Ciindi nondilimvwa kubula mpindu, Jehova ulandigwasya kwiinda munyimbo zijanika a JW Broadcasting^®.—Lorraine, U.S.A.

Kuzwa kaindi, Banakristo bali kwiimba nyimbo kutegwa batembaule Leza. (Kol. 3:16) Ikuti mwaziswata nyimbo eezyi, zilakonzya kumugwasya noliba leelyo nomutajisi bbuku lyanyimbo, fooni naa tabbuleti. Amusole kubelesya nzila eezyi zitobela kutegwa zimugwasye kuziswata.

• Amwaabale cakulomya majwi aali munyimbo kutegwa mumvwisye ncaamba. Ikuti mwacimvwisya ncocaamba cintu cimwi, ncuubauba kuciyeeya. Majwi aanyimbo zyesu zyoonse, kubikkilizya anyimbo zimbi alimwi anyimbo zyabana alajanika a jw.org. Mucibeela cakuti Laibbulali, amuunke aalembedwe kuti Nyimbo.

• Amwaalembe buya akapepa majwi aali munyimbo. Kucita boobo kulakonzya kumugwasya kwaaswata.—Dt. 17:18.

• Amwiinduluke cakupozya. Amubale naa kwiimba nyimbo cakwiinduluka-induluka.

• Amulisunke kutegwa mubone naa mwaaswata. Amusole kwaayeeya majwi kakunyina kulanga mpaalembedwe, mpoonya amwaalange kutegwa mubone ngomwakonzya kuswata.