SAMPELA aua tasol paslain long Jisas i dai, em i kamapim wanpela spesel bung bilong tingim indai bilong em. Nem bilong dispela bung em “kaikai bilong Bikpela.” (1 Korin 11:20) Jisas i soim olsem em i bikpela samting long mekim dispela bung, em i tok: “Yupela i mas mekim olsem yet bilong tingim mi.” (Luk 22:19) Olsem wanem? Yu laik bihainim tok bilong Jisas? Sapos olsem, orait yu bai tingim Memorial bilong indai bilong Jisas olsem nambawan bikpela de bilong yia.

Tasol yu mas mekim dispela bung long wanem de stret? Na yu ken mekim wanem na bai yu inap kliagut long mining bilong dispela nambawan bikpela bung? Dispela em ol askim olgeta wan wan Kristen i mas tingim gut.

Mekim Hamas Taim?

Long olgeta wan wan yia, yumi save tingim ol bikpela samting i bin kamap bipo. Olsem: Bikpela bagarap i bin kamap long Wol Treid Senta long Septemba 11, 2001, dispela i stap oltaim long tingting bilong ol manmeri long New York siti em famili bilong ol i bin dai long dispela bagarap, tasol taim dispela det stret i kamap long olgeta yia, em i bikpela samting moa long tingting bilong ol.

Olsem tasol, long taim bilong ol man i bin raitim Baibel, ol man i save tingim ol bikpela de long olgeta yia. (Esta 9:​21, 27) Jehova i tokim ol Israel olsem long olgeta yia ol i mas mekim bung bilong tingim mirakel em i bin wokim bilong kisim bek ol long kalabus long Isip. Baibel i kolim dispela bung olsem Pasova, na ol Israel i save mekim dispela bung wanpela taim long olgeta yia long det stret em Jehova i bin kisim bek ol.​—⁠Kisim Bek 12:​24-27.

Jisas i mekim pinis bung bilong Pasova wantaim ol aposel bilong em na em i kirapim dispela spesel bung bilong tingim indai bilong em. (Luk 22:​7-20) Ol i save mekim Pasova long olgeta wan wan yia. Dispela nupela bung i senisim Pasova, olsem na yumi mas tingim dispela bung wanpela taim long olgeta yia. Tasol long wanem det stret?

Long Wanem Det?

Bilong bekim dispela askim, yumi mas kliagut long tupela samting. Namba wan samting, long taim bilong ol man i bin raitim Baibel, nupela de i save kirap long apinun taim san i go daun pinis, na de i pinis taim san i go daun long de bihain. Olsem na wanpela de i kirap long apinun tru na i pinis long apinun tru bilong narapela de.​—⁠Wok Pris 23:⁠32.

 Namba tu samting, kalenda long taim bilong ol man i bin raitim Baibel i no wankain olsem kalenda bilong yumi long nau. Na tu, Baibel i no kolim nem bilong ol mun olsem Mas na Epril, nogat, em i kolim nem bilong ol mun olsem Adar na Nisan. (Esta 3:⁠7) Long kalenda bilong ol Juda, ol nupela mun i save kirap long taim mun i lait nupela. Ol i save mekim bung bilong Pasova long de namba 14 long namba wan mun long kalenda bilong ol, em mun Nisan. (Wok Pris 23:5; Namba 28:16) Long dispela de, Nisan 14, em det we ol Rom i nilim Bikpela bilong yumi Jisas Krais long diwai pos. Em i dai 1,545 yia bihain long ol i wokim namba wan kaikai bilong Pasova. Tru tumas, Nisan 14 em i wanpela bikpela det tru!

Tasol long kalenda bilong nau, wanem det i makim Nisan 14? I no hatwok long save long dispela det. Nisan 1 i kirap taim ol man i sindaun long Jerusalem i lukim nupela mun i kamap klostu long Mas 21 long kalenda bilong yumi. Sapos yumi kaunim 14 de bihain long dispela, bai yumi kamap long Nisan 14. Dispela det em taim bilong ful mun. Sapos yumi bihainim dispela pasin bilong Baibel long kaunim ol de, long dispela yia Nisan 14 bai kirap long taim san i go daun long Sande, Epril 17, 2011. a

Olsem na long dispela yia, ol Witnes Bilong Jehova i redim ol samting bilong bung wantaim olgeta man husat i laik tingim indai bilong Jisas. Ol i singautim yu long bung wantaim ol. Plis askim ol Witnes Bilong Jehova long ples bilong yu bilong save long wanem taim na ples ol bai mekim dispela bung. Ol i no inap mekim dispela bung long moningtaim o long apinun, nogat, ol bai mekim long taim san i go daun pinis. Bilong wanem? Long wanem, olsem Baibel i tok, kaikai bilong Pasova tu i bin kamap long apinun tru. (1 Korin 11:25) Long Sande, Epril 17, 2011, taim san i go daun pinis, em taim bilong tingim bung em Jisas i bin kirapim inap 1,978 yia i go pinis. Na tu, dispela de i makim kirap bilong Nisan 14, em de Jisas i bin i dai long en. Tru tumas, dispela em i de stret bilong tingim indai bilong Jisas.

Pasin Bilong Redim

Long nau yu ken mekim wanem bilong redi long dispela de i save kamap wanpela taim long olgeta yia? Wanpela rot em long tingim tingim long bel ol samting Jisas i bin mekim bilong helpim yumi. Buk Tru Tru Baibel i Tok Wanem?  b i helpim pinis planti milion manmeri long pilim tru samting em indai bilong Jisas i mekim bilong helpim ol.​—⁠Matyu 20:⁠28.

