Ncinzi Cikonzya Kupa Kuti Kube Lukkomano Mumukwasyi?
Sena muyeeya kuti . . .
-
nduyando?
-
mali?
-
ncintu cimbi buyo?
NCOLYAAMBA BBAIBBELE
“Ibakkomene mbaabo baswiilila jwi lya Leza akucita ncolyaamba!”—Luka 11:28, Busanduluzi Bwanyika Mpya.
MBOMUKONZYA KUGWASYIGWA
Kujana luyando lwini-lwini.—Baefeso 5:28, 29.
Kuba abulemu bwini-bwini.—Baefeso 5:33.
Kuba alukamantano lwini-lwini.—Marko 10:6-9.
SENA NCOBENI TULAKONZYA KUSYOMA NCOLYAAMBA BBAIBBELE?
Inzya, akaambo katwaambo ootu tobilo:
-
Leza ngowakatalisya mukwasyi. Bbaibbele lyaamba kuti ‘mukwasyi uuli woonse wakatambula zina lyanguwo’ kuzwa kuli Jehova Leza. (Baefeso 3:14, 15) Munzila imwi, mukwasyi nkouli akaambo kakuti Jehova wakautalisya. Nkaambo nzi kaambo aaka ncokali kapati?
Mucikozyanyo: Ikuti naa mulya cakulya cinona mpoonya muyanda kuzyiba zintu izyakabelesyegwa kujika cakulya eeco, nguni ngomweelede kubuzya? Cakutadooneka, inga mwabuzya muntu wakacijika.
Mbubwenya buyo, kutegwa tuzyibe cikonzya kupa kuti tukkomane mumukwasyi, tweelede kubuzya Jehova, Sikutalisya mukwasyi.—Matalikilo 2:18-24.
-
Leza ulamubikkila maano. Mikwasyi inga yacita kabotu kutobela lulayo ndwapa Jehova kwiinda mu Jwi lyakwe. Ino nkaambo nzi? “Nkaambo ulamubikkila maano.” (1 Petro 5:6, 7) Jehova uyanda kuti kamupona kabotu—alimwi lulayo lwakwe lulabeleka lyoonse!—Tusimpi 3:5, 6; Isaya 48:17, 18.
INO MUYEEYA BUTI?
Mbuti mbomukonzya kuba mulumi, mukaintu, naa muzyali uuli kabotu?
Ibbaibbele lilawiingula mubuzyo ooyu mulugwalo lwa BAEFESO 5:1, 2 alwa BAKOLOSE 3:18-21.
Andiza Inga Mwaakkomanina Ayaaya
SINSIMUKA!
Busongo Ibugwasya Kuba Alukkomano Mumukwasyi
Ncinzi ncobakonzya kucita bamalumi, bamakaintu, bazyali alimwi abana kutegwa babe abuumi bukkomanisya mumukwasyi?
MIBUZYO YAMU BBAIBBELE YAINGULWA
Ino Ncinzi Bbaibbele Ncolyaamba Kujatikizya Cikwati?
Njiisyo zyamu Bbaibbele zilakonzya kugwasya banabukwetene kweeleba naa kulwana buyumuyumu.
MIBUZYO YAMU BBAIBBELE YAINGULWA
Sena Bbaibbele Inga Lyandigwasya Kuba Amukwasyi Uukkomene?
Lulayo lugwasya luzwa mu Bbaibbele lwabagwasya bamaalumi abamakaintu banji kuba alukkomano mumaanda aabo.
SINSIMUKA!
Mikwasyi Iizwidilila—Kubelekela Antoomwe
Sena muntu ngomukwetene limwi uli mbuli muntu ngomukkala buyo limwi muŋanda yomwe kamutakwetene?
KUJATIKIZYA NDISWE
Nkaambo Nzi Ncomweelede Kwiiya Bbaibbele?
Bbaibbele lilapa bwiinguzi kumibuzyo iibakatazya kapati bantu banji mubuumi. Sena inga mwayanda kuba akati kabo?
KUJATIKIZYA NDISWE
Amulombe Kuswaigwa
Amubandike mubuzyo wamu Bbaibbele, naa amwiiye zinji kujatikizya Bakamboni ba Jehova.
