Mulongo Wakubala Bbaibbele
Bbaibbele lijisi busongo bwiinda kubota alimwi bugwasya mubuumi. Ikuti kamulibala lyoonse akuzinzibala kuyeeya nzyomubala alimwi akuzibelesya, ‘muyoozwidilila munzila zyanu.’ (Joshua 1:8; Intembauzyo 1:1-3) Alimwi muyoomuzyiba Leza a Mwanaakwe, Jesu, mpoonya luzyibo oolo luyoomusololela kulufwutuko.—Johane 17:3.
Ino mweelede kwaatobelanya buti kwaabala mabbuku aamu Bbaibbele? Mulakonzya kulisalila. Mulongo ooyu wakubala Bbaibbele ulamugwasya kwaabala mabbuku aamu Bbaibbele kweelana ambwaatobelana naa kweelana amakani. Mucikozyanyo, mulakonzya kusala kubala zibeela zyaamba makani aajatikizya Leza mbwaakali kweendelezya bana Israyeli bansiku. Mulakonzya kubala zibeela zimwi kutegwa mwiiye mboyakatalika mbungano ya Banakristo bamumwaanda wamyaka wakusaanguna alimwi amboyakakomena. Aboobo kuti abuzuba kamubala zyaandaano kweelana ambozibikkidwe mulakonzya kulibala Bbaibbele lyoonse mumwaka omwe.
Kufwumbwa naa muyandaula mulongo wakubala Bbaibbele buzuba abuzuba, mwaka omwe, naa mutalika buya, mulongo ooyu uyoomugwasya. Amukkope pepa eeli likonzya kusimbwa litondezya mulongo wakubala Bbaibbele, mpoonya akutalika kubala sunu.
Andiza Inga Mwaakkomanina Ayaaya
NGAZI YAMULINDIZI
Kubala Bbaibbele: Ino Inga Ndatalika Buti?
Nzila zyosanwe ziyakupa kuti cuube-ube kubala Bbaibbele alimwi akukkomanisya kapati.
MIBUZYO YAMU BBAIBBELE YAINGULWA
Ncinzi Cikonzya Kumugwasya Kumvwisya Ncolyaamba Bbaibbele?
Tacikwe makani abukkale bwanu, mulakonzya kuumvwisya mulumbe uuli mu Magwalo Aasalala.
BAKUBUSI BALABUZYA
Ino Bbaibbele Inga Lyandigwasya Buti?—Cibeela 1: Kulimvwisya Kabotu Bbaibbele
Ikuti mwajana ciyobwedo calubono cansiku, sena inga tiimwayanda kuzyiba izili mukati? Bbaibbele lili buyo mbuli ciyobwedo calubono eeco. Lijisi mbono zinji.
