Baibel i tokim yumi long tingim ol bratasista i gat bikpela krismas olsem papa na mama, na ol yangpela olsem brata na susa. (Ritim 1 Timoti 5:1, 2.) Ol brata i mas soim olsem ol i tingim na rispektim ol sista.

Brata i no ken tok gris o mekim samting we bai mekim sista i tingting planti o pilim sem taim em i lukim brata. (Jop 31:1) Singel brata i no ken mekim wanpela samting long pilai long filings bilong singel sista na bai em i ting olsem brata i gat laik long em, tasol tru tru brata i no laik prenim em.

Long gutpela pasin ol elda i mas putim yau long askim o tingting em wanpela sista i kamapim long samting we em i pilim olsem ol i mas stretim. Na tu, ol elda i mas tingim gut ol meri em ol i no gat man long lukautim ol.—Ru 2:8, 9.

PILAIM VIDIO SOIM BIKPELA PASIN LAIKIM INSAIT LONG KONGRIGESEN—LONG OL WIDO NA PIKININI I NO GAT PAPA, NA BIHAIN BEKIM OL DISPELA ASKIM:

• Ol bratasista long kongrigesen i mekim wanem bilong soim bikpela pasin laikim long Sista Myint?

• Olsem wanem pasin laikim bilong ol bratasista long kongrigesen i autim tok long ol narapela long ples?

• Olsem wanem pasin laikim bilong ol bratasista long kongrigesen i helpim ol pikinini meri bilong Sista Myint?

Yu ken mekim wanem ol samting bilong soim olsem yu tingim na laikim ol sista long kongrigesen?