Baiseraele ba ne ba na le mabaka a mantsi a go baka Jehofa. O ile a ba ntsha kwa Egepeto a bo a ba golola mo masoleng a ga Faro. (Ek 15:1, 2) Jehofa o nna a direla batho ba gagwe dilo tse di molemo. Re ka bontsha jang gore re lebogela seno?—Pes 116:12.

Tsela e nngwe ke ka go nna mmulatsela yo o thusang kgotsa wa ka metlha. O ka rapelela go na le keletso le maatla a go direla o le mmulatsela. (Baf 2:13) Bangwe ba simolola ka go nna babulatsela ba ba thusang. Fa o direla jaaka mmulatsela yo o thusang, o ka tlhopha go dira diura di le 30 kgotsa 50 mo kgweding ya March le April le ka kgwedi ya fa molebedi wa potologo a etetse phuthego ya lona. Fa o sena utlwa monate wa go direla jaaka mmulatsela yo o thusang, o ka batla go direla jaaka mmulatsela wa ka metlha. Tota le batho ba ba dirang tiro ya boitshediso ya nako e e tletseng le ba ba nang le mathata a botsogo ba ile ba kgona go direla jaaka babulatsela ba ka metlha. (mwb16.07 8) Jehofa o tshwanelwa ke matsapa a re a tsayang a go mo baka.—1Dit 16:25.

LEBANG BIDIO YA BOKGAITSADI BA KWA MONGOLIA LO BO LO ARABA DIPOTSO TSE DI LATELANG:

• Ke dikgwetlho dife tse bokgaitsadi bano ba ileng ba di fenya gore ba nne babulatsela?

• Bokgaitsadi bano ba ile ba itumelela masego afe?

• Ke ditshono dife tse ba ileng ba nna le tsone fa ba sena go nna babulatsela ba ka metlha?

• Sekao sa bone se ile sa thusa ba bangwe jang?