Intembauzyo 5:1-12
Kumweendelezi wanyimbo ya Nehiloti.* Lwiimbo lwa Davida.
5 Koswiilila majwi aangu, O Jehova;+
Komvwa kutongela kwangu.
2 Kondimvwa nendikwiila kuti ndigwasyigwe,O Mwami wangu alimwi Leza wangu, nkaambo ndipaila kulinduwe.
3 O Jehova, mafwumofwumo uyoomvwa jwi lyangu;+Mafwumofwumo ndiyookwaambila cindikatazyide+ mpoonya ndiyoolangila.
4 Nkaambo toli Leza uukkomanina bubi;+Kunyina mubi uukonzya kuzumanana kukkala anduwe.+
5 Kunyina muntu uulidunda uukonzya kwiima kumbele lyako.
Tobayandi aabo boonse bacita zibi;+
6 Uyoobanyonyoona aabo ibaamba zyakubeja.+
Jehova ulabasesemwa basinkondo abasilweeno.*+
7 Pele mebo ndiyooboola akunjila muŋanda yako+ akaambo kaluyando lwako lupati lutamani;+Cakukuyoowa, ndiyoovwuntama ansi kandilangide kutempele* lyako lisalala.+
8 O Jehova, kondeenzya mubululami bwako akaambo kabasinkondoma;Kondibotezyela nzila yako.+
9 Nkaambo zyoonse nzyobaamba tazikonzyi kusyomwa;Mumyoyo yabo muzwide buyo bubi;Igoyooyo lyabo lili mbuli cuumbwe cijalukide;Balaupaika amilaka yabo.*+
10 Pele Leza uyoobapa mulandu;Bayakuwa akaambo kamakanze aabo beni.+
Abamwaisyigwe akaambo kakuvwula kwazibi zyabo,Nkaambo bakuzangila.
11 Pele aabo boonse bayuba mulinduwe bayookondwa;+Banoosekelela lyoonse.
Yebo uyoobasinkila aabo bayanda kubacisa,Alimwi aabo bayanda zina lyako bayookondwa mulinduwe.
12 Nkaambo yebo uyoomuleleka muntu uuli woonse uululeme, O Jehova;Uyoobazinguluka akubakkomanina mbuli kuti bakwabililwa antobo mpati.+
Bupanduluzi buyungizyidwe
^ Amubone Bupanduluzi Bwamabala.
^ Naa “ulasesemwa muntu uutila bulowa alimwi silweeno.”
^ Naa “kucikombelo.”
^ Naa “Babelesya mulaka waamba zyakubeja.”
