June 16-22
TUSIMPI 18
Lwiimbo 90 Amupailo | Majwi Aantalisyo (1 min.)
1. Amubakulwaizye Aabo Bajisi Penzi Lyakuciswa-ciswa
(10 min.)
Amubandike mubusongo bwabuna Leza (Tus. 18:4; w22.10 22 ¶17)
Amusole kubumvwisya bukkale bwamuntu ooyo (Tus. 18:13; mrt cibalo 19 kabbokesi)
Amube mulongwe uugwasya alimwi uukkazika moyo (Tus. 18:24; wp23.1 14 ¶3–15 ¶1)
AMULIBUZYE KUTI, ‘Ncinzi ncondikonzya kucita kutegwa ndigwasye ngondikwetene limwi uujisi penzi lyakuciswa buyo naa penzi lyamumizeezo?’
2. Mbono Zyakumuuya
(10 min.)
-
Tus. 18:1—Ncinzi ncotweelede kucita kutegwa tulumvwe lugwasyo lwa Jehova? (w24.01 24 ¶13)
-
Ino nimbono nzi zyakumuuya nzyomwakajana mukubala Bbaibbele kwansondo iino nzyomukonzya kwaamba?
3. Kubala Bbaibbele
(4 min.) Tus. 18:1-17 (th ciiyo 11)
4. Kutalisya Mubandi
(1 min.) KUŊANDA AŊANDA. Mukamwiniŋanda waambaula mwaambo uumbi. (lmd ciiyo 2 kaambo 5)
5. Kupilukila
(3 min.) MUBUKAMBAUSI BWAKUBULEYA. Muntu wamulomba kuti mufwiinsye mubandi. (lmd ciiyo 7 kaambo 4)
6. Kupilukila
(3 min.) MUBUKAMBAUSI BWAMUKWIIZYA. Amumuyiisye kasimpe kajatikizya Bwami bwa Leza muntu ooyo. (lmd ciiyo 9 kaambo 5)
7. Kupandulula Nzyomusyoma
(4 min.) Citondezyo. ijwfq cibalo 29—Mutwe: Sena Musyoma Kuti Nyika Yakalengwa Mumazuba Aali Cisambomwe Aamawoola Aali 24? (lmd ciiyo 5 kaambo 5)
Lwiimbo 144
8. Kugwasya Bayandwa Kuba Acilongwe a Jehova “Kakunyina Kubelesya Jwi”
(15 min.) Mubandi.
Tobanabunji kuli muntu umwi ngotuzyi uutabelekeli Jehova—ambweni ngotukwetene limwi, mwaneesu, naa mulongwe wesu uutacisungweede. Sena kuli nomwakalijana kale kuti mumusungilizya buya naa kumunyemena kutegwa abelekele Jehova? Nokuba kuti makanze eesu mabotu, zimwi ziindi majwi eesu inga apa kuti bukkale bwiindile buya kubija. (Tus. 12:18) Ino ninzila nzi mbotu mbotukonzya kumugwasya?
Lugwalo lwa 1 Petro 3:1 lupandulula kuti mwaalumi uutasyomi ulakonzya “kukwelelezyegwa kakunyina kubelesya jwi.” Nokuba kuti mwaalumi wamucizyi Munakristo ulakaka kubandika kujatikizya kasimpe kamu Bbaibbele amukaintu wakwe, mukaintu ulakonzya kumugwasya kuti amuzyibe Jehova. Zintu nzyaakaiya kuzwa mu Bbaibbele nkokuti kuba siluyando, siluzyalo alimwi akucita zintu cabusongo, zilakonzya kumugwasya mulumaakwe kuyanda kwiiya zya Jehova. (Tus. 16:23) Bukkale bwesu alimwi aluzyalo zilakonzya kubakulwaizya bayandwa besu batabelekeli Jehova calino. w10 6/15 20-21 ¶4-6.
Amweebelele VIDIYO yakuti Ibazwidilila Mukulwanina Lusyomo—Aabo Bakwetene Aamuntu Uutali Musyomi. Mpoonya mubuzye mibuzyo iitobela:
-
Ncinzi ncomwaiya kucakuluula ca Mucizyi Sasaki?
-
Ncinzi ncomwaiya kucakuluula ca Mucizyi Ito?
-
Ncinzi ncomwaiya kucakuluula ca Mucizyi Okada?
9. Ciiyo ca Bbaibbele Cambungano
(30 min.) bt cibalo 27 ¶23-26, akabbokesi ikali apeeji 214, a 217
