Buk Song 122:1-9
Singsing Bilong Ol Man i Go Antap Long Taun. Singsing bilong Devit.
122 Mi amamas taim ol i tokim mi olsem:
“Yumi go long haus bilong Jehova.”+
2 Jerusalem, nau mipela i kamap pinisNa sanap insait long ol geit bilong yu.+
3 Ol i wokim taun JerusalemNa ol haus bilong en i stap klostu klostu.+
4 Ol lain i go antap long en,Em ol lain bilong Ja,*Bilong tok tenkyu long nem bilong Jehova,+Olsem lo em i bin givim long lain Israel.
5 Ol i putim ol sia king bilong mekim kot long dispela hap,+Em ol sia king bilong lain famili bilong Devit.+
6 Yupela i mas prea long bel isi i ken i stap long Jerusalem.+
Ol man i laikim yu, O taun, ol i ken i stap gut.
7 Bel isi i ken i stap insait long strongpela banis bilong yu,Na ol manmeri i stap insait long strongpela taua bilong yu, ol i ken i stap gut.
8 Mi tingim ol brata bilong mi na ol pren bilong mi, na mi tok olsem:
“Bel isi i ken i stap long yu.”
9 Mi tingim haus bilong Jehova, God bilong yumi,+Olsem na mi prea long gutpela samting i ken painim yu.
Ol Futnot
^ “Ja” em sotpela wei bilong kolim nem Jehova.
