Buk Song 127:1-5
Singsing Bilong Ol Man i Go Antap Long Taun. Singsing bilong Solomon.
127 Sapos Jehova i no wokim haus,Orait ol kapenta i wok hat nating long wokim haus.+
Sapos Jehova i no was long taun,+Orait ol wasman i was nating.
2 Sapos God i no blesim yupela, orait yupela i wok hat nating, maski yupela kirap long moningtaim,Na yupela i wok i go inap long nait,Na yupela wok hat bilong kisim kaikai bilong yupela.
Em i save lukautim ol manmeri em i laikim na ol i slip gut.+
3 Jehova i givim yupela ol pikinini man olsem presen;+Ol i gutpela blesing tru yupela i kisim long em.+
4 Ol pikinini man bilong yangpela man,+Ol i olsem spia i stap long han bilong wanpela soldia.
5 Man i pulapim beg bilong spia bilong em long ol, em i ken amamas.+
Ol bai i no inap sem,Long wanem, ol bai toktok wantaim ol birua long geit bilong taun.
