CIIYO 13
Ino Ncinzi Ncotweelede Kucita Kutegwa Tumukkomanisye Leza?
Mutanoociti zintu zibi. 1 Bakorinto 6:9, 10
Ikuti katumuyanda Jehova, tatukaciti zintu nzyatayandi.
Jehova tayandi kuti katubba, katukolwa, naa kubelesya misamu iikola.
Leza tayandi bantu bajaya bantunyina, ibagusya mada, alimwi abaalumi naa bamakaintu boonana mulicabo. Tayandi kuti katuli balyato naa kulwana.
Tatweelede kukomba mituni naa kusyoma mizimo.
Munyika ya Paradaiso iiboola, takukabi bantu bacita zintu zibi.
Amucite zintu zibotu. Matayo 7:12
Kutegwa tumukkomanisye Leza, tweelede kusoleka kuba mbuli nguwe.
Amubayande bantunyoko kwiinda mukuba alubomba alimwi akuba baabi.
Amusyomeke.
Amwaambile bamwi kujatikizya Jehova anzila zyakwe.—Isaya 43:10.
Amube aluse alimwi kamulekelela.
-
Ino Leza waabona buti masalamuzi?—Deuteronomo 18:10-12.
Andiza Inga Mwaakkomanina Ayaaya
NJIISYO ZYAMU BBAIBBELE ZIYANDIKA
Sena Leza Ulabukkomanina Bukombi Boonse?
Bantu banji basyoma kuti tacikwe makani acikombelo muntu nkwazulilwa.
KUJATIKIZYA NDISWE
Nkaambo Nzi Ncomweelede Kwiiya Bbaibbele?
Bbaibbele lilapa bwiinguzi kumibuzyo iibakatazya kapati bantu banji mubuumi. Sena inga mwayanda kuba akati kabo?
