Yu Ting Ol Tok Profet Bilong Mesaia i Soim Olsem Jisas Em i Mesaia?
Bekim bilong Baibel
Yes. Taim Jisas i stap long graun, em i truim planti tok profet bilong “Mesaia em dispela Lida,” na man husat bai stap “seivia bilong ol manmeri.” (Daniel 9:25; 1 Jon 4:14) Na bihain long indai bilong em tu, Jisas i wok yet long truim ol tok profet bilong Mesaia.—Buk Song 110:1; Aposel 2:34-36.
Wanem mining bilong dispela tok “Mesaia”?
Tok Hibru Ma·shiʹach (Mesaia) na tok Grik Khri·stos (Krais), mining bilong dispela tupela tok wantaim em, “Man God i Anointim.” Olsem na mining bilong dispela nem, “Jisas Krais” i makim “Jisas Man God i Anointim” o “Jisas em dispela Mesaia.”
Long taim bilong ol man bilong raitim Baibel, ol i save kapsaitim oil long het bilong man bilong makim em long mekim wanpela wok i gat bikpela wok i gat bikpela namba. (Wok Pris 8:12; 1 Samuel 16:13) God i makim Jisas long kamap Mesaia, em wok i gat bikpela namba. (Aposel 2:36) Tasol God i no kapsaitim oil long Jisas bilong anointim em, nogat. Em i anointim em long holi spirit.—Matyu 3:16.
Yu ting i mas i gat planti man bilong truim ol tok profet bilong Mesaia?
Nogat. Ol pinga prin bilong wanpela man i bilong dispela man tasol, olsem tasol truim bilong ol tok bilong Baibel i makim wanpela Mesaia tasol, o Krais. Tasol Baibel i givim tok lukaut olsem “ol giaman Krais na ol giaman profet bai kamap na ol bai wokim ol bikpela mirakel na ol narakain narakain samting bilong giamanim ol manmeri, na sapos ol inap, ol bai giamanim tu ol manmeri God i bin makim.”—Matyu 24:24.
Yu ting Mesaia bai kamap long bihain?
Nogat. Baibel i tok profet olsem Mesaia bai kamap long lain tumbuna pikinini bilong King Devit bilong Israel. (Buk Song 89:3, 4) Tasol lista i gat nem bilong ol lain tumbuna bilong ol Juda i go bek inap long Devit i lus, ating dispela lista i lus long taim ol Rom i kam bagarapim Jerusalem long 70 C.E. a Kirap long dispela taim na i kam, i no gat wanpela inap pruvim olsem em i bilong famili bilong king Devit. Tasol ol dispela lista i bin stap long taim bilong Jisas, na ol birua bilong em tu ol i save olsem em i bilong lain tumbuna bilong Devit.—Matyu 22:41-46.
Hamas tok profet bilong Mesaia i stap long Baibel?
I hatwok long kolim hamas namba stret bilong ol tok profet i stori long Mesaia. Olsem, pasin bilong kaunim namba bilong ol tok profet i stori long Mesaia i no wankain. Tok bilong Aisaia 53:2-7 i kolim sampela hap bilong ol tok profet bilong Mesaia. Sampela bai kolim ol tok profet i stap long ol dispela ves olsem wanpela tok profet tasol, na ol narapela bai kaunim olsem narapela narapela tok profet.
