Intembauzyo 74:1-23
Masikili.* Intembauzyo ya Asafu.+
74 O Leza, nkaambo nzi ncootukakila mane kukabe kutamani?+Nkaambo nzi bukali bwako ncobuvwutukila* butanga bwamumacelelo aako?+
2 Koyeeya bantu* mbookalijanina kaindi,+Imusyobo ngookanununa kuti ube lukono lwako.+
Koyeeya Cilundu ca Ziyoni mowali kukkala.+
3 Kotozya maulu aako kumatongo aatamani.+
Sinkondo wanyonyoona zintu zyoonse mubusena bwako busalala.+
4 Basinkondonyoko bakavwuluma mukati kabusena bwako bwakuswaanganina.+
Babikka zikwankwani zyabo kuti zibe zitondezyo ooko.
5 Bakali mbuli bantu bavwukaula tweembe kugonka zisamu mucisaka.
6 Zintu zyoonse izizekaudwe+ mubusena oobo bakazigonka akuzipwayaula atweembe alimwi amingwala yabutale.
7 Bakaumpa cikombelo cako amulilo.+
Bakasampaula tente lyakukombela lijisi zina lyako, bakaliwaala ansi.
8 Balo abana babo, mumyoyo yabo baamba kuti:
“Masena oonse aakuswaanganina aa Leza* aali mucisi eeci ayelede kuumpwa.”
9 Kunyina zitondezyo zyakuti tubone;Takucikwe limbi musinsimi,Alimwi kunyina naba omwe akati kesu uuzyi naa eeci cilatola ciindi cilamfwu buti.
10 O Leza, ino mulwani ulazumanana kufwubaazya kusikila lili?+
Sena sinkondo unoosampaula zina lyako lyoonse mane kukabe kutamani?+
11 Nkaambo nzi ncolesya janza lyako, inzya janza lyako lyalulyo?+
Koligusya acamba* cako ubanyonyoone.
12 Pele Leza ngo Mwami wangu kuzwa kaindi,Ngonguwe uucita milimo mipati yalufwutuko munyika.+
13 Yebo wakakopanya lwizi munguzu zyako;+Wakapwayaula mitwe yazilenge zyamulwizi mumaanzi.
14 Yebo wakapwayaula mitwe ya Leviyatani;*Wakamwaaba kubantu kuti abe cilyo cabo, aabo bakkala muzimpayuma.
15 Nduwe wakadonkola tusensa twamaanzi alimwi atulonga;+Wakayuminizya milonga yakajisi maanzi aakali kukunka lyoonse.+
16 Ndonduwe mukamwini syikati alimwi amasiku.
Nduwe wakapanga mumuni alimwi azuba.+
17 Nduwe wakabikka minyinza yoonse yaanyika;+Nduwe wakapanga cilimo amupeyo.+
18 Koyeeya mbwaakusampaula sinkondo, O Jehova,Bantu bafwubafwuba mbobatalemeki zina lyako.+
19 Utaabi buumi bwanziba yako kubanyama bamusyokwe.
Utabulubililyo buumi bwabantu bako bapengede.
20 Koyeeya cizuminano cako,Nkaambo masena aasiya mbi aamunyika azula makkalilo aazigwebenga.
21 Ooyo uupenzyegwa atajokeli katyompedwe;+Aabo bapengede alimwi abacete abatembaule zina lyako.+
22 Nyamuka, O Leza, ukabeteke cabululami kaambo kako.
Koyeeya bafwubafwuba mbobakusampaula buzuba boonse.+
23 Utazilubi pe nzyobaamba basinkondonyoko.
Ciyoyooyo cabaabo bakuzangila ciluujisi kuya mujulu.
Bupanduluzi buyungizyidwe
^ Amubone Bupanduluzi Bwamabala.
^ Mu Chihebrayo, “ncobuuntumukila.”
^ Mu Chihebrayo, “mbungano yako.”
^ Naa “Masena oonse mwakombwa Leza.”
^ Naa “munkomo yacisani.”
^ Amubone Bupanduluzi Bwamabala.
