hinabol an bilog na kahalabaan kaiyan. Kaya nag-urulay sinda: ‘Dai ta iyan paggision; magburunutan na sana kita kun kiisay iyan mapapaduman.’”
PROPESIYA
“Iniingatan niya an gabos niyang tulang; mayo nin nabari maski saro sa mga iyan.”
KAUTUBAN
“Pagrani ninda ki Jesus, nahiling ninda na gadan na siya, kaya dai na ninda binari an saiyang mga tabay.”
PROPESIYA
“Tinusok siya huli sa samong paglapas.”
KAUTUBAN
“An saro sa mga suldados tinusok siya nin garod sa saiyang tagiliran, asin buminulos tulos hali diyan an dugo saka tubig.”
PROPESIYA
“Itinao ninda an tangdan ko, 30 pidasong pirak.”
KAUTUBAN
“Dangan an saro sa Dose, an inaapod na Judas Iscariote, nagduman sa mga panginot na saserdote asin nagsabi: ‘Ano an itatao nindo sa sakuya pag trinaydor ko siya tanganing madakop nindo?’ Tinangro ninda siya nin 30 sinsilyong pirak.”
