Buk Song 42:1-11
Tok i go long dairekta. Maskil* bilong ol pikinini man bilong Kora.+
42 Dia i save dai tru long dring wara,Na olsem tasol, God, mi laikim tumas bai mi stap klostu long yu.
2 God, yu God i gat laip, na mi laikim yu tumas, olsem man em nek bilong em i drai na em i laik dring wara.+
God, wanem taim bai mi ken i kam na sanap long ai bilong yu?+
3 Aiwara bilong mi i olsem kaikai bilong mi long san na long nait;Long olgeta de ol manmeri i save tok bilas long mi olsem: “God bilong yu i stap we?”+
4 Bel bilong mi i hevi tru taim mi tingim taim bipo,Taim mi save go long haus bilong God wantaim planti manmeri;Mi save gopas long ol. Na mipela i save amamas na wokabaut i go;Mipela bikpela lain i singim ol song bilong tok tenkyu,Long wanpela bikpela bung.+
5 Wai na mi pilim bel hevi oltaim?+
Wai na bel bilong mi i no stap isi?
Mi mas wet long God,+Em i Nambawan Seivia bilong mi, olsem na mi bai wok yet long preisim em.+
6 God bilong mi, bel bilong mi i hevi tru.+
Taim mi stap long graun bilong Jordan na long het bilong Maunten Hermon,Na long Maunten Misa,*Mi tingim yu.+
7 Na nois bilong wotafol i mekim naWara i dip tumas i singaut long narapela wara i dip tumas.
Ol hevi i karamapim mi olsem ol biksi bilong yu i bruk na karamapim nambis.+
8 Long san Jehova bai mekim gutpela pasin laikim* long mi,Na long nait, mi bai singsing long em, na mi bai beten long God i save givim laip long mi.+
9 God, em i olsem bikpela ston i haitim mi, mi bai tokim em olsem:
“Wai na yu lusim tingting long mi?+
Wai na ol birua bilong mi i mekim nogut long mi na mi stap wantaim bel hevi?”+
10 Ol birua bilong mi i birua nogut tru long mi* na ol i tok bilas long mi;Long olgeta de ol i save tok bilas long mi olsem: “God bilong yu i stap we?”+
11 Wai na mi pilim bel hevi oltaim?
Wai na bel bilong mi i no stap isi?
Mi mas wet long God,+Em i Nambawan Seivia na God bilong mi, olsem na mi bai wok yet long preisim em.+