Narapela rot bilong redim bel bilong yumi long dispela spesel bung em long ritim stori bilong ol samting i kamap paslain long laspela de bilong Jisas hia long graun. Long ol pes i kamap bihain long dispela, yu bai lukim wanpela sat. Long han sut, i gat lista bilong ol skripsa bilong Baibel i kamapim wankain stori long ol samting i kamap paslain long indai bilong Jisas. Na dispela lista i kamapim tu ol sapta bilong buk Nambawan Man Tru i Winim Olgeta Narapela Man, c em ol sapta i stori long ol samting i bin kamap.

Long han kais, i gat ol det we ol dispela samting i bin kamap long en, na i skelim wantaim ol det bilong yia 2011. I gutpela yu lusim sampela haptaim long ritim sampela skripsa long ol de paslain long Kaikai Bilong Bikpela. Dispela bai helpim yu long redi long nambawan bikpela de bilong yia.

[Ol Futnot]

[Rait long pes 22]

TINGIM INDAI BILONG JISAS SANDE, EPRIL 17, 2011

 [Sat/​Ol Piksa long pes 23, 24]

(Bilong save ol dispela rait i stap we long pes, lukim buk o magasin)

LASPELA WIK

2011 Tunde Epril 12

▪ Sabat

□ Jon 11:55–12:1

□ gt 101, par. 2-4 d

NISAN 9 (kirap long san i go daun)

Long taim bilong raitim Baibel, nupela de i kirap taim san i go daun pinis, na i pinis long wankain taim long de bihain

▪ Kaikai wantaim lepraman Saimon

▪ Maria i kapsaitim sanda long Jisas

▪ Ol Juda i kam lukim Jisas na Lasarus

□ Matyu 26:6-13

□ Mak 14:3-9

□ Jon 12:2-11

□ gt 101, par. 5-9

2011 Trinde Epril 13

▪ Em i go insait long Jerusalem olsem king

▪ Jisas i skulim ol man long tempel

□ Matyu 21:1-11, 14-17

□ Mak 11:1-11

□ Luk 19:29-44

□ Jon 12:12-19

□ gt 102

NISAN 10 (kirap long san i go daun)

▪ Em i slip long Betani

2011 Fonde Epril 14

▪ Moningtaim tru em i go long Jerusalem

▪ Em i rausim ol bisnisman long tempel

▪ Jehova i stap long heven na i toktok

□ Matyu 21:12, 13, 18, 19

□ Mak 11:12-19

□ Luk 19:45-48

□ Jon 12:20-50

□ gt 103, 104

NISAN 11 (kirap long san i go daun)

2011 Fraide Epril 15

□ Mekim ol tok piksa na skulim ol man long tempel

□ Tokaut long ol pasin nogut bilong ol Farisi

□ Lukim wido i givim kontribiusen

□ Tok profet long Jerusalem bai bagarap

□ Em i stori long mak bilong em i kam i stap

□ Matyu 21:19–25:46

□ Mak 11:20–13:37

□ Luk 20:1–21:38

□ gt 105 i go 112, par. 1

NISAN 12 (kirap long san i go daun)

2011 Sarere Epril 16

▪ Em i malolo wantaim ol disaipel long Betani

▪ Judas i stretim rot bilong kamapim Jisas long ol birua

□ Matyu 26:1-5, 14-16

□ Mak 14:1, 2, 10, 11

□ Luk 22:1-6

□ gt 112, par. 2-4

 NISAN 13 (kirap long san i go daun)

2011 Sande Epril 17

▪ Pita na Jon i redim ol samting bilong Pasova

▪ Jisas na 10-pela aposel i bihainim ol long apinun tru

□ Matyu 26:17-19

□ Mak 14:12-16

□ Luk 22:7-13

□ gt 112, par. 5 i go 113, par. 1

NISAN 14 (kirap long san i go daun)

▪ Mekim Pasova

▪ asim lek bilong ol aposel

▪ Salim Judas i go

▪ Kirapim Memorial bilong indai bilong em

□ Matyu 26:20-35

□ Mak 14:17-31

□ Luk 22:14-38

□ Jon 13:1–17:26

□ gt 113, par. 2 i go long pinis bilong 116

biknait

2011 Mande Epril 18

▪ Judas i kamapim em na ol i holim em long gaden Getsemani

▪ Ol aposel i ranawe

▪ Sanhedrin i kotim em

▪ Pita i tok em i no save long Jisas

□ Matyu 26:36-75

□ Mak 14:32-72

□ Luk 22:39-62

□ Jon 18:1-27

□ gt 117 i go long pinis bilong 120

▪ Sanap gen long ai bilong Sanhedrin

▪ Ol i kisim em i go long Pailat, na long Herot, na long Pailat gen

▪ Ol i tok em i mas i dai na ol i nilim em long diwai

▪ Em i dai long 3 klok apinun

▪ Ol i rausim bodi na planim

□ Matyu 27:1-61

□ Mak 15:1-47

□ Luk 22:63–23:56

□ Jon 18:28-40

□ gt 121 i go 127, par. 7

NISAN 15 (kirap long san i go daun)

▪ Sabat

2011 Tunde Epril 19

▪ Pailat i orait long sampela soldia i was long matmat bilong Jisas

□ Matyu 27:62-66

□ gt 127, par. 8-9

NISAN 16 (kirap long san i go daun)

2011 Trinde Epril 20

▪ Jisas i kirap bek

▪ Em i kamap long ol disaipel

□ Matyu 28:1-15

□ Mak 16:1-8

□ Luk 24:1-49

□ Jon 20:1-25

□ gt 127, par. 10 i go 129, par. 10

[Futnot]