Memorial Bilong Tingim Dai Bilong Jisas
Mande, Mas 22, 2027
Wanpela taim long olgeta yia, ol Witnes Bilong Jehova i save mekim bung bilong tingim dai bilong Jisas olsem em i bin tok: “Yupela i mas mekim olsem yet bilong tingim mi.”—Luk 22:19.
Mipela i laik invaitim yu na famili bilong yu long kam long dispela bung.
Ol Askim Planti Man i Save Mekim
Husat inap kam?
Olgeta i welkam. Yu ken invaitim wanpela pren na bringim famili bilong yu.
Dispela program em hamas aua?
Program em 1-pela aua samting.
Bung bai kamap long wanem hap?
Toktok wantaim ol Witnes Bilong Jehova long hap bilong yu long kisim sampela save moa.
I gat pe o yu mas promis long kam?
Nogat.
Ol i save singaut long mani?
Nogat. Mipela i no save singaut long kisim mani long ol miting bilong mipela.—Matyu 10:8.
Ol i gat wanpela pasin stret bilong bilas?
Nogat. Tasol ol Witnes Bilong Jehova i save bilas long pasin i soim rispek long dispela spesel bung.
Wanem samting bai kamap long Memorial?
Wanpela naispela tok bai kamap i stori long risen na dai bilong Jisas i bikpela samting, na hau yumi ken kisim helpim long samting God na Krais i mekim bilong helpim yumi. Dispela program bai kirap na pinis wantaim singsing na beten.
Bilong kisim sampela save moa, lukim atikol “Wai na Bung Bilong Kaikai Bilong Bikpela Em Ol Witnes Bilong Jehova i Save Mekim i No Wankain Long Ol Narapela Lotu?”
Wanem taim bai ol Memorial i kamap bihain?
2027: Mande, Mas 22
2028: Sande, Epril 9
2029: Fonde, Mas 29
Ating Yu Bai Laikim Tu
MEMORIAL
Tingim Dai Bilong Jisas
Mipela i laik singautim yu long kam bung wantaim mipela long dispela bikpela bung. Bai yu kisim save long olsem wanem laip na indai bilong Jisas inap helpim yu yet.
OL BIKPELA TOK BILONG BAIBEL
Bilong Wanem Jisas i Dai?
Ating yu harim olsem em i dai bilong baim bek yumi long sin. Tasol olsem wanem dai bilong wanpela man tasol inap helpim planti milion manmeri?
MIPELA OL WITNES
Go Long Wanpela Miting
Kisim save long ol miting bilong mipela. Painim ples bilong miting i stap klostu long hap bilong yu.