Ol samting yu ken mekim na dispela Baibel stadi kos bai helpim yu gut
Pastaim stori long ol fes pes bilong buk, na bihain pilaim VIDIO.
FES HAP
Bilong redim wan wan lesen, yu mas ritim fes hap. Ol askim i stap long strongpela blakpela rait (A) na ol skripsa (B) i kamapim ol bikpela poin. Tingim olsem sampela skripsa ol i makim olsem “ritim.”
NAMEL HAP
Ol tok i stap (C) aninit long Kisim Sampela Save Moa i stori long ol samting bai kamap long dispela lesen. Ol liklik het tok (D) i kamapim ol bikpela poin. Yu na tisa i ken ritim ol skripsa, bekim ol askim, na lukim ol vidio.
OL VIDIO na OL ODIO i stap long lesen i kamapim sampela save moa long dispela lesen. Sampela vidio i kamapim ol stori tru bilong ol man. Ol narapela em ol soim bilong ol samting o ol man na i kamapim ol samting tru i save kamap.
Skelim ol piksa na ol liklik tok aninit long en (E), na tingim hau bai yu bekim dispela hap Sampela Man i Tok (F).
LASPELA HAP
Ol Bikpela Poin na Riviu (G) i stap long ol pinis bilong ol lesen. Raitim det em lesen i pinis long en. Mak Yu Laik Winim (H) i helpim yu long putim mak yu laik wok long en. Mekim Wok Painimaut (I) i gat sampela ekstra infomesen yu ken ritim o watsim.
Rot bilong painim ol ves bilong Baibel
Baibel i gat 66 liklik buk long en. Ol i brukim long tupela hap: Ol Skripsa Hibru-Arameik (“Olpela Testamen”) na Ol Skripsa Grik (“Nupela Testamen”).
Long dispela Baibel stadi kos, taim buk i kolim skripsa, nem bilong buk bilong Baibel i stap pastaim (A), fes namba bihain long en i makim sapta (B), na namba bihain long en i makim ves o ol ves (C).
Olsem, Jon 17:3 i makim Buk Jon, sapta 17, ves 3.
Ating Yu Bai Laikim Tu
OL ASKIM PLANTI MAN I SAVE MEKIM
Baibel Stadi Kos Em Ol Witnes Bilong Jehova i Save Mekim Em Wanem Samting?
Ol Witnes Bilong Jehova i mekim fri Baibel stadi program, yu ken yusim wanpela trenslesen bilong Baibel em yu yet laikim. Yu ken invaitim famili olgeta bilong yu o ol pren bilong yu long joinim yu long stadi.