Sampela tok profet bilong Mesaia em Jisas i truim
Tok profet |
I stap long |
Truim |
|---|---|---|
Tumbuna pikinini bilong Abraham |
||
Lain tumbuna pikinini bilong Aisak, em pikinini bilong Abraham |
||
Bon long traib bilong Juda bilong Israel |
||
Em bilong lain bilong King Devit |
||
Wanpela yangpela meri i no bin slip wantaim man i karim em |
||
Bon long Betlehem |
||
Mama i kolim nem bilong em Emanuel b |
||
Em i kamap insait long famili i no gat nem |
||
Bihain long em i bon, ol i kilim i dai ol liklik pikinini |
||
Singautim em long lusim Isip na kam |
||
Ol i kolim em man Nasarin c |
||
Wanpela man bilong bringim tok i go pas long em |
||
God i makim em olsem Mesaia long 29 C.E. d |
||
God i tokaut olsem Jisas em i pikinini Man bilong Em |
||
Laikim tumas haus bilong God |
||
Man bilong autim gutnius |
||
Wok autim tok long Galili i olsem bikpela lait |
||
Man bilong wokim ol mirakel olsem Moses |
||
Olsem Moses, em i kamapim tingting bilong God |
||
Oraitim sik bilong planti man |
||
Em i no litimapim nem bilong em yet |
||
Mekim pasin sori long ol man i karim hevi |
||
Kamapim klia stretpela pasin bilong God |
||
Man Bilong Givim Gutpela Tingting Tru |
||
Tokaut long nem bilong Jehova |
||
Mekim ol tok piksa |
||
Wanpela Lida |
||
Planti man i no bilip long em |
||
Ston bilong mekim man i pundaun |
||
Ol man i no laikim em |
||
Ol man i heitim em nating |
||
Sindaun long donki na i go insait long Jerusalem olsem wanpela king |
||
Ol pikinini bai litimapim nem bilong em |
||
Em i kam long nem bilong Jehova |
||
Wanpela gutpela pren i putim em long han bilong ol birua |
||
Wanpela pren i kisim 30 silva koin na putim em long han bilong ol birua e |
||
Ol pren i lusim em |
||
Ol witnes giaman i sutim tok long em |
||
Em i pasim maus taim ol birua i sutim tok long em |
||
Ol i spet long em |
||
Ol i paitim het bilong em |
||
Ol i wipim em |
||
Em i no sakim ol man i paitim em |
||
Ol lida bilong gavman i pasim tok long kilim em |
||
Ol i nilim em long tupela han na tupela lek bilong em long diwai |
||
Ol man i pilai satu bilong kisim klos bilong em |
||
Ol man i tingim em olsem wanpela man bilong mekim sin |
||
Ol i tok bilas long em |
||
Em i karim pen na hevi bilong ol sinman |
||
I luk olsem God i lusim em |
||
Ol i givim wain i pait na wain ol i miksim wantaim marasin i gat pait long em i dring |
||
Nek bilong em i drai paslain long em i dai |
||
Em i putim strong bilong laip bilong em long han bilong God |
||
Em i givim laip bilong em na dai |
||
Em i givim laip bilong em olsem ofa bilong rausim sin |
||
Ol bun bilong em i no bruk |
||
Ol i sutim em |
||
Ol i planim em wantaim ol maniman |
||
Em i kirap bek |
||
Narapela man i kisim ples bilong man i putim em long han bilong ol birua |
||
Em i sindaun long rait han bilong God |
a Dispela nem Hibru Emanuel, mining bilong en em, “God i Stap Wantaim Mipela,” dispela i makim wok Jisas bai mekim olsem Mesaia. I stap bilong em long graun na ol wok em i mekim i kamapim klia olsem God i stap wantaim ol manmeri i lotuim em.—Luk 2:27-32; 7:12-16.
b McClintock na Strong’s Cyclopedia i tok: “Yumi ken save tru olsem ol buk i gat nem bilong ol lain Juda wantaim famili bilong ol i bin bagarap wantaim Jerusalem na i no paslain long dispela.”
c Dispela tok “Nasarin” i kam long wanpela tok Hibru neʹtser, mining bilong en “nupela kru.”
d Bilong kisim sampela save moa long ol yia em Baibel i stori long en long ol samting i kamap we i makim 29 C.E. olsem yia em Mesaia i kam, lukim apendiks “Tok Profet Bilong Daniel i Makim Taim Mesaia i Kam.”
e Dispela tok profet i stap long Buk Sekaraia, tasol Matyu em man bilong raitim Baibel, em i tok olsem dispela tok em i “tok bilong profet Jeremaia.” (Matyu 27:9) I luk olsem sampela taim ol i putim Buk Jeremaia i stap namba 1 buk bilong ol buk ol i kolim “ol Profet.” (Luk 24:44) Taim Matyu i kolim “Jeremaia,” em i tok long wanpela hap olgeta bilong ol dispela buk we Buk Sekaraia tu i insait long en.
Ating Yu Bai Laikim Tu
KIRAP!
Samting Baibel i Tok Bai Kamap Long Mesaia
Yu save olsem Baibel i bin tok profet olsem Mesaia bai dai paslain long em i pinisim wok bilong long graun?
OL TOK BILONG BAIBEL
Traim Baibel Stadi Kos Bilong Mipela
Mekim fri Baibel stadi kos wantaim wanpela tisa.