Nkaambo nzi ncomweelede kubaambila bazyali banu zintu nzyomuyeeya? (Tus. 23:26) Akaambo kakuti Jehova wakabapa mukuli wakumulanganya akumusololela. (Int. 127:3, 4) Inga cabayumina kumugwasya ikuti kamutabaambili zintu zimulibilisya. Alimwi, inga mwaindwa coolwe cakugwasyigwa aluzyibo ndobajisi. Sena cililubide kusisa zintu zimwi? Peepe, pele ciyandika nkutabeena.—Tus. 3:32.

Mbuti mbomukonzya kubandika abazyali banu? Amusole kujana ciindi cili kabotu kulindinywe akulimbabo. Ikuti camuyumina kucita boobo, mulakonzya kubalembela lugwalo akwaamba mbomulimvwa. Ino mbuti kuti kabayanda kwaamba makani ngomutayandi? Kamuyeeya kuti bayanda buyo kumugwasya. Bazyali mbalongwe banu, kutali basinkondonyoko. Kusolekesya nkomucita kubandika abazyali banu kuyoomugwasya mubuumi bwanu boonse, kukabe kutamani!—Tus. 4:10-12.

AMWEEBELELE KAVIDIYO KAKUTI BUKUBUSI BWANGU—MBUTI MBONDIKONZYA KUBANDIKA ABAZYALI BANGU? MPOONYA MWIINGULE MIBUZYO IITOBELA:

• Ino ncinzi Esther alimwi a Partik ncobakaamba kujatikizya mbobakabede?

• Ncinzi ncomukonzya kwiiya kucikozyanyo ca Jesu?

• Muunzila nzi bazyali banu mbobatondezya kuti balamubikkila maano?

• Ino ninjiisyo nzi zyamu Bbaibbele zikonzya kumugwasya kubandika abazyali banu?