Intembauzyo 50:1-23
Lwiimbo lwa Asafu.+
50 Leza wabaleza, Jehova,*+ waamba;Waita nyikaKuzwa kumapaswido aazuba kusikila kumabbililo aandilyo.*
2 Kuzwa mu Ziyoni, ibusena bweebeka citaambiki,+ Leza wamweka.
3 Leza wesu uyooboola alimwi takonzyi kuumuna buyo pe.+
Kumbele lyakwe kuli mulilo uumpa cakumaninina,+Alimwi koonse-koonse iguwo pati kapati lilimuzingulukide.+
4 Wiita majulu alimwi anyika,+Kutegwa abeteke bantu bakwe kati:+
5 “Amubunganye bantu bangu basyomeka kumbele lyangu,Aabo ibapanga cizuminano andime kwiinda mucipaizyo.”+
6 Majulu aambilizya bululami bwakwe,Nkaambo Leza lwakwe Mubetesi.+ (Sela)
7 “Amuswiilile, nobantu bangu, ndaambe;O Israyeli, ndilapa bumboni bwamilandu yako.+
Ndime Leza, Leza wako.+
8 Tandikusinsi akaambo kazipaizyo zyako pe,Naa akaambo kazituuzyo zyako zyuumpwa buumbulu izili kumbele lyangu lyoonse.+
9 Tandiyandiki kubweza mupoho muluba lwako,Noziba mpongo* muzyaanda zyako.+
10 Nkaambo banyama bamusyokwe boonse mbibangu,+Nobaba banyama ibali mumalundu aali cuulu.
11 Ndilibazyi bayuni boonse bamumalundu;+Banyama bamusyokwe ibatakonzyi kubalwa mbibangu.
12 Nokuba kuti kaindijaide nzala, tandikonzyi kukwaambila pe,Nkaambo nyika mbotu azintu zyoonse zili mumo nzizyangu.+
13 Sena ndeelede kulya nyama yabapohoAkunywa bulowa bwampongo?+
14 Kotuula cipaizyo cakulumba kuli Leza,+Alimwi kozuzikizya zikonke zyako ku Mupatikampatila;+
15 Kondiita muciindi camapenzi.+
Ndilakuvwuna, eelyo yebo ulandilemeka.”+
16 Pele Leza uyoobuzya muntu mubi kuti:
“Ino ujisi nguzu nzi zyakuluula malailile aangu+Naa kwaamba kujatikizya cizuminano cangu?+
17 Nkaambo yebo ulalusulaika lulayo,*Alimwi uluujisi kufwutatila majwi aangu.*+
18 Wabona mubbi, ulamukkomanina,*+Alimwi uyanzana abasimamambe.
19 Ubelesya mulomo wako kumwaya makani mabi,Alimwi mulaka wako lyoonse waamba zyakubeja.+
20 Ulakkala akuvwiya munyoko;+Uyubununa tumpenda* twamwanookwanu ngomuzyalwa limwi da lyomwe.
21 Nowakali kucita zintu eezyi, mebo ndakaumwine buyo.Aboobo wakali kuyeeya kuti andime ndilaba mbuli nduwe.
Pele lino ndilakusinsa,Alimwi ndilakupa mulandu.+
22 Amwaamvwisye makani aaya, nywebo nomumuluba Leza,+Kutegwa nditamuzazauli kakunyina naba omwe uumuvwuna.
23 Ooyo uutuula cipaizyo cakulumba nguundilemeka,+Alimwi ooyo uutobela nzila iibikkidwe,Ndiyoomupa kubona lufwutuko luzwa kuli Leza.”+
Bupanduluzi buyungizyidwe
^ Naa “Leza, Leza, Jehova.”
^ Naa “Kuzwa kujwe kusikila kumbo.”
^ Mu Chihebrayo, “bajembwe.”
^ Mu Chihebrayo, “kusowa majwi aangu kusyule lyako.”
^ Naa “malailile.”
^ Naa ambweni, “ulamusangana.”
^ Naa “Ujaya zina.”
