Nkaambo Nzi Ncomutabelesyi Ciingano Mubukombi Bwanu?
Bantu banji basyoma kuti ciingano ncecitondezyo ca Bunakristo cidumide. Nokuba kuti Bakamboni ba Jehova Mbanakristo, tababelesyi ciingano mubukombi bwabo. Ino nkaambo nzi?
Kaambo kamwi nkakuti Bbaibbele litondezya kuti Jesu taakafwida aciingano pele wakafwida acisamu. Kuyungizya waawo, Bbaibbele licenjezya Banakristo kuti ‘batije kukomba mituni,’ calo icibikkilizya akutabelesya ciingano mubukombi.—1 Bakolinto 10:14; 1 Johane 5:21.
Jesu wakaamba kuti: “Eeci nceciyoozyibya bantu boonse kuti muli basikwiiya bangu, ikuti kamujisi luyando akati kanu.” (Johane 13:34, 35) Aboobo Jesu wakatondezya kuti luyando lwakulyaaba ndoluyakuzyibya basikumutobela beni-beni, ikutali ciingano naa cibumbwa cimbi cili coonse.
Andiza Inga Mwaakkomanina Ayaaya
MIBUZYO YAMU BBAIBBELE YAINGULWA
Sena Jesu Wakafwida Aciingano?
Bantu banji babona kuti ciingano ncecitondezyo cidumide ca Bunakristo. Sena tweelede kucibelesya mubukombi?
SINSIMUKA!
Ciingano—Sena Cilaambwa mu Bbaibbele?
Bantu banji babona ciingano kuti ncitondezyo ca Bunakristo. Sena Jesu wakafwida aciingano? Sena baapostolo ba Jesu bakacibelesya ciingano mubukombi bwabo?
NJIISYO ZYAMU BBAIBBELE ZIGWASYA
Sena Leza Ulakuzumizya Kubelesya Zikozyanyo Mubukombi?
Sena inga zyatugwasya kuba acilongwe a Leza ngotutakonzyi kubona?
MIBUZYO YAMU BBAIBBELE YAINGULWA
Ino Jesu Wakafwida Nzi?
Bantu banji baliizyi njiisyo yakuti Jesu wakafwa kutegwa tube abuumi. Pele ino mbuti lufwu lwakwe mbolutugwasya?
NJIISYO ZYAMU BBAIBBELE
Amulembe Foomu Kuti Kamuyanda Kwiiya
Amwiiye Bbaibbele amwiiyi kakunyina kubbadela.