BOTSHELO JWA BOKERESETE
“Mpho ya ga Jehofa”
Re ka dira eng gompieno go naya Jehofa dimpho? (1Dit 29:5, 9, 14) Setlhogo seno se tlhalosa ditsela tse di farologaneng tsa go ntsha meneelo go tshegetsa tiro e e dirwang ke Basupi ba ga Jehofa mo nageng ya lona le mo lefatsheng lotlhe.
MENEELO E E NTSHIWANG MO INTERNET LE MO MABOKOSONG A DIRISIWA GO TSHEGETSA:
-
TIRO E E DIRWANG MO LEFATSHENG LOTLHE
go aga diofisi tsa makala le diofisi tsa thanolo
dikolo tse di thapisang batho ba ga Jehofa
badiredi ba ba mo tirelong ya nako e e tletseng e e kgethegileng
thuso ya namolo
go gatisa dikgatiso, go di rekota le go di tsenya mo Internet
-
DITSHENYEGELO TSA PHUTHEGO
go duela ditshenyegelo tse di jaaka motlakase le metsi le go tlhokomela Holo ya Bogosi
maitlamo a a dirilweng ke phuthego a go romela madi kwa ofising ya lekala malebana le:
-
go aga Diholo Tsa Bogosi le Diholo Tsa Dikopano mo lefatsheng lotlhe
-
thulaganyo ya go thusa diphuthego go aga Diholo Tsa Bogosi
-
ditiro tse dingwe tse di dirwang mo lefatsheng lotlhe
-
DIKOPANO
Meneelo e e ntshiwang kwa dikopanong tsa tikologo e ntshediwa tiro e e dirwang mo lefatsheng lotlhe. Seno se dira gore go kgone go duelelwa ditshenyegelo tsa dikopano tsa tikologo, dikopano tse di kgethegileng le tsa boditšhabatšhaba.
Meneelo e e ntshiwang kwa dikopanong tsa potologo e dirisediwa go hira lefelo le go tshwarelwang kopano mo go lone, go tlhokomela dikago tsa dikopano le go duelela ditshenyegelo tse dingwe tsa potologo. Fa go na le madi a a setseng, potologo e ka dira tshwetso ya gore madi ao a ntshediwe tiro e e dirwang ke Basupi ba ga Jehofa mo lefatsheng lotlhe.
