Ciibalusyo Calufwu lwa Jesu
Muhulo, March 22, 2027
Ciindi comwe amwaka, Bakamboni ba Jehova balalwiibaluka lufwu lwa Jesu, mbubwenya mbwaakalailila kuti: “Kamucita oobu lyoonse kutegwa kamundiyeeya.”—Luka 22:19.
Twamutamba nywebo amukwasyi wanu kuti mukajanike kumuswaangano ooyu.
Mibuzyo Iivwula Kubuzyigwa
Mbaani bakonzya kujanika?
Bantu boonse buyo balakonzya kujanika. Mulaangulukide kutamba balongwe alimwi akuletelezya mukwasyi wanu.
Ino pulogilamu itola ciindi cilamfwu buti?
Itola woola lyomwe.
Ino iyoocitikila kuli?
Amubandike a Bakamboni ba Jehova bakubusena ooko kutegwa bamwaambile.
Sena mweelede kubbadela naa kupanga cizuminano cimwi kutegwa mukajanike?
Peepe.
Sena kunoobwezelelwa milumbo?
Peepe. Kumiswaangano yesu kunyina milumbo iibwezelelwa.—Matayo 10:8.
Sena kuli mbobeelede kusama bantu ibayoojanika?
Peepe. Nokuba boobo, Bakamboni ba Jehova balasolekesya kusama munzila iitondezya bulemu kubuzuba oobu buyandika kapati.
Ncinzi ciyoocitika ku Ciibalusyo?
Kumatalikilo alimwi akumamanino aamuswaangano, kuyakwiimbwa lwiimbo, mpoonya mubelesi wa Bakamboni ba Jehova uyoopaila. Pulogilamu eeyi ilabikkilizya amakani aapandulula mboluyandika lufwu lwa Jesu ambotugwasyigwa azintu nzyaakatucitila Leza a Kristo.
Kutegwa muzyibe zinji, amubone cibalo cakuti “Nkaambo Nzi Bakamboni ba Jehova Ncobacita Mulalilo wa Mwami Munzila Iindene Azikombelo Zimbi?”
Ndilili Ziibalusyo zyakumbele noziyoocitwa?
2027: Muhulo, March 22
2028: Nsondo, April 9
2029: Bwane, March 29
Andiza Inga Mwaakkomanina Ayaaya
CIIBALUSYO
Amuyeeye Lufwu lwa Jesu
Twamutamba kuti mukaswaangane andiswe kumuswaangano ooyu waalubazu. Muyooiya kujatikizya buumi alimwi alufwu lwa Jesu mbozikonzya kumugwasya.
NJIISYO ZYAMU BBAIBBELE ZIGWASYA
Ino Jesu Wakafwida Nzi?
Kweelede kuti mwakamvwa kuti wakafwa akaambo kazibi zyesu. Pele sena lufwu lwamuntu omwe lulakonzya kugwasya bantu banji?
KUJATIKIZYA NDISWE
Amujanike ku Miswaangano
Amwiizyibe miswaangano yesu. Amuzyibe nkoicitilwa miswaangano kubusena nkomukkala.