Jeff, em wanpela helti papa i gat 38 krismas. Em i kisim famili bilong em i go kaikai long wanpela restron long Pittsburgh, Pennsylvania, long Amerika. Wanpela mun bihain, Jeff i dai, long wanem, liva bilong em i solap. Wanem samting i bagarapim liva bilong em? Em spring anian long kaikai bilong em—dispela anian i gat sik hepataitis A long en.

LONG wanpela ples bilong ol waitman, ol manmeri i save tromoi bikpela mani bilong kaikai long ol restron. Tasol long dispela kantri yet, ol kaikai bilong restron i as bilong sampela sik i save kamap long rot bilong ol kaikai.

Sapos yu laik kaikai long wanpela restron, narapela man i baim ol kaikai bilong kukim, klinim haus kuk, na kukim kaikai. Tasol yu yet i ken skelim wanem hap bai yu kaikai, wanem samting bai yu kaikai, na hau bai yu pulapim ol hap kaikai em yu bai kisim i go long haus.

● Lukluk gut na skelim.

Daiane, i stap long Brasil, em i tok: “Taim mipela i go insait long restron, mi save lukluk na skelim gut ol tebol, laplap bilong tebol, ol plet spun samting sapos ol i klin, na tu, ol wokman bilong restron sapos ol i bilas gut na ol i klin. Sapos nogat, mipela i save go long narapela restron.” Long sampela kantri, ol wokman bilong helt i save go sekim ol restron na raitim ripot olsem ol dispela restron i klin o nogat, na ol bai putim toksave bai ol pablik i ken ritim.

● Was gut long ol hap kaikai.

Lain U.S. Food and Drug Administration, i tok: “Sapos yu bai go long haus 2-pela aua samting bihain long yu lusim restron, orait no ken kisim ol hap kaikai i go bek long haus.” Sapos yu gat ol hap kaikai, i gutpela long go stret long haus na putim long frits, moa yet sapos ples i hat tru inap olsem 32 digri Selsias.

Sapos yu bihainim 4-pela rot em ol dispela stori i kamapim, yu inap lukautim yu yet na kaikai i no givim sik long yu.

[Blok/Piksa long pes 7]

LAINIM OL PIKININI: “Mipela i skulim ol pikinini bilong mipela long no ken kisim ol kaikai inap givim sik long ol.”—Noemi, Filipins.