LESEN 25
I Gat Wanem As na God i Wokim Yumi?
Baibel i tok yumi ol man i save ‘stap sotpela taim tasol na laip bilong yumi i pulap long kain kain hevi.’ (Jop 14:1) Yu ting dispela em laik bilong God long yumi? Sapos nogat, i gat wanem as na em i wokim yumi? Olsem wanem? Em bai inapim dispela laik bilong em? Skelim tok Baibel i mekim long dispela.
1. Jehova i laik bai yumi stap olsem wanem?
Jehova i laik bai yumi stap gut na stap amamas. Taim em i wokim namba 1 man na meri, em i putim tupela long wanpela naispela ples paradais, em gaden Iden. Na “God i blesim ol, na God i tokim ol: ‘Kamapim ol pikinini na kamap planti na go sindaun long olgeta hap bilong graun na bosim olgeta samting i stap long en.’” (Stat 1:28) Jehova i laik bai ol i kamapim ol pikinini, mekim graun olgeta i kamap wanpela ples paradais, na lukautim ol animal. Em i laik bai olgeta manmeri i gat gutpela helt na i stap oltaim oltaim.
Maski ol samting i no kamap olsem God i laikim, a laik bilong em i no senis. (Aisaia 46:10, 11) Em i laik bai ol man i bihainim tok bilong em i stap gut na stap amamas oltaim.—Ritim Revelesen 21:3, 4.
2. Yumi ken mekim wanem na bai laip bilong yumi i gat as tru bilong en long nau?
Jehova i wokim yumi na putim laik bilong “kisim save long God” long bel bilong yumi, em olsem yumi gat laik long kisim save long em na lotuim em. (Ritim Matyu 5:3-6.) Em i laik bai yumi kamap pren bilong em, “na bihainim rot em i makim, na . . . laikim em,” na givim “bel olgeta bilong [yumi]” long mekim wok bilong em. (Lo 10:12; Buk Song 25:14) Taim yumi mekim olsem, yumi bai stap amamas tru maski yumi gat planti hevi. Taim yumi lotuim Jehova, yumi pilim olsem laip bilong yumi i gat as tru bilong en.
KISIM SAMPELA SAVE MOA
Kisim save long bikpela pasin laikim Jehova i soim long yumi taim em i redim dispela graun bilong yumi stap long en na tok bilong em long Baibel i skulim yumi long i gat wanem as na em i wokim yumi.
3. Jehova i laik bai ol man i gat gutpela sindaun
Pilaim VIDIO, na stori long dispela askim.
-
Wai na God i wokim dispela naispela graun?
Ritim Eklisiastis 3:11, na stori long dispela askim:
-
Dispela i givim wanem skul long yu long Jehova?
4. Laik bilong Jehova i no senis
Ritim Buk Song 37:11, 29 na Aisaia 55:11, na stori long dispela askim:
-
Olsem wanem yumi save olsem laik bilong Jehova long yumi i no senis?
Ol man inap stretim wanpela haus i bagarap. Olsem tasol, dispela graun em ol man i no lukautim, God bai stretim bek bilong ol man i laikim em
5. Taim yumi lotuim Jehova, laip bilong yumi i gat as tru bilong en
Taim yumi save long as tru bilong laip, dispela inap mekim yumi stap amamas. Pilaim VIDIO, na stori long dispela askim.
-
Taim Terumi i kisim save long as tru bilong laip, dispela i helpim em olsem wanem?
Ritim Eklisiastis 12:13, na stori long dispela askim:
-
Jehova i mekim planti samting bilong helpim yumi, so hau bai yumi soim olsem yumi tenkyu long em?
SAPOS WANPELA I ASKIM: “Yumi stap bilong mekim wanem?”
-
Bai yu bekim olsem wanem?
OL BIKPELA POIN
Jehova i laik bai yumi stap gut na stap amamas oltaim long graun. Taim yumi lotuim em long bel olgeta bilong yumi, laip bilong yumi bai i gat as tru bilong en—long nau tu.
Riviu
-
Wanem laik bilong Jehova long pastaim long Adam na Iv?
-
Olsem wanem yumi save olsem laik bilong God long ol man i no senis?
-
Hau bai yu kisim save long as tru bilong laip?
MEKIM WOK PAINIMAUT
Kisim save long as na yumi ken bilip tru olsem gaden Iden i bin stap tru.
“Gaden Iden—Stori Nating o Stori Tru?” (Wastaua, Janueri 1, 2011)
Kisim save long risen na yumi bilip tru olsem graun bai i stap oltaim oltaim.
Skelim tok Baibel i mekim long hau yu inap kisim save long as tru bilong laip bilong yu.
Lukim hau wanpela man i ting em i gat olgeta samting tasol em i luksave olsem em i sot long wanpela samting long laip bilong em.
a Long neks lesen bai yu kisim save long wanem samting i kamap na yumi no gat dispela kain sindaun.
Ating Yu Bai Laikim Tu
OL ASKIM PLANTI MAN I SAVE MEKIM
Baibel Stadi Kos Em Ol Witnes Bilong Jehova i Save Mekim Em Wanem Samting?
Ol Witnes Bilong Jehova i mekim fri Baibel stadi program, yu ken yusim wanpela trenslesen bilong Baibel em yu yet laikim. Yu ken invaitim famili olgeta bilong yu o ol pren bilong yu long joinim yu long stadi.
