Ol nupela marit i laik bai amamas ol i pilim long de bilong weding bai stap oltaim. Na dispela amamas inap stap oltaim. Ol Kristen husat i bin marit longpela taim na ol i wok strong long bihainim ol tok bilong Baibel, ol i save olsem dispela inap kamap.

1. Baibel i givim wanem edvais long ol maritman?

Jehova i makim maritman olsem het bilong famili. (Ritim Efesus 5:23.) Jehova i laik bai man i mekim ol disisen we inap helpim famili. Baibel i givim edvais long ol maritman: “Yupela i mas laikim yet ol meri bilong yupela.” (Efesus 5:25) Wanem mining bilong dispela tok? Maritman i gat pasin laikim bai mekim gutpela pasin long meri bilong em, taim ol i stap long haus, na tu, long ai bilong ol man. Em i banisim em long ol samting we inap bagarapim em, na lukautim em long ol samting bilong skin, tingting, na bel. (1 Timoti 5:8) Bikpela samting moa, em i helpim meri bilong em long pas gut wantaim God. (Matyu 4:4) Olsem, em i ken beten na ritim Baibel wantaim meri bilong em. Taim maritman i laikim na lukautim gut meri bilong em, em i strongim pasin pren bilong em yet wantaim Jehova.​—1 Pita 3:7.

2. Baibel i givim wanem edvais long ol maritmeri?

Baibel i tok olsem maritmeri “i mas i gat bikpela rispek long man bilong em.” (Efesus 5:33) Hau em i ken mekim olsem? Em i mas tingim ol gutpela pasin bilong man bilong em na ol wok em i mekim bilong lukautim em na ol pikinini bilong ol. Na tu, em i soim rispek taim em i sapotim ol disisen man i mekim na toktok wantaim em long gutpela pasin, na taim em toktok wantaim ol narapela em i stori long ol gutpela pasin bilong man bilong em maski sapos man i no lotuim God.

3. Olsem wanem tupela marit i ken strongim marit bilong ol?

Baibel i tok long ol marit olsem: “Tupela bai kamap wanpela bodi.” (Matyu 19:5) Dispela i makim olsem ol i mas wok strong long sakim ol samting we inap mekim na pasin bilong ol long laikim narapela narapela i no strong moa. Ol i mekim olsem long rot bilong stap wantaim na toktok gut wantaim long olgeta de na long pasin laikim ol i kamapim ol tingting na filings bilong ol long narapela narapela. Ol i no larim wanpela samting o wanpela man i stap nambawan long poroman marit bilong ol​—Jehova tasol i stap nambawan tru long ol. Ol i mas was gut, nogut ol i kirap pas gut moa wantaim wanpela i no poroman marit bilong ol.

 KISIM SAMPELA SAVE MOA

4. Ol maritman​—laikim na lukautim gut ol meri bilong yupela

5. Ol maritmeri​—laikim na rispektim ol man bilong yupela

Baibel i kirapim maritmeri long rispektim man bilong em maski man i lotuim Jehova o nogat. Ritim 1 Pita 3:1, 2, na stori long ol dispela askim:

• Sapos man bilong yu i no wanbilip, ating yu laik bai em tu i lotuim Jehova. Yu ting wanem gutpela rot tru bilong helpim em​—yu mas autim tok long em olgeta taim, o yu mas mekim gutpela pasin na soim rispek long em? Bilong wanem?

Ol man na meri marit i ken mekim ol gutpela disisen wantaim. Tasol sampela taim ating meri bai no wanbel long disisen bilong man bilong em. Ating em i ken kamapim ol tingting bilong em long pasin isi na pasin rispek, tasol em i mas  save olsem Jehova i givim wok long man bilong skelim na makim wanem samting i gutpela bilong helpim famili. So em i mas traim bes long sapotim disisen bilong man. Taim em i mekim olsem em i helpim famili long stap amamas. Ritim 1 Pita 3:3-5, na stori long dispela askim:

• Jehova i pilim olsem wanem taim maritmeri i soim rispek long man bilong em?

6. Yupela inap stretim ol hevi i kamap insait long marit bilong yupela

 OL BIKPELA POIN

Man na meri marit inap stap amamas sapos ol i laikim narapela narapela, rispektim narapela narapela, na bihainim ol stiatok bilong Baibel.

Riviu

• Maritman i ken mekim wanem bilong helpim marit bilong ol long stap amamas?

• Maritmeri i ken mekim wanem bilong helpim marit bilong ol long stap amamas?

• Sapos yu marit, wanem stiatok bilong Baibel inap helpim yu long strongim marit bilong yu?